Modern.az

Bakı-Tbilisi-Qars dəmiryolu ilə avqustda sərnişin daşınacaq

Bakı-Tbilisi-Qars dəmiryolu ilə avqustda sərnişin daşınacaq

26 May 2019, 21:47

“Bakı-Tbilisi-Qars dəmiryolu xətti ilə sərnişin daşınmasını reallaşdırmaq ilə bağlı bütün işlər bu ilin avqustunda yekunlaşacaq. Bu istiqamətində sərnişin daşımalarının həyata keçirilməsi üçün dəmiryolu xətti hazırdır. Qatarlar da ölkəyə gətirilib”.

Modern.az xəbər verir ki, bunu "Azərbaycan Dəmir Yolları" QSC-nin sədri Cavid Qurbanov İTV-yə müsahibəsində bildirib.

 

Cavid Qurbanov qeyd edib ki, vaqon gətiriləndən sonra sınağı keçirilməlidir: “Sınaqlar keçiriləndə insanların təhlükəsizliyinin tam təmin edilməsinə əmin olacağıq. Bizim hesablamalarımıza görə bu, avqust ayına reallaşacaq. İnfrastruktur demək olar ki, hazırdır”.

  1. Qurbanov biletin qiyməti ilə bağlı da məlumat verib:

 

“Türkiyə tərəfindən qiymətlər açıqlanmışdı. Lakin həmin qiymətlər nə Azərbaycan tərəfinin, nə də Gürcüstan tərəfinin qərarı deyil. Bakı- Tbilisi-Qarsda biletin qiymətini insanların yaşayış tərzinə uyğun olacaq”.

 

Qeyd edək ki, Türkiyə mətbuatında Bakı-Tbilisi-Qars dəmir yolu ilə sərnişin daşınmasının bu ilin avqustda başlanılacağı açıqlanmışdı. Belə ki, həftədə bir səfər nəzərdə tutulub. Qiymətlər vaqonların klasından asılı olaraq adambaşına 97- 220 manat arasında olacağı güman edilirdi. Həmçinin qeyd olunurdu ki, sözügedən qatar vasitəsilə Ankaraya getmək də mümkün olacaq.

Telegram
Hadisələri anında izləyin!
Keçid et
Son dəqiqə- Paşinyan Qazaxın Əskipara kəndinə gəldi