Arxiv
16 Aprel 2020, 16:46 | MÜSAHİBƏ
13 ildən sonra qeydiyyata alınan partiyanın sədri: “Bizim bir yönümüz var” - MÜSAHİBƏ

Ədliyyə Nazirliyi uzun illərdən sonra yeni bir siyasi təşkilatı - Yeni Zaman Partiyasını dövlət qeydiyyatına alıb. Bununla, Azərbaycanda dövlət qeydiyyatına alınmış siyasi partiyaların sayı 56 olub. 

2007-ci ildə təsis olunan Yeni Zaman Partiyasının sədri Musa Ağayevdir.

Musa Ağayev partiyasının rəsmi qeydiyyatı ilə bağlı ilk açıqlamasını Modern.az-la bölüşüb. O bildirib ki, hələ 1990-cı illərdən partiyanı yaratmaq ideyası mövcud olub:


- Əslində 1992-ci ildə siyasi partiya yaratmışdıq. Sadəcə olaraq, o zamankı şərait, müəyyən məqamlar qeydiyyatdan keçməyimizə imkan vermədi. 2007-ci ildə partiyanın qeydiyyatı üçün bütün lazımi sənədləri Ədliyyə Nazirliyinə təqdim etmişik. Təəssüf ki, bu ilin aprel ayına qədər məsələ yubandı. Daha sonra biz Avropa Məhkəməsinə müraciət etdik. Nəhayət, ötən gün kollegiyanın qərarı ilə qeydiyyatımız təsdiq olundu.


- Qeydiyyat prosesinin bu qədər gecikməsinin səbəbi nə idi?


- Ədliyyə Nazirliyinin bizim qarşımızda qoyduğu məqamlar absurd idi. Bizə məktub göndərirdilər ki, nizamnaməyə təzədən baxın. Onlara dəfələrlə cavab məktubu ünvanlamışıq ki, nizamnamədə konkret hansı bənd, hansı məqam partiyalar haqqında qanuna ziddir? İndiyə kimi 20-dən çox imtina məktubu almışıq.


- Partiyanın nə qədər üzvü var?


- Partiyanın üzvləri var. Hərəkatda olan üzvlərimiz də çoxdur. Siyasi məşhurlardan 1992-ci il və ondan sonra hakimiyyətdə olanların çoxu tanınmışdır. Fədakar, siyasətdən başı çıxan insanlar, alimlər, həkimlər partiyamızın üzvləridir. Siyasi partiyanın üzvü olan şəxslərin mütləq siyasətçi olması tələb deyil. Əsas məsələ siyasi əqidəsi bir-birinə uyğun olan şəxslər partiya ətrafında toplaşıblar. Hamını eyni maraq birləşdirir: Azərbaycan! Dövlətçiliyimizin qorunması, ölkəmizin gələcəyi, proqramımıza uyğun şəkildə inkişaf bizim əsas məqsədimizdir.


- Qeyd etdiyiniz kimi, uzun müddətdir siyasətlə məşğulsunuz. Azərbaycan siyasətində hansı boşluğu məhz Yeni Zaman Partiyası doldura bilər?

- Mən bu il 9 fevral parlament seçkilərində də iştirak etmişəm. Amma partiyamız kifayət qədər namizədlə çıxış edə bilmədi. Bunun səbəbləri isə maddi çətinliklər və əsasən də insanların seçkiyə olan inamının azalması idi. Partiyada müzakirələr gedəndə əksər üzvlərimiz düşünürdü ki, seçkilərdə iştirak nə verə bilər? Bizim üçün vacibdir ki, vətəndaş həmrəyliyi olsun, iqtidar və müxalifət arasında konstruktiv münasibət formalaşsın, vətənpərvərlik duyğusu daha da güclənsin. Təəssüf ki, biz seçkilərdə uğur qazana bilmədik. Amma bundan sonra məqsədlərimizə nail olmaq üçün səylə çalışacağıq.


- Siz eyniadlı qəzetin – “Yeni zaman”ın təsisçisisiniz. Həm mətbu, həm siyasi fəaliyyətinizi paralel idarə edə biləcəksinizmi?

- Düşünürəm ki, heç bir problem olmayacaq. Partiyaların fəaliyyəti mətbuatdan kənarda mümkün deyil. Əksinə, bu bizim üçün daha əlverişli olacaq.


- “Yeni Zaman” qəzetini partiyanın mətbu orqanına çevirməyi düşünürsünüzmü?

- Xeyr. Qəzetin təsisçisi olsam da, bu sırf müstəqil mətbu orqandır. Partiyanın qəzeti deyil və bundan sonra da partiyanın mətbu orqanına çevirmək planımız yoxdur.


- Partiyanızla bağlı artıq müəyyən fikirlər ortaya atılıb. Yeni Zaman Partiyasının qərbyönümlü siyasətin əleyhinə olduğu, Rusiya ilə bağlılığı iddia edilir. Həqiqəti sizdən dinləyək.

- Bəli, bu partiya yarananda çoxları belə əlaqələndirdilər. İfrat dərəcədə hansısa yön müəyyən etməyin tərəfdarı olmamışam. Bizim bir yönümüz var: Azərbaycan! Ölkəmiz üçün, millətimiz üçün çalışırıq. Müəyyən məsələlərdə Qərblə, Rusiya ilə əlaqələrin vacibliyini qabardırıqsa, bu həmin istiqaməti tutmağımız demək deyil. Rusiyada 2 milyon azərbaycanlı yaşayır. Qərb ölkələrinin texnologiyası inkişaf edib. Azərbaycanın müstəqilliyini qorumaq şərti ilə dövlətimizin maraqları haradadırsa, biz də oradayıq.


- Artıq rəsmi qeydiyyata alınmış siyasi partiya olaraq, ilk addımınız nə olacaq?

- Yaxın zamanlarda mətbuatda bizim ilk tədbirlərimiz barədə məlumatlar yayılacaq. Hələlik bu barədə danışmağa ehtiyac yoxdur. 

BU KATEQORİYADAN OLAN DİGƏR XƏBƏRLƏR
+ Arxiv
Azərbaycanda daha 534 nəfər koronavirusa yoluxdu, 6 nəfər öldü 4 İyul 2020, 19:51 AZAL İstanbula əlavə xüsusi reys yerinə yetirəcək 4 İyul 2020, 19:44 İranda elektrik stansiyada partlayış baş verib 4 İyul 2020, 19:38 Qusarda karantin qaydalarını pozan 10 sürücü cərimə olundu 4 İyul 2020, 19:22 KİVDF qəzetlərə maliyyə yardımı ayırdı - SİYAHI 4 İyul 2020, 18:47 Paytaxtın 544 küçəsi dezinfeksiya olundu 4 İyul 2020, 18:16 Türk əsgərinin qatilləri 30 il sonra YAXALANDILAR 4 İyul 2020, 18:10 Zelenskidən Putinə MESAJ: “Bizdən heç nə tələb edə bilməzsiniz” 4 İyul 2020, 18:02 Azərbaycanın 4 rayonunda yaranmış su qıtlığı ilə bağlı RƏSMİ AÇIQLAMA 4 İyul 2020, 17:48 Dünyanın ən yaşlı pişiyi öldü 4 İyul 2020, 17:24 Hövsanda dəfn mərasimində iştirak edənlər SAXLANILDI 4 İyul 2020, 17:13 Şəmkirçay su anbarında batan şəxs axtarılır 4 İyul 2020, 16:50 Gəncədə deputat və bələdiyyə sədrinin iştirakı ilə reyd keçirib 4 İyul 2020, 16:36 İcazəsiz istirahətə gəldilər, cərimə olundular - FOTO 4 İyul 2020, 16:24 İranda virusa yoluxanların sayı 250 minə yaxınlaşır 4 İyul 2020, 16:16 İsmayıllıda yığıncaq təşkil edən ata və 10 qonağı cərimələndi 4 İyul 2020, 15:59 Paytaxtda yük maşını piyadanı vurub öldürdü 4 İyul 2020, 15:49 AQTA maarifləndirir: Qablaşdırılma materialları qidaya necə təsir göstərir? 4 İyul 2020, 15:38 Taksidə sürücü və sərnişini maskasızdırsa, cərimələnəcək - XƏBƏRDARLIQ 4 İyul 2020, 15:15 Ermənilər Azərbaycanın daha min kvadrat kilometr ərazisinə iddia İRƏLİ SÜRÜB 4 İyul 2020, 15:02 AMEA-nın şöbə müdiri dünyasını dəyişdi 4 İyul 2020, 14:55 Rəsmi Bakı ABŞ-ı Müstəqillik günü münasibətilə təbrik edib 4 İyul 2020, 14:40 Karantin vaxtı işləyən sexin 56 işçisi cəzalandırıldı 4 İyul 2020, 14:23 Samuxda yas mərasimi keçirmək istəyən şəxslər cərimələnib 4 İyul 2020, 14:16 Almaniyada koronavirusdan ölüm faizi niyə aşağıdır? – Ekspertdən İZAH 4 İyul 2020, 14:00 Polis supermarketlərdə reydlər keçirir 4 İyul 2020, 13:42 Peşə təhsili üzrə teledərslərin 6 iyul cədvəli 4 İyul 2020, 13:25 Gizli işləyən kafe aşkarlandı: sahibi 1500, müştərilər 100 manat CƏRİMƏLƏNDİ 4 İyul 2020, 13:17 Paytaxtda qanunsuz  fəaliyyət göstərən obyekt bağlandı 4 İyul 2020, 13:03 Bakıda sabah hava necə olacaq? 4 İyul 2020, 12:54 Beynəlxalq ekspert: “Dünya bol su dövründən su azlığı dövrünə keçir” 4 İyul 2020, 12:45 Gəncədə “COVİD-19”la mübarizə çərçivəsində dezinfeksiya işləri aparılıb 4 İyul 2020, 12:33 Rusiyada koronavirusdan ölənlərin sayı 10 mini keçdi 4 İyul 2020, 12:24 Karantin günlərində Bakıdan Qəbələyə istirahətə gedənlər CƏZALANDIRILDI 4 İyul 2020, 12:13 Azərbaycan diasporu: Haradan haraya... 4 İyul 2020, 12:04