Arxiv
8 May 2019, 17:43 | MƏDƏNİYYƏT
Heydər Əliyev Fondu 15-ci ilində...

Heydər Əliyev Fondunun yaranmasından 15 il keçir. Bu münasibətlə prezident İlham Əliyev Heydər Əliyev Fondu əməkdaşlarının təltif edilməsi haqqında sərəncam imzaladı. Heydər Əliyev Fondunun icraçı direktoru və Heydər Əliyev Mərkəzinin direktoru Anar Ələkbərov “Şöhrət” ordeni ilə təltif olundu. Fondun rəhbəri, birinci-vitse prezident Mehriban Əliyevanın bir neçə köməkçisi olsa da, Anar Ələkbərovun səlahiyyəti və məsuliyyət dairəsi genişdir. İcraçı direktor Fondun işinə bilavasitə rəhbərliyi, proqram və tədbirlərə nəzarəti həyata keçirir. Fondun ekspert şurası da var. Konsultativ qurum olan Ekspert Şurası qəbul olunan qərarların səmərəliliyini və effektivliyini təmin edir. Müxtəlif ixtisaslı ekspertlərdən təşkil olunmuş Ekspert Şurasının vəzifəsi müvafiq rəyləri, hesabatları və məruzələri hazırlayıb prezidentə təqdim etməkdən ibarətdir.

Heydər Əliyev Fondu 15 ildə ölkənin sosial həyatında əsas təşkilata çevrilib. İnsanlar bu təşkilata ümid yeri kimi baxırlar. Yardım və dəstək məqsədilə müraciətlərin və məktubların mütləq əksəriyyəti məhz Fonda yönəlir. Bu da onunla əlaqəlidir ki, Fond 15 ildə insanların problemlərinin həllində mühüm rol oynayıb. Oxşar təşkilatlar dünyanın müxtəlif ölkələrində var. Heydər Əliyev Fondunu bənzər təşkilatlarından fərqləndirən odur ki, Fondun fəaliyyəti yalnız bir sahəni əhatə etmir. Bu sıraya sosial problemlərin həllindən, xəstəxana, məktəb və uşaq bağçalarının tikintisindən tutmuş, müxtəlif səpgili layihələrin tətbiqinə və reallaşdırılmasına qədər çalışmaları göstərmək olar. Azərbaycan torpaqlarının işğalının və Xocalı soyqırımının dünyada tanıtdırılması işi də Heydər Əliyev Fondunun əsas fəaliyyət istiqamətlərindən biridir. Təsadüfi deyil ki, son illərdə onlarla ölkənin parlamentində Xocalı soyqırımı haqqında qətnamələr qəbul edilib. Dünyanın müxtəlif ölkələrində kök salmış güclü erməni lobbisi 1960-cı illərdən başlayaraq “erməni soyqırımı”nı müxtəlif ölkələrin parlamentlərində tanıtdırmağa nail olmuş, özlərini məzlum millət kimi göstərməyə çalışmışlar. “Erməni soyqırımı”ndan fərqli olaraq canlı şahidlərə malik və qətliam görüntülərini özündə əks etdirən Xocalı soyqırımının müxtəlif ölkələrin parlamentlərində tanıtdırılması və “Xocalıya ədalət” aksiyalarının keçirilməsi erməni lobbisinin çalışmalarına zərbədir və dünya görür ki, özünü “məzlum millət” kimi göstərmək istəyənlər Azərbaycanda əsl soyqırımı törədiblər.

Heydər Əliyev Fondunun müxtəlif ölkələrdə həyata keçirdiyi sosial və humanitar layihələrin iki əsas hədəfi var. Birinci hədəf məktəb və xəstəxanaların tikintisi, dərmanların və zəruri yardımların çatdırılması vasitəsilə ağır vəziyyətdə və köməyə ehtiyacı olan insanlara yardımdırsa, ikinci hədəf Azərbaycanla tərəfdaş münasibətlərdə olan ölkələrə dost əli uzatmaq və bu yolla ikitərəfli əlaqələri daha da üst səviyyəyə qaldırmaqdır. Bununla Heydər Əliyev Fondu həm də Azərbaycanın xarici və milli təhlükəsizlik siyasətində önəmli rola malik olduğunu göstərir. Məsələn, Heydər Əliyev Fondunun dost və qardaş Pakistanda həyata keçirdiyi humanitar aksiyalar, tikdiyi məktəb və xəstəxanalar iki ölkə arasındakı əlaqələrin daha üst səviyyəyə qalxmasına xidmət edir. Pakistan Azərbaycanın strateji müttəfiqidir, İslamabad Dağlıq Qarabağ məsələsində birmənalı şəkildə Azərbaycanı dəstəkləyir. Ona görə də Heydər Əliyev Fondunun Pakistanın sosial problemlərinin həllində rol oynaması həm də Azərbaycanın qardaş dövlətin siyasətinə minnətdarlıq əhəmiyyəti daşıyır.

Heydər Əliyev Fondunun Azərbaycanda həyata keçirdiyi sosial və humanitar layihələr faktiki bu işə məsul olan nazirliklərin işinə də mühüm dəstək, problemlərin həllində məsuliyyətin bölüşdürülməsidir. Məsələn, Heydər Əliyev Fondu nəzdində “Regional İnkişaf” İctimai Birliyi fəaliyyət göstərir. Fondun əsas qollarından birinə çevrilən birliyin məqsədi bölgələrin əsas problemlərinin öyrənilməsi və onların həllinin sürətləndirilməsidir. Halbuki, bölgələrdə işsizlik problemlərinin həlli, gənclər üçün yeni iş yerlərinin açılması və gənclərin zərərli vərdişlərdən uzaqlaşdırılması birbaşa buna məsul olan nazirliklərin səlahiyyət dairəsinə aiddir. 

Fond və birinci vitse-prezident son illərdə cəmiyyətdən gələn siqnallara da xüsusi diqqət göstərir. Bu mənada sosial şəbəkələrin önəmli rolu var. Sosial şəbəkələrdə sosial və humanitar mövzuda narazılıq yaradan və böyük diskussiyalara səbəb olan mövzular Fondun diqqətindən yayınmır, onlara reaksiya verilir. Məsələn, İçərişəhərdəki tikinti və təmir işləri ilə bağlı sosial şəbəkələrdə geniş müzakirələr açıldığında birinci vitse-prezident İçərişəhərə gəldi, təmir-tikinti işləri ilə yerindəcə tanış oldu və məmurlara tarixi abidələrin qorunması tapşırığını verdi. Və ya şəhərin qədim tikililərindən biri ­- “Salaam Cinema Baku”nun yerləşdiyi bina ilə bağlı gənclər arasında geniş diskussiya açıldığında və mərkəzin işıqları kəsildikdə birinci vitse-prezident yenidən anındaca olaya reaksiya verdi və yazdığı statusda tarixi binaların qorunması vacibliyini səsləndirdi. Mehriban Əliyevanın bu cür reaksiyalarının iki mənası var. Birincisi, birinci vitse-prezident bununla göstərir ki, cəmiyyəti narahat edən mövzulara həssasdır, ikincisi, haqqında danışılan yerlərə şəxsən baxışların keçirilməsi və verilən açıqlamalar məmulara da bir növ xəbərdarlıq mahiyyəti daşıyır ki, atdıqları addımlar qanunlara zidd olmasın və məmurlar insanların narahatlıqları diqqətə alınsınlar.

“Atlas” Araşdırmalar Mərkəzi

BU KATEQORİYADAN OLAN DİGƏR XƏBƏRLƏR
+ Arxiv
Türkiyə daha 2 şəhid verdi 20 İyul 2019, 00:31 Yasamalda mənzildə iki  meyit aşkarlandı 20 İyul 2019, 00:14 İki nazirlik şadlıq evindəki zəhərlənmə ilə bağlı məlumat yaydı 19 İyul 2019, 23:59 Tovuzda toya gələn gənc yol qəzasının qurbanı oldu 19 İyul 2019, 23:43 Nazir Çinin yeni səfirini qəbul etdi 19 İyul 2019, 23:25 Dənizdə boğulan gənc xəstəxanada ayıldı - VİDEO 19 İyul 2019, 23:05 İran Hörmuz boğazında Britaniya tankerini saxladı 19 İyul 2019, 22:47 “İşğal altında olan Dağlıq Qarabağ dünyanın heç bir suveren dövləti tərəfindən tanınmır” - XİN 19 İyul 2019, 22:33 Əsgərin yola salınma mərasimində kütləvi zəhərlənmə 19 İyul 2019, 22:16 FETÖ-ya bağlı baş nazir istefa verdi 19 İyul 2019, 22:03 Şirvanda toyda 14 nəfər tüstüdən zəhərləndi 19 İyul 2019, 21:46 Sel Türkiyədə 7 can aldı 19 İyul 2019, 21:28 Rövşən Lənkəranskinin qətli  “göyərti kralı” ilə bağlı olub - Şok ifadə 19 İyul 2019, 21:16 Amerikada mətbuat tarixi və ya Xəbərlər heç vaxt yatmır... 19 İyul 2019, 21:09 ABŞ Venesuelaya yeni sanksiya tətbiq edir 19 İyul 2019, 20:56 Avstriyada təyyarə qəzası: Ölənlər var 19 İyul 2019, 20:43 Bu məhkəmələr ləğv edildi - SİYAHI 19 İyul 2019, 20:17 Davudoğlundan sərt təpki: “Hər qapını bağlasalar da, susmayacağıq” 19 İyul 2019, 20:03 Ərdoğan İlham Əliyevə zəng etdi 19 İyul 2019, 20:00 Polis jurnalistlərlə birgə gücləndirilmiş əməliyyat tədbirlərinə başladı - FOTO 19 İyul 2019, 19:52 Bakıda daha bir beynəlxalq turnir keçiriləcək - “Baku Open” 19 İyul 2019, 19:43 Prezident 11 səfiri geri çağırdı 19 İyul 2019, 19:34 “Qarabağ” UEFA reytinqində irəlilədi   19 İyul 2019, 19:25 Neft Fondunun gəlir və xərcləri təsdiqləndi -SƏRƏNCAM 19 İyul 2019, 19:15 Dövlət Komitəsinin bir sıra səlahiyyətləri ləğv edildi - FƏRMAN 19 İyul 2019, 19:06 Əcnəbilərə Azərbaycanda təhsil almaq üçün yeni imkan - FƏRMAN 19 İyul 2019, 18:58 Azercell ödənişsiz göz müayinələri təşkil etdi   19 İyul 2019, 18:49 Prezident məhkəmə sədrini vəzifəsindən azad etdi - SƏRƏNCAM 19 İyul 2019, 18:42 Qəbul imtahanının yeganə rekordçusu Səbinə: “Müəllimlərim məni təmənnasız hazırlayıblar”   19 İyul 2019, 18:35 Azərbaycanda hakimlərlə bağlı yeni SƏRƏNCAM 19 İyul 2019, 18:27 Bu nazirliyiə övladlığagötürmə ilə bağlı yeni səlahiyyətlər VERİLDİ 19 İyul 2019, 18:19 Mətbuat Şurası Elçin Əlibəylinin saytına xəbərdarlıq etdi 19 İyul 2019, 18:10 Dövlət Komitəsi aparatının işçilərinin sayı artırıldı 19 İyul 2019, 18:02 SƏLİS-ə daxil olan proqramlardan istifadə qaydalarına dair təlimlər başladı 19 İyul 2019, 17:55 230-dan çox insan Azercell-in ödənişsiz göz müayinələrindən yararlanıb   19 İyul 2019, 17:47