Azərbaycanın Müdafiə Sənayesi naziri olmuş mərhum Yavər Camalovun oğlu Rəşad Camalov fevralın 9-da keçiriləcək növbədənkənar parlament seçkilərində iştirak edəcək.
Bu barədə Modern.az-a 46 saylı Şirvan seçki dairəsindən məlumat verilib.
Bildirilib ki, Rəşad Camalov deputatlığa namizəd olmaq üçün sənədlərini bir neçə gün qabaq DSK-ya təqdim edib:
“Rəşad Camalovun namizədliyi DSK tərəfindən qeydə alınıb. O, müstəqil namizəd kimi seçkilərdə iştirak edəcək”.
Qeyd edək ki, Rəşad Camalov seçkilərdə YAP-ın namizədi Azər Quliyevlə mübarizə aparacaq.
Xatırladaq ki, fevralın 9-da Azərbaycanda növbədənkənar parlament seçkiləri keçiriləcək.
