Modern.az

Çempionlar Liqasının növbəti finalı Sankt-Peterburqda keçiriləcək

Çempionlar Liqasının növbəti finalı Sankt-Peterburqda keçiriləcək

19 Yanvar 2021, 20:42

UEFA Çempionlar Liqasında 2021/2022 mövsümünün təqvimini açıqlayıb.

 

Modern.az qurumun rəsmi saytına istinadən xəbər verir ki, qitənin 1 nömrəli klub turnirində yeni mövsümə iyunun 22-də ilkin mərhələnin yarımfinal oyunları ilə start veriləcək. 3 gün sonra bu raundun final matçı baş tutacaq.

 

Birinci təsnifat mərhələsinin görüşləri 6-7 və 13-14 iyulda, ikinci raundun matçları 20-21 və 27-28 iyulda oynanılacaq. Üçüncü təsnifat mərhələsində ilk oyunlar 3-4 avqustda, cavab qarşılaşmaları 10 avqustda keçiriləcək. Pley-off mərhələsinin görüşləri isə 17-18 və 24-25 avqustda olacaq.

 

Çempionlar Liqasında qrup mərhələsi 14-15 sentyabrda birinci turun oyunları ilə başlayacaq.

 

Çempionlar Liqası

2021/2022 mövsümü

İlkin mərhələ

22 iyun: Yarımfinal

25 iyun: Final

6-7 və 13-14 iyul: Birinci təsnifat mərhələsi

20-21 və 27-28 iyul: İkinci təsnifat mərhələsi

3-4 və 10 avqust: Üçüncü təsnifat mərhələsi

17-18 və 24-25 avqust: Pley-off mərhələsi

 

Qrup mərhələsi

14-15 sentyabr: Birinci tur

28-29 sentyabr: İkinci tur

19-20 oktyabr: Üçüncü tur

2-3 noyabr: Dördüncü tur

23-24 noyabr: Beşinci tur

7-8 dekabr: Altıncı tur

 

Pley-off

2022-ci il

15-16, 22-23 fevral və 8-9, 15-16 mart: 1/8 final mərhələsi

5-6 və 12-13 aprel: 1/4 final mərhələsi

26-27 aprel və 3-4 may: Yarımfinal mərhələsi

28 may: Final

 

Qeyd edək ki, Çempionlar Liqasında 2021/2022 mövsümünün finalı Rusiyanın Sankt-Peterburq şəhərindəki eyniadlı stadionda keçiriləcək.

Youtube
Kanalımıza abunə olmağı unutmayın!
Keçid et
Ukraynadan Rusiyaya ardıcıl zərbələr: Vəziyyət kritikdir