“Ailəmin Azərbaycana münasibəti çox yaxşıdır. Gələn ilin yayında oğlum da Bakıya gələcək". Bu sözləri millimizin baş məşqçisi Berti Foqts ANS-in “Əhatə dairəsi” verilişində söyləyib. Təcrübəli mütəxəssis daha sonra bunları bildirib:
“Ümumiyyətlə Almaniyada Azərbaycanı və Bakını elə də çox tanımırlar. Almaniyada mənimlə zarafatla soruşurlar ki, Bakıda Bin Laden olur? Mən də onlara Azərbaycanın o tip ölkələrdən olmadığını deyirəm. Onlara bildirirəm ki, Sankt-Peterburq, Roma necədirsə, Bakı da elə bir şəhərdir. Hər dəfə bura yenidən gələndə şəhərin sürətlə inkişaf etdiyini görürəm”.
Azərbaycandakı yeməklər barədə də danışan Foqts bunları söyləyib: “Burada qoyun ətindən hazırlanmış yeməklərdən çox xoşum gəlir. Azərbaycanın pivəsini də çox xoşlayıram. Mən buranın pivəsini Almaniya və Çexiya pivəsiylə bir cərgədə görürəm".