Respublikaçılar Partiyasından prezidentliyə namizəd Donald Tramp hazırkı Amerika prezidenti Co Baydenə qarşı çevriliş edildiyi ilə razılaşır.
Modern.az xəbər verir ki, Tramp vitse-prezidentliyə namizəd Ceyms Devid Venslə “Fox News” telekanalına birgə müsahibəsi zamanı “ABŞ-ın hazırkı prezidenti ilə bağlı vəziyyəti çevriliş adlandırmaq olarmı” sualına “Bir növ bəli” cavabını verib.
“Əgər Bayden prezidentliyə namizəd ola bilmirsə, prezidentin vəzifələrini yerinə yetirə bilmirsə və zehni olaraq xidmət etmək qabiliyyətinə malik olmadığı üçün onu vəzifədən uzaqlaşdırmaq istəyirlərsə, ABŞ Konstitusiyasına 25-ci Düzəlişə müraciət edin, amma bunu siyasi cəhətdən etmirsiniz.”, - deyə Ceyms Devid Vens demokratlara səslənib.
Tramp həmçinin bildirib ki, sui-qəsd cəhdindən sonra Baydenlə “xoş telefon danışığı” olub:
“O dedi ki, bəxtiniz gətirdi ki, başınızı çevirdiniz”.