28 Sentyabr 2021, Çərşənbə axşamı
Arxiv
2 Oktyabr 2020, 21:57 | ANALİTİKA
Xoruzun quyruğu göründü…

(Paşinyan, Makron və Kardaşyan triosunun bayatıları haqqında bir neçə söz)

"Paşinyan-Makron-Kardaşyan TRİO"su...

 

Düşünürəm ki, "QARABAĞ uğrunda Vətən Müharibəsi" bitdikdən sonra xalqımız bu trioya çox təşəkkür edəcək.


Ermənistanın hazırkı dövlət başçısı Paşinyanın “Qarabağ Ermənistandır və nöqtə” kimi sərsəm şüarı, sülh prosesini tənzimləməli olan ATƏT-in Minsk qrupunun həmsədr ölkəsi Fransanın dövlət başçısı Makronun isə “Qarabağın “yenidən” “ələ keçirilməsini” qəbul etməyəcəyik!” kimi səbatsız bəyanatı, ABŞ-da yaşayan erməni əsilli qədim peşə ustası Kim Kardaşyanın mənbəsi göstərilməyən paylaşımları..!


Bu trio sayəsində 27 illik bir çox şüphəli məsələ bizə və dünya ictimaiyyətinə öz çılpaqlığı ilə məlum oldu. Nə idi bunlar;
1. Beynəlxalq təşkilatların qərəzli mövqeyi
2. Ermənistanın hərbi siyasi rəhbərliyinin riyakarlığı və bacarıqsızlığı
3. Erməni xislətininin mənbəyi bəlli olmayan yalanları dünyaya yayma məharətinin iç üzü...

Bizim haqq işimizi öz qərəzli niyyətlərinə və ehtiraslarına bürüyən Makron kimilər bir daha dünyaya sübut edir ki, onların ədalətdən, həqiqətdən, siyasətdən və sülhdən başqa hər şeydən başları çıxır.  Amma bizə də məlum oldu ki, onların pozuculuq və səbatsız əməlləri heç vaxt Azərbaycanı öz torpaqlarını işğaldan azad etməkdən çəkindirməyəcək. Bizim yolumuz haqq yoludur, bizim yolumuz Vətənin müdafiəsi yoludur!


Biz Qarabağ uğrunda VƏTƏN MÜHARİBƏSİ aparırıq və ölkəmizin qüdrətli ordusu Ali Baş Komandanımızın rəhbərliyi altında öz şərəfli missiyasını həyata keçirir! Bizi bu cür səbatsız bəyənatlar qorxuda bilməz!

30 ildən bəridir ki, bu problemi çözə bilməyən ATƏTin Minsk qrupunun, habelə bir çox Beynəlxalq Təşkilatın səmərəsiz fəaliyyəti bir daha onu göstərir ki, belə qurumların arxasında məhz makronlar, paşinyanlar kimi səbatsız siyasətçilər dayanıbmış.


Ermənistan siyasi-hərbi hakimiyyətinin müharibə vəziyyətində ortaya qoymuş olduğu münasibət,  eləcə də hər zaman bizə çox tanış olan, amma dünya ictimaiyyətinin fikrini çaşdırmaqla, öz milli kimliklərinə və əxlaqlarına uyğun bir şəkildə yalan və böhtanlara əl atan kardaşyanlar kimi erməni xisləti  bizim gözlədiyimiz reallıq idi. Nikol Paşinyanın hakimiyyətə gəldikdən sonra qısa müddət içərisində əvvəlcə özünü liberal-demokrat kimi göstərməsi,  daha sonra isə Qarabağ məsələsində əsl şovinist simasını, başqa millətlərə qarşı dözümsüz, amansız və qatı millətçilik düşüncələrini ortaya qoyması faktları bizim uzun illər ərzində Ermənistan hökümətindən və xalqından gözlədiyimiz dinc yolun birmənalı mənasız və faydasız olduğunu sübut etdi.


Nəticədə bizim səbr kasamız doldu və anladıq ki, bu məsələni danışıqlar yoluyla həll etməyin və uzatmağın mənası yoxdur. Bunun yalnız bir yolu var- işğalçıyla güc yolu ilə danışmaq və onu cəzalandırmaq!


Bəli, müharibə yolu məhz paşinyanların və onların havadarlarının maskalanmış simalarını ortaya qoydu! Bizi silaha vadar edən amillərdən biri də məhz belə səbatsız liderin, eləcə də onun həyat yoldaşının silaha sarılmak kimi məsuliyyətsizcəsinə ortaya qoya bildikləri reallıqlar oldu. Mən əminliklə deyirəm: gün gələcək ki, biz məlum qonşu dövlətin başında duran bu səbatsız və miskin adama bəlkə də təşəkkür edəcəyik ki, nə yaxşı sən gəldin hakimiyyətə! Nə yaxşı ki, sən gəlib öz xalqını məhvə doğru sürüklədin!


Makrona gəlincə, deməliyəm ki,  90-cı illərdə ermənilər bizim xalqın başına gətirdiyi faciələr zamanı o uşaq idi, bəlkə də heç ağlı da kəsmirdi. Onun Xocalıda yaşananlardan xəbəri də yox idi və olsa da, bu müsibəti hiss edə bilməzdi. Makron son illərin siyasətçisidir və onun belə səbatsız və düşüncəsiz bəyanatı əslində başa düşüləndir. Adamın təcrübəsi yox, təsir altına, xüsusilə erməni lobbisinin təsiri altına düşməsi də böyükdür və şəksizdir. Lakin o, unutmamalıdır ki, Fransa kimi qədim dövlətçilik ənənələri olan böyük bir ölkənin başçısıdır. Sözü ağzında bişirib çıxarmalıdır. Və yaxşı olar ki, diplomatik dil və danışıq mədəniyyətini bizim gənc müstəqil dövlətimizin təcrübəli başçısı İlham Əliyevdən öyrənsin!


Təkrar edirəm: bütün bu sərsəm bəyanatlar bizi yolumuzdan döndərə bilməz. Müharibə Azərbaycan ərazisində gedir və biz torpaqlarımıza təcavüz etmiş düşmənlə vuruşuruq. Əgər kimsə xaricdən müdaxilə etmək barədə düşünürsə, çox yanılır. Bu nə ona, nə Yerevana fayda gətirməyəcək, əksinə, özləri yanacaqlar.

Sonda bildirmək istəyirəm ki, bu günlər nə qədər çətin, nə qədər məsuliyyətli günlər olsa da, tarixi günlərdir! Bizim şanlı Ordumuz tarix yazır, ŞƏRƏFLİ TARİX! Buna qəlbən inanırıq! Biz Şanlı Ordumuza, onun Ali Baş Komandanına inanırıq! Tarix dəfələrlə sübut edib ki, o yerdə ki, XALQla ORDUnun və Alİ BAŞ KOMANDANın sarsılmaz birliyi var, o yerdə ZƏFƏR, QƏLƏBƏ, UĞUR var! Var olsun bu sarsılmaz BİRLİK!


Rəşad Mahmudov,
Millət vəkili

BU KATEQORİYADAN OLAN DİGƏR XƏBƏRLƏR
+ Arxiv
“Revanşizm səylərindən vaz keçmək üçün onlara xəbərdarlıq etmək vaxtıdır” – İlham Əliyev 28 Sentyabr 2021, 20:41 Orduda müharibənin ildönümü münasibətilə tədbirlər keçirilib - VİDEO 28 Sentyabr 2021, 20:28 İlham Əliyev XİN başçılarının ABŞ-dakı görüşündən DANIŞDI 28 Sentyabr 2021, 20:18 Prezident: “Azərbaycan xəritəsində “Dağlıq Qarabağ” adlı vahid yoxdur” 28 Sentyabr 2021, 20:03 “Biz münaqişənin həll olunduğunu hesab edirik” - Prezident 28 Sentyabr 2021, 20:00 Dövlət başçısı: “Bütün hərbi əsirlər Ermənistana qaytarılıb” 28 Sentyabr 2021, 19:58 İlham Əliyev: “Muxtariyyət artıq müzakirə mövzusu deyil” 28 Sentyabr 2021, 19:49 Prezident Fransa ilə münasibətlərdən DANIŞDI 28 Sentyabr 2021, 19:44 Mehmandarovların Şuşadakı malikanəsi təmir olunur 28 Sentyabr 2021, 19:40 İlham Əliyev “France 24” telekanalına müsahibə verib - YENİLƏNİB 28 Sentyabr 2021, 19:35 Suriyada terakt törədildi: Ölən və yaralananlar var 28 Sentyabr 2021, 19:28 Quterreş: “Nüvə təhlükəsinin səviyyəsi 40 ildə maksimuma çatıb” 28 Sentyabr 2021, 19:23 Konstitusiya Məhkəməsi Plenumunun növbəti iclası oldu 28 Sentyabr 2021, 19:14 Vətən müharibəsinin tarixini təhrif edən direktor DANIŞDI 28 Sentyabr 2021, 19:00 Xudafərin-Qubadlı-Laçın yolunun inşası davam edir - FOTO 28 Sentyabr 2021, 18:52 Azərbaycan və Ermənistan arasında qarşılıqlı inam gücləndirilməlidir  - Baş katib 28 Sentyabr 2021, 18:46 İki ölkə arasında saziş imzalanacaq 28 Sentyabr 2021, 18:40 Goranboyun xurma bağlarında zərərvericilər tapıldı 28 Sentyabr 2021, 18:33 Ərdoğan Baydenlə görüşəcək 28 Sentyabr 2021, 18:26 CAREC Proqramının Gömrük Əməkdaşlığı Komitəsinin iclası keçirilib 28 Sentyabr 2021, 18:20 Rusiya daha 5 müəssisənin alma ixracına icazə verdi 28 Sentyabr 2021, 18:14 İlham Əliyev Paşinyanla görüşə ETİRAZ ETMƏDİ 28 Sentyabr 2021, 18:07 Bakı-Sumqayıt qatarlarının həftəsonu hərəkət CƏDVƏLİ 28 Sentyabr 2021, 18:00 Yaponiyada fövqəladə vəziyyət ləğv olunur 28 Sentyabr 2021, 17:54 Bakının Yasamal və Sabunçu rayonlarında evləri su basdı - VİDEO 28 Sentyabr 2021, 17:48 Ombudsmanın əməkdaşları Şəkidə uşaq evində olublar  28 Sentyabr 2021, 17:42 İrakli Qaribaşvilinin Bakı səfərindən gözləntilər... - Deputat ŞƏRH ETDİ 28 Sentyabr 2021, 17:36 3 kəndin qazlaşdırılması ilə bağlı tapşırıq verildi   28 Sentyabr 2021, 17:30 Rezidenturaya qəbulun II mərhələsinin NƏTİCƏLƏRİ 28 Sentyabr 2021, 17:26 Zakir Həsənov sülhməramlıların yeni komandanı ilə GÖRÜŞDÜ 28 Sentyabr 2021, 17:20 “Köfteci Ramiz” restoranı CƏRİMƏLƏNDİ 28 Sentyabr 2021, 17:15 Bakı Qarabağdakı ermənilərlə bağlı proqramını təqdim edir 28 Sentyabr 2021, 17:10 Müdafiə Nazirliyi Ermənistanın məlumatını təkzib etdi 28 Sentyabr 2021, 17:10 İqtisadi Şuranın səlahiyyətləri artırılıb 28 Sentyabr 2021, 17:05 Şeyxülislam din xadimlərini II Fəxri xiyabana apardı 28 Sentyabr 2021, 17:00
SORĞU Hansı vaksinə etibar edirsiniz?