Modern.az

Bakıdakı bal sərgisinə 1 kq arı südü çıxarılacaq

Bakıdakı bal sərgisinə 1 kq arı südü çıxarılacaq

28 Sentyabr 2012, 17:52


Kənd  Təsərrüfatı  Nazirliyi 2012-ci ilin oktyabrın 17-dən noyabrın 5-dək Bakı şəhəri, Nərimanov rayonunun ərazisində, “Gənclik” və keçmiş “Şuşa” kino-teatrının yaxınlığında, Atatürk prospekti 6-a və Maqsud Əlizadə 133 küçələrinin kəsişdikləri yerdə yerləşən “Laləndə” şadlıq sarayında Arıçılıq məhsullarının respublika sərgi-satış yarmarkası keçiriləcək. Sərgi-satış yarmarkasının açılışı oktyabrın 17-də saat 12-də olacaq.

Nazirliyin mətbuat xidmətindən Modern.az-a verilən məlumata görə, arıçılıq məhsullarının respublika sərgi-satış yarmarkasının iştirakçılarının namizədlikləri verilən bölgülərə əsasən şəhər və Rayon İcra Hakimiyyətləri tərəfindən müəyyənləşdiriləcək və Kənd Təsərrüfatı Nazirliyi tərəfindən dəvət olunacaqlar.

Arıçılıq məhsullarının sərgi-satış yarmarkasında 49 rayondan 200 nəfər arıçı iştirak edəcək. Satışa 300 ton bal, 40 kq vərəmum, 1 kq arı südü, 25 kq çiçək tozu çıxarılacaq.

Arıçılıq məhsullarının sərgi-satış yarmarkası başlamamışdan əvvəl oktyabrın 1-dən 17-dək satışa çıxarılan arıçılıq məhsullarının keyfiyyəti respublika baytarlıq laboratoriyasında yoxlanılacaq. Keyfiyyətsiz məhsullar satışa buraxılmayacaq. Alimlərin, mütəxəssislərin, arıçıların və arıçılılar cəmiyyətlərinin təklifləri nəzərə alınaraq, 1 kq yüksək keyfiyyətli bal 15 manata satılacaq.

Yarmarkada gənc arıçılara minimum bilgilər veriləcək: elmi-praktiki konfrans keçiriləcək, xəstəliklərə qarşı mübarizə tədbirlərindən söhbət açılacaq, damazlıq-seleksiya işləri barədə təcrübə mübadiləsi aparılacaq.

Gültəkin Ələsgər

Twitter
Sizə yeni tvit var
Keçid et
Hərbi gəmilər döyüşə hazır vəziyyətə gətirildi