Arxiv
17 Dekabr 2019, 08:43 | REPORTAJ
Allahşükür Paşazadənin papağını tikən Usta Sədi: “Ən bahalı papağı 1000 manata tikmişəm” - SÖHBƏT

“Deyirlər maraq yoxdur, amma o qədər sifariş alıram ki, əlavə heç nəyə vaxtım qalmır”.

Bunu Modern.az-“Peşəkarlar, sənətkarlar layihəsinin növbəti qonağı papaqçı Sədi deyib. 21 ildir ki, papaqçılıqla məşğul olan Usta Sədi öz peşəsini çox sevdiyini, gəlirinin də yaxşı olduğunu bildirir.


Papaqçının xanım şagirdi...

“1963-cü ildə Balakən rayonunun Şamlı kəndində doğulmuşam. Ailədə bu sahədə məşğul olan yox idi, şəxsi marağımdan papaqçı oldum. 25 yaşımda Bakıya gələndən sonra papaqçılığa olan sevgim məni bu sahəni daha dərindən öyrənməyə vadar elədi. İndi də ara-sıra papaqçlığı öyrəmək üçün mənə müraciət edənlər olur. Hazırda 5 şagirdim var, hamısı da oğlan. Artq onları da şagird saymaq olmaz, çünki sənətin bütün sirlərinə qısa zaman ərzində yiyələniblər. Yaxşı papaqçı olmaq üçün diqqət və səbirin olması mütləqdir. Bir neçə il əvvəl bir xanım da papaqçılığı öyrənmək üçün yanma gəlirdi, artq mənimlə bərabər işləyir. Yəni bu sahənin kişisi, qadını yoxdur, əgər sevdinsə, bacaracaqsan. Amma daha xanımlar papaqçılıq öyrənmək istəmirlər, yəni ən azından mənə bu sahəni öyrənmək üçün son vaxtlar xanmlar müraciət etməyiblər. Oğlum da mənim yanımda, öz həvəsi ilə şagirdlik edir. İlk dəfə papaqçı olmaq istəyini mənə deyəndə etiraz etmədim, sevindim ki, davamçım olacaq. Yəqin ki, həvəsi də məndən aldığı üçün tez zamanda papaqçılığı dərindən öyrəndi. İndi mənə işlərimdə yaxından köməklik göstərir”.



“Papaqları Özbəkistandan gətirdiyim qaragül dərilərdən tikirəm”

“Ən keyfiyyətli papaqlar “Qaragül” adlanan qoyun cinsindən alınır. Əvvəllər bu heyvanları Şəkiyə gətirərək, orada xüsusi təsərrüfatlar yaratmışdılar. Lakin Şəkidə  yetişdirilən eyni cins heyvanların dərisi günəş işığında rəngini dəyişdi. Ona görə indi qaragül dərini Özbəkistandan gətirirəm. Qaragül quzu dəriləri özü də 4 növdən ibarətdir.  Bunlardan ən yaxşsı əntiq dəridir. Əntiq dəri həm daha keyfiyyətli, həm də gözoxşayan olur. İkinci yaxşı dəri isə boz rəngdə çal dəridir. Bu dəridən Dövlət Sərhəd Xidmətinin zabitləri üçün papaqlar tikirəm.
Sonra gəlir, qəhvəyi rəngli qaragül dəri. Bu dəridən həm mülki vətəndaşlar, həm də Müdafiə Nazirliyinin zabitləri üçün papaqlar tikirəm.
Qara rəngdə papaqdan mollalar yas yerində qoymaq üçün istifadə edirlər. Rusiyada yaşayan müştərilərim papaqları adətən fərqli formada, yəni qulaqlı tikdirirlər. Bu da Rusiyada havanın soyuq olması ilə əlaqdardır. Milli papağın gündə ikisini tikərəm, rus papağının isə bir günə maksimum bir dənəsini tikmək olur”.


“Ən ucuz papağı 40 manata, ən bahalısını 1000 manata tikmişəm”

“1000 manata olan papağı Rusiyada yaşayan imkanlı bir hacı var idi, o sifariş etmişdi. Eyni papaqdan 3-nü tikdirdi, həm gümüşü, həm qara, həm də qəhvəyi. Papağın dəyərini üzərindəki naxışlardan, işləmələrdən bilmək olardı. Əntiq dərisindən tikmişdim, təcili deyilmişdi deyə, 3-nü də bir gündə tikməli oldum. Həmin hacı məclisə gedirdi, axşama çatdırmalı idim. Papağı təhvil götürməyə gələndə gözünə inana bilməmişdi. Tam ona uyğun tikilmişdi, həm də çox yaxşı yaraşırdı. Bəzən bir dəfəyə 100 papaq sifarişini birdən almışam. Bir dəfə rəqs rupu üçün 100 papaq tikməyi öhdəmə götürdüm. Sağolsun şagirdlərim, onların köməyi ilə qısa zaman aralığında öhdəliyimizi tam yerinə yetirə bildik. Həmin papaqlar süni dəridən tikilmişdi deyə, çox da vaxtmızı almadı. Birinin qiyməti də 15 manat idi”.



Allahşükür Paşazadənin, Aşıq Ədalətin, Aşıq Əlinin papağını o tikib

“Məşhur şəxslərdən, vəzifəli adamlardan çoxuna papaq tikmişəm. Dövlət Sərhəd Xidməti, Müdafiə Nazirliyi əməkdaşlarının çoxuna papağı mən tikirəm.
Ələlxüsus sənət adamları daha kaprizli olur, amma mən işi elə görürəm ki, onlar narazılıq etmir. Aşıq papağını 250 manata tikirəm, zabit papağını isə 300 manata. Allahşükür Paşazadənin papağını isə 300 manata tikmişdim, kabinetinə gedib sifarişi də orada götürdüm.
Papağı bəyənən iş adamları olub ki, pulunu artıqlaması ilə veriblər. Mən artıq olan pulu götürmək istəməmişəm, amma məcbur ediblər ki, götür halal haqqındır”.


“Bir papağın ərsəyə gəlməsi üçün 63 sm dəri lazımdır”


“Dərinin nisbətən parlaq hissəsini papağın qarşı tərəfi üçün istifadə edirəm. Papağın ölçüsü 52 sm-dən başlıyır 64-sm-ə qədər artır. Elə müştəri olub ki, öz ölçüsünü tapa bilməyib, mən bir günə ona uyğun papaq tikib təhvil vermişəm. Normalda ən böyük ölçü 64 sm-dir, lakin bu yaxınlarda baş ölçüsü 66 sm olan bir kişi də mənə müraciət etmişdi.
Kişilərdən ən kiçik baş ölçsü olan 51 sm, xanımlarda ən böyük ölçü isə 61 sm olub. Sizə deyim ki, mənə papaq tikdirmək üçün xanımlar mütəmadi müraciət edirlər. Onların tikdiyim papaqdan narazı qaldığını görməmişəm. Əksinə, kişilər daha kaprizli olur, ən xırda detallara belə fikir verirlər. Xanımlarla işləmək buna görə mən daha asan gəlir, nəninki kişilərlə”.



“Hər yerin camaatı papağı fərqli qoyur...”

“Məsələn, şamaxılılar papağı nisbətən daha hündür formada tikdirirlər. Maştağada, Bakının kəndlərində isə qulaqlı, yuxarı hissəsi dar olan papaq qoyurlar. Buxara papaq deyilən növ var ki, bunu da əvvəldən imkanlı, bəy nəslindən olan adamlar tikdirirdilər.
Motal papağı isə kasıb təbəqə tikdirirdi. Amma indi o qədər də tələbat yoxdur deyə, növlərə bir o qədər də ayırmırlar. Adətən axundlar ya da ağsaqqallar papaq sifariş edir. Yay fəslində sifrişlər çox az hallarda olur, kütləvi sifarişi qışda götürürəm. İsti aylarda rəqsdə istifadə etmək üçün və “kepka” tipli papaqlar tikirəm. Yayda mütləq bir ay işdən uzaqlaşıram. Çünki istirahət etməsəm, yaxşı iş ortaya qoya bilmərəm. Mən işdə olmayanda sifarişləri şagirdlərim, oğlum götürür. Əsəbi ya da gərgin olanda çalışıram ki, işdən uzaq olum, yoxsa papaq yaxşı alınmaz”.


“Türkiyədən, İrandan da milli papaq sifariş edənlər olur”

“Turistlər adətən bizim milli papağı sifariş edirlər. Elə olur ki, Türkiyədən mənim hesabıma pul köçürürlər, mən buradan tikib, ora yollayıram. Xaricilərə bizim papaqlar daha çox maraqldır, nəinki öz papaqları. Mən həm də ABAD üzvüyəm, tədbir olanda iştirak edirəm. Papaq tikmək üçün dərini normalda Özbəkistandan gətirsəm də, bölgələrdən də dəri alıram. Məsələn, rəqs üçün tikdiyim çoban papaqlarına istifadə etdiyim qoyun dərisini elə bizim bölgələrdən gətirirəm. Yeri gəlmişkən, tikdiyim papaqları bölgələrdə satmaq üçün də alıb aparanlar var”.



BU KATEQORİYADAN OLAN DİGƏR XƏBƏRLƏR
+ Arxiv
ABŞ səfirliyi amerikalıları Abşerondan kənara çıxmamağa çağırıb 25 Sentyabr 2020, 21:09 Deputat kafedə müştərini döydü – VİDEO 25 Sentyabr 2020, 20:49 İranda təyyarə qəzası 25 Sentyabr 2020, 20:32 Baş Prokurorluqdan İnstaqradakı sual-cavabla bağlı açıqlama 25 Sentyabr 2020, 20:19 Məşhur aviaşirkət mindən çox pilotu ixtisar edəcək 25 Sentyabr 2020, 20:03 Koronavirusla bağlı sürətli test yaradıldı 25 Sentyabr 2020, 19:57 Ədliyyə işçiləri və məhkumlar arasında 13 nəfərdə koronavirus aşkarlandı 25 Sentyabr 2020, 19:48 2 min nəfər vaxtından əvvəl cəzadan azad olunub 25 Sentyabr 2020, 19:39 Elektron qolbaq daşıyan məhkumların sayı açıqlandı 25 Sentyabr 2020, 19:30 Naqif Həmzəyev növbəti dəfə seçiciləri ilə görüşdü - VİDEO FOTO 25 Sentyabr 2020, 19:28 Nazirlik “Araz market” və “Al market”i CƏRİMƏLƏDİ 25 Sentyabr 2020, 19:19 Deputat Məzahir Əfəndiyev Bosniya Parlamentinə məktub göndərdi 25 Sentyabr 2020, 19:10 Əmlak Məsələləri Dövlət Xidmətinin səlahiyyətləri artırıldı 25 Sentyabr 2020, 19:01 Gömrüklə bağlı ən çox verilən suallar cavablandırıldı 25 Sentyabr 2020, 18:55 Tələbə köçürülməsi qaydaları dəyişdi - Baş nazirdən qərar 25 Sentyabr 2020, 18:49 Tibb Universitetinə yeni prorektor təyin olundu 25 Sentyabr 2020, 18:43 Dollar yeni həftəyə belə başlayacaq 25 Sentyabr 2020, 18:35 Deputat: “Beynəlxalq təşkilatlar Ermənistanın təxribatlarına adekvat cavab verməlidirlər” 25 Sentyabr 2020, 18:27 İlin sonunadək daha 5 yeni qəsəbə istifadəyə veriləcək - Dövlət Komitəsi 25 Sentyabr 2020, 18:20 Mikayıl Cabbarov Gəncədə sənaye müəssisələrinin fəaliyyəti ilə tanış oldu - FOTO 25 Sentyabr 2020, 18:14 Direktor olmaq istəyənlərin NƏZƏRİNƏ 25 Sentyabr 2020, 18:06 Mehmanxanalarda reydlər APARILIR 25 Sentyabr 2020, 18:00 TƏBİB-də daha bir KADR TƏYİNATI 25 Sentyabr 2020, 17:54 İki icra hakimiyyəti ləğv olunsun - MM-in Komitə sədrindən ilginc təklif 25 Sentyabr 2020, 17:48 Bu şəxslərə hərbi xidmətlə bağlı SMS göndərildi 25 Sentyabr 2020, 17:42 Almaniya azərbaycanlıları ilə videogörüş keçirilib 25 Sentyabr 2020, 17:36 Ordumuzun döyüş hazırlığı prosesi davam edir - VİDEO 25 Sentyabr 2020, 17:30 Azay Quliyev seçicilərlə videogörüş keçirib     25 Sentyabr 2020, 17:25 “Jurnalist olmaq istəyirdim, amma gələcək nəslə sağlam həyat vermək daha maraqlıdı...” - Jurnalist övladı 25 Sentyabr 2020, 17:20 Bu ayın təqaüd və müavinətləri ödənilib 25 Sentyabr 2020, 17:15 Məcburi köçkünlər üçün keçirilən ilk yardım təlimləri başa çatıb 25 Sentyabr 2020, 17:12 Bakı Ali Neft Məktəbi ən yüksək keçid balı ilə yenə birinci oldu 25 Sentyabr 2020, 17:06 Bakı və Sumqayıtda KOB inkişaf mərkəzləri fəaliyyətə başladı 25 Sentyabr 2020, 17:00 Ermənistan cəbhədə vəziyyəti gərginləşdirməyə HAZIRLAŞIR 25 Sentyabr 2020, 16:55 UNEC-in 90 illik yubileyinə töhfə: nəfis tərtibatda kitablar   25 Sentyabr 2020, 16:50