Böyük Britaniyada koronavirusa görə tətbiq olunan məhdudiyyətlər daha 6 ay uzadılıb.
Modern.az xəbər verir ki, bunu Baş Nazir Boris Conson parlamentin İcmalar Palatasında çıxışı zamanı söyləyib.
O, lazım gələrsə, məhdudiyyətlərin artırılacağını bildirib.
Conson qapalı məkanlarda insanların maska taxmalarının vacibliyini və toyların maksimum 15 nəfərlə keçirilməli olduğunu qeyd edib.
Qaydalara görə, restoran və klublar axşam saat 22:00-dan sonra fəaliyyətini dayandıracaq. Ofislərdə çalışan şəxslərə yenidən evdən işləmələri tövsiyə olunub.
