Arxiv
29 Avqust 2012, 14:12 | MÜSAHİBƏ
“İsa Qəmbər Əli Kərimli birliyi sona çatdı” - MÜSAHİBƏ

“İsa Qəmbər bundan sonra Əli Kərimlini heç vaxt müdafiə etməyəcək”

Modern.az Azərbaycan Demokrat Partiyasının (ADP) sədri Sərdar Cəlaloğlu ilə müsahibəni təqdim edir.

- Müsavat başqanı İsa Qəmbərin 2013-cü il prezident seçkilərində namizəd olacağı haqda açıqlaması siyasi müstəvidə birmənalı qarşılanmadı. İsa bəyin bu qərarına sizin münasibətiniz necədir?

- İsa Qəmbərin prezident seçkilərinə qatılması o deməkdir ki, Müsavat Partiyası növbəti seçkilərdə iştirak edəcək. Amma bundan dərhal nəticə çıxarmaq lazım deyil ki, İsa Qəmbər mütləq namizəd olacaq. Bu təbii ki, normal haldır. İsa Qəmbər həm bir fərd kimi, həm də siyasi partiya kimi prezident seçkilərinə qatılmaq niyyətindədir. İsa Qəmbərin bu çıxışını qeyri-adi hal kimi qarşılamaq doğru deyil. Tarixdə dəfələrlə olub ki, seçkilərə qatılsaq da, daha sonra seçkiləri boykot etmişik. Müsavat başqanı yəqin hesab edir ki, indiki halda seçkilərdə iştirak etməklə daha çox divident əldə etmək olar. İndiki reallıqda isə bu mümkün deyil.

- Sərdar bəy, siz necə düşünürsünüz, İsa Qəmbərin bu çıxışı  İctimai Palatanın, xüsusəndə AXCP və Müsavatın seçkilərdə ayrı-ayrılıqda iştirak edəcəyinə bir işarədir?

- Hər bir siyasi partiya seçkilərdə iştirakı ilə bağlı öz mövqeyini ortaya qoymalıdır ki, sonra digər partiyalarla seçkilərdə iştirak məsələsini müzakirə etsin. Tutaq ki, biz seçkilərdə iştirak etməyəcəyiksə, necə ola bilər ki,vahid namizədlikdən danışaq. İndiki durumda İsa Qəmbər bu çıxışı ilə Müsavat Partiyasının seçkilərlə bağlı məsələlərdə iştiraka açıq olduğu göstərir. Yəqin ki, AXCP tərəfindən də İsa Qəmbərin bu addımına adektav addım atılacaq.

- Siz dəfələrlə mətbuata açıqlamanızda  İctimai Palatanın seçkiöncəsi dağılacağını bildirmisiniz. İctimai Palatanın bundan sonrakı perspektivlərini necə qiymətləndirirsiniz? Sizcə, İsa Qəmbərin çıxışı İctimai Palatada nəyi dəyişəcək?

- Mən dəfələrlə demişəm ki, İctimai Palata vahid namizəd məsələsində ortaq mövqeyə gələ bilməyəcək. Bu da təbii ki, İctimai Palatanın seçkilər ərəfəsində fəaliyyətini mənasız edəcək. İdiki halda bunlardan bir çıxış yolu var ki, İctimai Palatanı saxlasınlar və AXCP də, Müsavat da seçkiyə ayrıca getsin. Hesab edirəm ki, müxalifətin ayrı-ayrılıqda seçkiyə getməsi indidən Azərbaycanın demokratik müxalifətinin iflası deməkdir. Bunun da məsuliyyətini seçkidə qatılan qüvvələr ödəyəcək. İctimai Palatanın bundan öncə də böyük bir perspektivi yox idi. Bu təşkilat əvvəlcə düzgün ideya üzərində qurulsa da, sonradan transformasiya olundu. İctimai Palatanın apardığı mübarizənin effekti ilə hər hansı kiçik partiyanın gördüyü iş arasında ciddi fərq yoxdur. Siyasi həyatda hər hansı fərqli imkanlarına görə İctimai Palata ilə Əhməd Orucun partiyasının elə bir əhəmiyyətli fərqi yoxdur.

- İsa Qəmbərin dünənki çıxışı ətrafında müxtəlif fikirlər səslənməkdədir. Bir çoxları AXCP-Müsavat dostluğunun pozulacağını bildirir. Sizcə, İsa Qəmbərin səsləndirdiyi fikirlər onun Əli Kərimli ilə münasibətlərinə mənfi təsir göstərəcəkmi?

- İsa Qəmbər görür ki, bir həftə bundan qabaq Əli Kərimli qəzetdə yazır ki, mənim namizədliyim məsələsində müxalifət ortaq fikirə gəlir. İsa Qəmbər demək istəyir ki, mən Əli Kərimlini müdafiə eləmirəm. İctimai Palatadakı qüvvələr bu məsələdə bir-birlərinə güzəştə getməyəcəklər. Azərbaycanda da bu iki şəxsi tanıyan bütün insanlar bilir ki, İsa Qəmbərlə Əli Kərimlinin birliyi göründüyü kimi səmimi deyil. Düşünürəm ki, AXCP bundan sonrakı proseslərdə Müsavatdan uzaqlaşaraq, özünə kənarda güc mərkəzi tapmağa çalışacaq. Ola bilsin ki, onlar öz aralarında belə razılığa gəlsinlər ki, İctimai Palatadan İsa Qəmbər istifadə etsin, Əli Kərimli də kənarda İctimai Palataya oxşar bir birlik yaratsın. Bunların heç biri Azərbaycan xalqının maraqlarına xidmət eləmir. Çox mənasız hərəkətlərdir.

-ADP-nin prezident seçkiləri ilə bağlı hansı planları var? Prezident seçkilərinə “Qarabağ” bloku çərçivəsində qatılmağı düşünürsünüz?

- Biz də öz növbəmizdə prezident seçkilərində iştirak edəcəyik. İlk növbədə biz müxalifətin vahid namizəd məsələsini aktual məsələ kimi görürük və dəstəkləyirik. Əgər qeyd etdiyim vahid namizəd məsələsi həll olunmasa, mövcud duruma əsasən biz də öz qərarımızı verəcəyik. Biz çalışacağıq düzgün qərar qəbul edək. Ən azı ADP olaraq seçkinin verdiyi imkanlardan istifadə edəcəyik. İndidən hansısa qərar vermək düzgün deyil. Ola bilsin ki, “Qarabağ” bloku çərçivəsində iştirak etdik. Amma başqa blok şəklində də prezident seçkilərinə qatıla bilərik. Biz situasiyaya baxacağıq. Əgər müxalifətin vahid namizəd məsələsi əldən çıxacaqsa yerdə qalan variantlardan istifadə edəcəyik.

Anar RÜSTƏMOV

BU KATEQORİYADAN OLAN DİGƏR XƏBƏRLƏR
+ Arxiv
Sumqayıtda toy sahibi həbs edildi 4 Dekabr 2020, 18:57 “Azərbaycan Könüllülərinin III Həmrəylik Forumu”na start verildi - FOTO 4 Dekabr 2020, 18:47 Bakıda ofisdən oğurluq olub 4 Dekabr 2020, 18:38 Ceyhun Bayramov bolqar həmkarı ilə telefonla danışdı 4 Dekabr 2020, 18:29 İranın Azərbaycandakı səfiri Naxçıvana səfər etdi 4 Dekabr 2020, 18:20 MİQ imtahanlarında iştirak üçün namizədlərə məlumatlar göndərildi 4 Dekabr 2020, 18:11 Ayın səthinə Çinin bayrağı sancıldı - FOTO 4 Dekabr 2020, 18:02 Erməni diplomatlar baş nazir və hökumətin istefasını tələb edirlər 4 Dekabr 2020, 17:56 TÜRKPA-nın Baş katibi İlham Əliyevi təbrik etdi 4 Dekabr 2020, 17:50 Almaniyada vaksinasiya pulsuz olacaq 4 Dekabr 2020, 17:44 “Fransa Milli Assambleyası parlament kimi öz ciddiliyini itirib” - Şentop 4 Dekabr 2020, 17:38 Dolların məzənnəsi sabit qaldı 4 Dekabr 2020, 17:32 ATƏT-ə yeni baş katib təyin olundu 4 Dekabr 2020, 17:26 Bakı və Yerevan əsirlərin tam siyahısını “Qızıl Xaç”a TƏQDİM ETDİ 4 Dekabr 2020, 17:20 Kəlbəcərin Yanşaq kəndinin görüntüləri - VİDEO 4 Dekabr 2020, 17:14 Bakıda parada hazırlıq işləri gedir - FOTOLAR 4 Dekabr 2020, 17:08 Azərbaycan Fransaya nota verdi - Səfir nazirliyə çağrıldı   4 Dekabr 2020, 17:02 Nyu-Yorkda Vətən müharibəsi şəhidləri anılıb 4 Dekabr 2020, 16:56 “Azərbaycanlı hərbçilər Xankəndiyə gəliblər” - Erməni ekspertdən ETİRAZ 4 Dekabr 2020, 16:50 Özbəkistan mediası Ermənistanın Qarabağda törətdiyi ekoloji terrordan yazdı 4 Dekabr 2020, 16:44 Ceyhun Bayramov latviyalı həmkarı ilə danışdı 4 Dekabr 2020, 16:38 Sabiq icra başçısı vəfat etdi 4 Dekabr 2020, 16:32 Hərbçilərimiz canları bahasına bu qələbəni əldə ediblər - Milix Yevdayev 4 Dekabr 2020, 16:26 Ərdoğan Bakı səfərinin tarixini AÇIQLADI 4 Dekabr 2020, 16:20 Ceyhun Bayramov Belarusun Azərbaycandakı səfirini qəbul edib 4 Dekabr 2020, 16:15 Mahmud Hacıyev: “Qarabağda qanunsuz silahların yığılması barədə tədbirlər görüləcək” 4 Dekabr 2020, 16:10 “İlham Əliyevin Fransaya tövsiyəsini mən də dəstəkləyirəm” - Ərdoğan 4 Dekabr 2020, 16:05 Azərbaycanda daha 4267 nəfər virusa yoluxdu - 41 nəfər öldü 4 Dekabr 2020, 16:00 Əhəd Abıyev özünə yeni müavin təyin etdi - FOTO 4 Dekabr 2020, 15:55 Türkiyədə rusiyalı jurnalistlər SAXLANILDI 4 Dekabr 2020, 15:50 Komandir - VİDEO 4 Dekabr 2020, 15:44 Millət vəkilindən azad edilmiş ərazilərə dair maraqlı TƏKLİFLƏR 4 Dekabr 2020, 15:38 Bütövlük və azadlıq uğrunda döyüşən igid neftçilər  4 Dekabr 2020, 15:32 Milli Məclisdə büdcə müzakirələri başlayır - Üç məsələyə diqqət ayrılacaq 4 Dekabr 2020, 15:26 Qarabağda 700-ə yaxın erməni hərbçinin cəsədi TAPILIB 4 Dekabr 2020, 15:20
SORĞU Cəbhə xəbərlərini hansı mənbədən alırsınız?