Arxiv
11 Aprel 2019, 15:41 | ƏDƏBİYYAT
Təzyiq dərmanı sonraya qaldı

Akif Cabbarlı


Dumanlı, azacıq da çiskinli bir yaz günü adəti üzrə evdəkilərdən xeyli tez yatağından qalxıb əl-üzünü yudu, sonra bir stəkan çay içib həyətə düşdü. Yaxın-yörədə heç kim gözə dəymirdi. Görünür, havanın soyuq olması, çiskinin də yavaş-yavaş yağışa çevrilmə ehtimalı tay-tuşlarının həyətə çıxmasını hələ ki, ləngidirdi. Yadına düşdü ki, aptekə getməli, dünən axşam tanış həkiminin telefonla dediyi dərmanları almalıdır. Yoxsa yenə qan təzyiqi kəllə-çarxa qalxacaq, həyat yoldaşını da, uşaqları da bərk qorxudacaqdı. Ürəyindən yenə həmişəki duyğular keçdi; “Namiq, yekə kişisən, ayağını möhkəm dirə, ölüb-eləmə. Qəbir yeri bahalaşıb, ehsan vermək çətinləşib, məzar daşını düzəltdirmək də xeyli vəsait istəyir. Cibindəki siçanlar da perik düşüb. Uşaqların özünü güclə saxlayır. Hələ bir səbir elə, sonra da ki, gördün ölməyin gəlir, Hindistandakı fillər ölməyə meşəyə getdikləri kimi, çıx get dədənin kəndinə. Camaat elliklə, dədə-baba adətləri üzrə səni o tərəfə yola salar. Yoxsa şəhərdə çətin olacaq, vallah”.


Sonra öz-özünə mızıldandı: “Kəndə kimi üstünə gedirsən, ey... Atandan, anandan sonra o qapını nə vaxt ürəklə açmısan? Qazananda, əlin pul gətirəndə qohum-qardaş səni gülə-gülə qarşılayır, gülə-gülə də (pay-pürüşsüz də olsa) yola salırdılar. İndi pensiyaçı adamsan, başını birtəhər girləyirsən. Zənbilin yüngülləşdikcə sənə kənddə göstərilən münasibət də avazıyır, solğunlaşır. Niyə başa düşmürsən, anlamırsan axı bütün olub-keçənləri? Bağ, ərik, salam-əleyk və ədəbiyyatımızın digər məsələləri deyib özün izah eləmirdin bunları?”.


Namiq müəllim gərgin suallarla baş-başa həyətdən çıxhaçıxda yanında iri, lap vaqon boyda bir Cip dayandı. Rulun arxasındakı yekəpər adam pəncərənin şüşəsinin aşağı salıb xırıltılı səslə nərildədi:


- Namiq müəllim, hara belə səhər-səhər? Sənin indi evdə oturan vaxtındır. Sonra yolda-rizdə...


Kişi dinmədi, amma dəqiq bilirdi ki, sadəcə üzdən tanıdığı bu kəlpeysər sözünü necə tamamlamaq istəyirdi; yəni yolda-rizdə ölüb-eləyərsən, yiyə duran da olmaz. Namiq müəllim maşındakına zəndlə baxıb kim olduğunu dəqiqləşdirməyə çalışırdı; - hə, hə, tanıdım, qonşu binada olur. Bizim sahənin adamıdır, amma cavan da olsa, özünə bir gün ağlayan, döşəyinin altını vaxtında dolduranlardandır deyəsən...


Maşındakı adam əlini qoltuq cibinə salıb bir topa dəvətnamə çıxartdı. Birinin üstünü hıqqana-hıqqana oxuyub, sonra kişiyə uzatdı:


- Ağsaqqal, üç gündən sonra gədənin toyudur. Gələrsən. Qoy mənim məclisimdə görsünlər ki, heç kimə fərq qoymuram, sənin kimi izvestni (yəni ki, tanınmış – A.C.) adamları da çağırıram.


Namiq müəllim dəvətnaməni aldı, amma qonşunun ikibaşlı cümləsinə görə qanı bərk qaraldı, səbrini basmalı oldu. Daha aptekə gedəsi olmadı. Arxasını heç vaxt yerə verməyən, pulsuzluğa, imkansızlığa görə özünü sındırmayan kişi yarı yoldan evə qayıtdı. Portmanatındakı olub-qalan əlli manatlıq əskinası çıxarıb yalnız xeyirə-şərə geyindiyi nimdaş pencəyinin cibinə qoydu. Soyuducudan bir limon çıxarıb dilimlədi; - hələ ki, təzyiqimi limonla-zadla yoluna qoyum, sonrasına Allah kərimdir deyib, televizorun düyməsini basdı.  

BU KATEQORİYADAN OLAN DİGƏR XƏBƏRLƏR
+ Arxiv
Məşhurların övladları: Qabil Hüseynlinin musiqiçi qızı - Mətin pilot xanımı - DOSYE 25 Avqust 2019, 11:37 “Hər şeydən bezib yorulmuşdum” - Atasını bıçaqlayan 19 yaşlı Günelin dramı 25 Avqust 2019, 10:47 Oğuzda dağlıq ərazidə meşə yanır - 2 helikopter və təyyarə cəlb edilib   25 Avqust 2019, 10:30 Hacıların sonuncu qrupu bu gün vətənə dönür 25 Avqust 2019, 10:13 Yol polisi sürücülərə və sərnişinlərə sərin su payladı - FOTO 25 Avqust 2019, 10:00 Qubadakı yanğın məhdudlaşdırıldı 25 Avqust 2019, 09:45 Mövqelərimiz atəşə tutuldu 25 Avqust 2019, 09:30 Şəkidə baş vermiş yanğınlar 300 hektara yaxın ərazini əhatə edib   25 Avqust 2019, 09:15 Azərbaycan adından qrant alan qurumlar hesabat verəcək - QƏRAR 25 Avqust 2019, 09:00 Rusiyada azərbaycanlı bloqer SAXLANILDI 25 Avqust 2019, 00:53 Sumqayıtda iki qrup arasında kütləvi dava 25 Avqust 2019, 00:43 Bakıda avtobus iki piyadanı vurdu 25 Avqust 2019, 00:28 Zeynəbin  təhsil haqqı tam ödənildi 25 Avqust 2019, 00:12 Xəzərdə batan 2 nəfər xilas edildi 24 Avqust 2019, 23:57 Fransada etirazçılarla  qarşıdurma 24 Avqust 2019, 23:38 Heydər Əliyev Mərkəzinin parkında konsert 24 Avqust 2019, 23:24 Türkiyədə polisləri daşıyan maşın aşdı: 2 ölü 24 Avqust 2019, 23:10 Sumqayıtda toy zamanı şadlıq evi yandı: 360 nəfər təxliyyə edildi 24 Avqust 2019, 22:59 Şəkidə yanğın 70 hektar ərazini kül etdi 24 Avqust 2019, 22:46 Sərbəst sözün işığı 24 Avqust 2019, 22:37 Ruhani  rialdan dörd sıfrı silir 24 Avqust 2019, 22:17 Goranboyda ağır qəza: 1 ölü, 5 yaralı 24 Avqust 2019, 21:44 "Səbail" I pilləyə yüksəldi 24 Avqust 2019, 21:30 Ərdoğan İmamoğlunu yenə tənqid etdi 24 Avqust 2019, 21:13 Kürdəmirdə daha bir fəhlə iş yerində öldü 24 Avqust 2019, 20:56 Rusiyada iki azərbaycanlı həbs olundu 24 Avqust 2019, 20:38 Gecə klubunda 52 nəfər saxlanıldı 24 Avqust 2019, 20:19 Tramp Makronla G7 sammiti öncəsi müzakirə apardı 24 Avqust 2019, 20:01 Yevlaxda 17 gün əvvəl edilən oğurluğun üstü açılıb 24 Avqust 2019, 17:56 Bakıda məşqə gedən 21 yaşlı oğlan avtovağzalda itkin düşdü 24 Avqust 2019, 17:42 Ukrayna vətəndaşı Bakıda 160 min dollarlıq dələduzluq edib 24 Avqust 2019, 17:30 Çin Trampa rəsmi XƏBƏRDARLIQ etdi 24 Avqust 2019, 17:13 Azərbaycanın daha bir aparıcı bankına haker hücumu olub 24 Avqust 2019, 16:53 Türkiyədə zirehli avtomobil aşıb, 2 polis ölüb, 4-ü xəsarət alıb 24 Avqust 2019, 16:46 Zelenski Bakı ermənisini TŞ-nin rəhbəri postuna gətirir? 24 Avqust 2019, 16:31