Dünyada yeni növ koronavirus (COVİD-19) infeksiyasına yoluxanların sayı hər ötən gün artmaqdadır.
Modern.az xəbər verir ki, dünən 73,660 nəfərdə virus aşkarlanıb ki, bunun da 24,742-si ABŞ-ın payına düşür. Bir gün əvvəl isə dünya üzrə COVİD-19-a yoluxanların sayı 61269 nəfər olub.
Ötən gün pandemiya qurbanlarının sayı da çoxalıb. Belə ki, martın 30-da 3703 xəstə virusdan ölmüşdüsə, dünən bu rəqəm 4533-ə yüksəlib. Bir gündə ən çox ölüm hadisəsi isə ilk dəfə ABŞ-da qeydə alınıb - 912 nəfər.
Qeyd edək ki, infeksiya dünyanın 203 ölkə və regionunda qeydə alınıb.
T.İSMAYIL
