Arxiv
17 May 2021, 17:49 | ANALİTİKA
Makronun erməni dilindəki bəyanatından sonra səfirimizi Fransadan geri çağırmalıydıq

Hazırda Rusiya, Ermənistan və Azərbaycan arasında imzalanan üçtərəfli bəyanata uyğun olaraq, sərhədlərin dəqiqləşdirilməsi prosesi gedir. Lakin Ermənistan tərəfinin yenə də pozuculuq siyasəti yürüdərək, bu prosesə qeyri-adekvat reaksiyasının şahidi oluruq. Belə ki, məğlub ölkə Azərbaycanın müvafiq xəritələrə uyğun sərhədlərini bərpa etməsinə maneçilik törətməklə həm də ölkəmizin ərazi bütövlüyünü bir daha tanımadığını nümayiş etdirir. Ermənilər bu addımı hər zaman olduğu kimi, dünya dövlətlərinin diqqətini cəlb etmək məqsədilə atırlar. Və bu hay-həşirdə özlərinin "təcavüzə məruz qaldıqlarını" bəyan edirlər...


Bununla bağlı Modern.az-a danışan Beynəlxalq Münasibətlərin Təhlili Mərkəzinin sədri Fərid Şəfiyev düşünür ki, Ermənistan-Azərbaycan sərhədində baş verən anlaşılmazlıqlar erməni həyasızlığından başqa bir şey deyil:


“Qərb dövlətləri, beynəlxalq ictimaiyyət də həmişə ermənilərə yönəlik siyasət yürüdür. Eyni mənzərə Qarabağ məsələsində daha qabarıq nəzərə çarpır. Ermənilər illərlə məscidlərimizi, tarixi abidələrimizi dağıtdılar. Heç kim səsini də çıxartmırdı, qarışmırdı. Halbuki, müharibə zamanı ermənilərin bir-iki kilsəsinə ziyan dəymişdi, bu, dünyada səs-küy yaratdı. Xarici ölkələr reaksiya verdilər. İndi sərhəd məsələsində də eyni şey təkrarlanır.
Ermənilərin bu cür təxribatları köhnə problemdir və bizə yad deyil. Lobbiçilik, Azərbaycana qarşı qərəzli mövqe, antiislam, antitürk meyarlar Qərb mediasında yüksək olduğu üçün ermənilərin Qərbin diqqətini cəlb etmək meyli daha güclüdür. Bu situasiya sərhəd məsələsində də özünü büruzə verdi. Biz öz işimizi davam etdirməliyik. Əsas məsələ odur ki, sərhədlərimizi müvafiq şəkildə müəyyən edirik. Sərhəd qoşunlarımız bu mövqeləri tutur və prosesi davam etdirməliyik”.


Ermənistanın 30 il Azərbaycan torpaqlarını zəbt etdiyini, işğal altında saxladığını vurğulayan Fərid Şəfiyevin sözlərinə görə, ermənilərdə sərhəd hissiyyatı artıq yox olmuşdu:



“İndi ermənilər üçün bu reallığı qəbul etmək çox çətindir. Sovetdən qalan, hərbi, müvafiq xəritələr var. Buna uyğun delimitasiya keçirilməlidir. Hüquqi baxımdan delimitasiyadan söhbət gedirsə, ilk növbədə Ermənistan Azərbaycanın ərazi bütövlüyünü tanımalıdır. Delimitasiya prosesi başlayanda ilk tələb budur. Ermənistan Azərbaycanın ərazi bütövlüyünü tanımırsa, biz məcbur etməliyik. Təkidlə tələb etməliyik.

Həmçinin, bu prosesdə beynəlxalq aktorların da rolu var. Onlar status məsələsini gündəmə gətirmək istəyirlər. Nə Fransa, nə də ABŞ reallığa uyğun addım atır, ərazi bütövlüyü məsələsi yoxdur, ortada yenə status məsələsini qabardırlar. Ona görə, bizim mövqeyimiz ermənilərə qarşı sərt olmalıdır. Hətta mən düşünürəm ki, Fransa prezidenti Emmanuel Makronun erməni dilində bəyanat verməsindən sonra biz səfirimizi Fransadan geri çağırmalı idik”.


Mərkəz rəhbəri Naxçıvanın Kərki kəndinin və Qazaxın 7 kəndinin hələ də də erməni işğalında olduğunu xatırladıb. Həmsöhbətimiz hesab edir ki, həmin kəndlərin azad edilməsi də önəmlidir:


“Belə məqamlarda Azərbaycanın xaricdəki diplomatlarının, diaspor nümayəndələrinin fəallığı önə çəkilir və bu kimi məqamlarda onların da aktiv fəaliyyətdə olması qabardılır. Halbuki, bu iş daim aparılmalıdır, gündəmdə olmalıdır. Biz baxırıq ki, ermənilər bütün platformalarda, Vikipediya-da, xarici mediada, jurnallarda və qəzetlərdə özlərinə sərf edən informasiyaları yayırlar. Ermənilər xristiandırlar, onların diasporu 100 ildir Avropada, Amerikada formalaşıb. Bizim diasporumuz isə gəncdir, ona görə, ermənilərlə mübarizə aparmağımıza çətinlik törədən obyektiv səbəblər var. Azərbaycanın xarici ölkələrdəki diaspor təşkilatları çalışırlar, amma onların fəaliyyətinin səmərəliliyi üçün daha çox sərbəstlik lazımdır”.

BU KATEQORİYADAN OLAN DİGƏR XƏBƏRLƏR
+ Arxiv
"Taliban" Moskvada iqtisadi və siyasi dəstək istəyəcək 20 Oktyabr 2021, 00:55 Sabirabadda ev yandı 20 Oktyabr 2021, 00:23 Sabiq konsul Elnur Əşrəfoğludan YAZDI 20 Oktyabr 2021, 00:23 XİN-dən Zəngilanla bağlı PAYLAŞIM 20 Oktyabr 2021, 00:19 Zəngilanın işğaldan azad edilməsindən 1 İL ÖTÜR 20 Oktyabr 2021, 00:06 Türkiyədə daha 223 nəfər COVID-in qurbanı oldu 19 Oktyabr 2021, 23:53 Paşinyan Qarabağ məsələsindən yaxa qurtarmaq istəyir - TƏHLİL 19 Oktyabr 2021, 23:31 Bir ailə göbələkdən zəhərləndi: Ölən var 19 Oktyabr 2021, 23:29 Münhen aeroportunda 1,2 ton narkotik müsadirə edildi 19 Oktyabr 2021, 23:00 Koronavirusdan vəfat edən Elnur Əşrəfoğlu kim idi? - DOSYE 19 Oktyabr 2021, 22:52 Afrikada güc mübarizəsi: Türkiyənin mövqeyi 19 Oktyabr 2021, 22:35 Fuad Qəhrəmanlının qızına təcavüzdə ittiham edilən şəxs saxlanılıb 19 Oktyabr 2021, 22:14 ABŞ-da təyyarə qəzası: Yaralılar var 19 Oktyabr 2021, 21:50 Konqoda yük maşını çaya düşdü: 50 ölü 19 Oktyabr 2021, 21:35 BMT KXDR-in raket sınağından narahatdır 19 Oktyabr 2021, 21:21 NATO rəsmisi Gürcüstanın vasitəçilik rolundan danışdı 19 Oktyabr 2021, 20:56 Telman İsmayılovla bağlı materiallar Monteneqroya verildi 19 Oktyabr 2021, 20:51 28 may qeyri-iş, 18 oktyabr iş günü olacaq 19 Oktyabr 2021, 20:34 “Xiaomi” elektromobillərin kütləvi istehsalına başlayır 19 Oktyabr 2021, 20:20 Türk Şurasından Afrika ölkələrinə peyvənd YARDIMI 19 Oktyabr 2021, 19:50 Nazir beynəlxalq konfransda Zəngəzur dəhlizindən danışdı 19 Oktyabr 2021, 19:42 Gülağa Aslanlının ürəyinə stent qoyuldu 19 Oktyabr 2021, 19:33 Azərbaycan daha 5 hərbçini Ermənistana QAYTARDI 19 Oktyabr 2021, 19:28 Elnur Əşrəfoğlu VƏFAT ETDİ 19 Oktyabr 2021, 19:11 Prezident Xorvatiyanın xarici işlər nazirini qəbul etdi 19 Oktyabr 2021, 19:06 Erməniləri təşvişə salan hərbi hissə - VİDEO 19 Oktyabr 2021, 19:00 Daha bir məktəb distant tədrisə keçdi 19 Oktyabr 2021, 18:56 İlham Əliyev Ərdoğana başsağlığı verdi 19 Oktyabr 2021, 18:50 Koronavirusun yeni ştammı aşkarlandı 19 Oktyabr 2021, 18:43 Azərbaycanın xarici siyasətinin başlıca prinsipi müstəqillikdir 19 Oktyabr 2021, 18:36 Universitetdə “Özbək dili günü” - FOTOLAR 19 Oktyabr 2021, 18:30 Prokurorluq həkimlə bağlı araşdırmalara BAŞLADI 19 Oktyabr 2021, 18:23 Dolların məzənnəsi sabit qaldı 19 Oktyabr 2021, 18:16 Azyaşlı sığınacağa yerləşdirildi - SƏBƏB  19 Oktyabr 2021, 18:10 Əli Əsədov slovakiyalı nazirlə GÖRÜŞDÜ 19 Oktyabr 2021, 18:05