Arxiv
6 Dekabr 2019, 16:42 | MÜSAHİBƏ
Əkrəm Əylisli: “Mənim barəmdə prezidentə yalan informasiyalar veriblər” - MÜSAHİBƏ

Bu gün - 6 dekabr tarixində tanınmış yazıçı Əkrəm Əylislinin 82 yaşı tamam olub. Yazıçı 1937-ci ildə  Naxçıvan MR Ordubad rayonunun Yuxarı Əylis kəndində doğulub.

Əkrəm Əylisli doğum günündə fikirlərini Modern.az-la bölüşüb:


- Əkrəm müəllim, bu yaşınızda özünüzü necə hiss edirsiniz?

- İnsan bu yaşda irəli baxmaqdan qorxur. Çünki irəlidə bir şey qalmır. 90-a yaxın yaş da yaşasan, yenə az görünür. Arxaya baxırsan, bütün həyatın gözünün qabağına gəlir. Mən 16 yaşında olanda Əylisdən çıxmışam. Bakıya necə gəlmişəm, hamısını xatırlayıram.


- Əylisə getmək istəyirsinizmi?

- Necə gedim? Bakıdan çıxışıma qoyulan qadağaya görə Əylisə də gedə bilmirəm. Səhhətimlə bağlı tez-tez problemlərim yaranır, müalicə üçün ölkə xaricinə getməyə məcburam. Amma gedə bilmirəm. Mənə bu barədə danışmaq ağırdır, ona görə çox danışmaq istəmirəm. Mən bu barədə Baş prokurora da müraciət etdim. Amma heç bir addım atılmadı. Mənə açılan cinayət işinə görə, ölkədən çıxışa qadağanın maksimum 1 il vaxtı var. Amma gör, üstündən nə qədər vaxt keçib, qadağa götürülməyib, üzərimə qoyulan böhtan da hələ qalır.


- Qadağa götürülsə, gedəcəksinizmi xaricə?

- Mən Azərbaycandan başqa yerdə yaşaya bilmərəm. Bunu hamı bilir. Dəfələrlə də demişəm. Burada nəfəs alıram.


- Yeni əsərləriniz varmı?  

- Bəli. Bir əsərin üzərində işləyirəm. Həmişə işləmişəm, yazmışam. Özüm üçün çox əhəmiyyətli olan yazılarım olub, hamısı orada-burda çap olunub. Sonuncu işim isə dünyada tanınmış britaniyalı yazıçı Salman Rüşdinin hekayələrindən ibarət kiçik bir kitabdır, vermişəm çap olunub. İstədim ki, Salman Rüşdi Azərbaycan dilində ilk dəfə çap olunsun, oxucularımız onun yaradıcılığı ilə tanış olsunlar.


- Mətbuatı da izləyirsinizmi? Siyasət aləmində gedən proseslərə münasibətiniz necədir?


- Əli Həsənovun çıxarılması ilə ideologiyamızda olacaq dəyişikliklər məndə ümid yaradır. İdeologiya aləmi təmizlənməlidir. Burada çoxlu qüsurlar var. Mənəvi həyata diqqət azalır. Mənəvi yaşayışımızı izləmirik, mənəviyyat az qala dəyərdən düşüb. Ona görə düşünürəm ki, ideoloji sahədə ciddi dəyişikliklərə ehtiyac var. Xüsusilə Əli Həsənovla bağlı addım atılması müsbətdir. O, Azərbaycan ziyalılarını bölüb, onların arasında uçurum yaradırdı. Məncə, Azərbaycan ziyalılarının bir-biri ilə qəddar düşmənçiliyi onun vəzifədən çıxması ilə aradan götürülə bilər.


- Milli Məclisə növbədənkənar seçki keçirilməsi haqqında qərarı necə qarşıladınız?
 

- Mən bu məsələni tam şərh edə bilmərəm. Hərə bir cür izah edir. Deyirlər ki, digər idarəetmə strukturlarında ciddi dəyişiklər olub, islahatlar qanunverici orqanda da olmalıdır. Buna görə, seçkilər yenidən keçirilməlidirsə, olsun… Cavanlaşdırma lazımdır.


- Namizədliyinizi vermək istəyərsinizmi?

- Mənim 82 yaşım var e... Namizəd olmaq iddiasına düşsəm, gülərlər. Amma Milli Məclisə gənclər seçiləcəksə, o cavanlıq enerjisi həyatda da öz əksini tapmalıdır. Bu enerjinin qarşısını süni sürətdə almaq olmaz. Eyni zamanda, süni sürətdə kiməsə qoca deyib, uzaqlaşdırmaq da düzgün deyil.


- Özünüzə nə arzu edirsiniz?

- Şəxsimə görə arzum budur ki, mənə görə övladlarım əziyyət çəkməsinlər. Onlar hazırda işsizdilər. Ədəbiyyatçı olmasalar da, öz sahələrində olduca bilikli, məlumatlı insanlardır. Arzum budur ki, onların mənə görə çəkdiyi əzab bitsin.

Bu hadisələr hələ yenicə baş verəndə ölkə başçısına müraciət etmişdim. Düşünürəm ki, ləğv edilən İctimai-siyasi şöbə mənim barəmdə prezidentə çox təhrif edilmiş məlumatlar, yalan informasiyalar verib. Mən inanmıram ki, prezident övladlarımla, özümün vəziyyətimlə bağlı məktubumu görüb, reaksiyasız qala… Bizim aramıza Əli Həsənov zülməti çökmüşdü. Ümid edirəm ki, bundan sonra vəziyyətdə dəyişiklik olar.

Ümumilikdə isə mən arzu edirəm ki, Azərbaycan işıqlandıqca, işıqlansın. Hər sahədə insanların bir-birinə etimadı artsın, düşmənçilik olmasın. Cəmiyyətdə aqressivliyin nədən yarandığı aydınlaşsın.

Mənim yadıma gəlir ki, Sovet yazıçıları hamısı tək tənha ölürdülər. Çünki onların canında 1937-ci il repressiya qorxusu elə güclü qalmışdı ki, hətta qocalanda da bir-birləri ilə açıq danışmağa qorxurdular.

Elə bilirəm ki, Azərbaycan cəmiyyəti kifayət qədər ayıq cəmiyyətdir. Azərbaycan xalqı bütün türk xalqlarından fərqli keyfiyyətlərə malikdir. Biz böyük ənənələrimizi, aydınlarımızı yaddan çıxarmamalıyıq.

BU KATEQORİYADAN OLAN DİGƏR XƏBƏRLƏR
+ Arxiv
Koronavirus insandan heyvana keçdi 4 Aprel 2020, 01:20 KİV nümayəndələri üçün evdən çıxma icazəsi tələb edilməyəcək 4 Aprel 2020, 00:54 158 170 nəfərin evdən çıxma icazəsi TƏSDİQLƏNDİ 4 Aprel 2020, 00:36 Həkimin koronavirusun dərmanı ilə bağlı təklifi dünyanı silkələdi - VİDEO 4 Aprel 2020, 00:19 Koronavirusa virusa yoluxanların sayı daha 76 190 nəfər artıb - ÜST 4 Aprel 2020, 00:01 Fransada bir sutkada 588 nəfər koronavirusdan öldü 3 Aprel 2020, 23:45 Bu şəxslər karantin dövründə də avtomobillə sərbəst hərəkət edə biləcək 3 Aprel 2020, 23:29 20 yaşadək gənclərin də küçəyə çıxması qadağan edildi 3 Aprel 2020, 23:13 Maska qıtlığının səbəbi AÇIQLANDI 3 Aprel 2020, 22:54 "Azəriqaz"ın rəhbəri: "Kommunal məsələlər vaxtında öz həllini tapmalıdır" 3 Aprel 2020, 22:37 Onlayn əsasda Qoşulmama Hərəkatı Modeli Simulyasiya Təlimi təşkil ediləcək 3 Aprel 2020, 22:22 Yaxın günlərdə bank kreditləri ilə bağlı qərar AÇIQLANACAQ 3 Aprel 2020, 22:06 Baş Nazir karantin rejimi ilə bağlı qərarda dəyişiklik etdi 3 Aprel 2020, 21:37 “Biliklərin yaradılması və ötürülməsində universitetlərin inhisarçılığının sonu görünür” - Ədalət Muradov 3 Aprel 2020, 21:24 İtaliyada koronavirus qurbanlarının sayı 14 681-ə çatdı 3 Aprel 2020, 21:11 Azərbaycanda koronavirusa yoluxanlar bu ərazilərdəndir - SİYAHI 3 Aprel 2020, 20:47 Türkiyədə koronovirusdan bir gündə 69 nəfər öldü 3 Aprel 2020, 20:35 İranda koronavirusa yoluxanların sayı artır 3 Aprel 2020, 20:18 Beynəlxalq Türk Mədəniyyəti və İrsi Fondu onlayn rəsm müsabiqəsi keçirir 3 Aprel 2020, 20:03 ASAN Xidmət jurnalistlərə MÜRACİƏT ETDİ: Sui-istifadə hallarına yol verməyin! 3 Aprel 2020, 19:13 Tanınmış jurnalistə ağır itki üz verib 3 Aprel 2020, 18:36 “Azercell” təhlükəsizlik tədbirlərini gücləndirir 3 Aprel 2020, 18:18 Həkimlərin ailəsi necə qorunur? - Deputat: “Tibb işçilərinə ayrıca yer ayrılsın 3 Aprel 2020, 18:13 Aİ tibbi ləvazimatların idxalına vergiləri ləğv etdi 3 Aprel 2020, 18:05 Kamran Əliyev:Jurnalistin öz şəxsi maşını ilə işə getmələrinə məhdudiyyət yoxdur” 3 Aprel 2020, 17:59 Dolların MƏZƏNNƏSİ açıqlandı 3 Aprel 2020, 17:55 Fransa İtaliya və İspaniyaya göndərilən tibbi maskaları müsadirə etdi 3 Aprel 2020, 17:54 Başıbəlalı “Corona” pivəsinin istehsalı dayandırıldı 3 Aprel 2020, 17:42 “Virtual məktəb” portalında bir gündə 36 min şagird qeydiyyatdan keçib 3 Aprel 2020, 17:36 Spikerin son SƏRƏNCAMI Milli Məclisin nüfuzunu özünə qaytaracaq - “Gül balalar” yola salınır 3 Aprel 2020, 17:30 Sürət qatarı koronaviruslu xəstələr üçün reanimasiya şöbəsinə çevrildi - FOTO 3 Aprel 2020, 17:24 Aprel döyüşlərinin iştirakçısı xanımının üzüyünü güllə gilizindən düzəldibmiş - FOTO 3 Aprel 2020, 17:17 “Azərbaycanda ərzaq qıtlığının yaşanması üçün heç bir obyektiv əsas yoxdur” - Anar Hüseynov 3 Aprel 2020, 17:16 Sosial izolyasiya ailədaxili zorakılığı kəskin artırıb – PROBLEM 3 Aprel 2020, 17:13 Deputat: “Əhali 3 aylığa işıq, qaz və digər kommunal xidmətlərdən azad olunub” 3 Aprel 2020, 17:10