Arxiv
2 Avqust 2021, 15:42 | REPORTAJ
Şəhid qızı: “Atam Vətəni ailəsindən çox sevirdi” - FOTOLAR

Təhsil Nazirliyinin təşkilatı dəstəyi, "Zəfər" şəhid ailələrinə dəstək ictimai birliyinin təşkilatçılığı ilə şəhid övladlarını birləşdirən "Zəfər" düşərgəsi yekunlaşıb. 74 şəhid övladını əhatə edən "Zəfər" düşərgəsində 12-16 yaş arası şagirdlərə fövqəladə hallarda davranış bacarıqları, özünümüdafiə metodları, texnoloji biliklər, steam bacarıqları aşılanıb, habelə əyləncəli oyunlar təşkil edilib.

 

“Zəfər” düşərgəsində iştirak edən məktəblilərdən biri də 44 günlük Vətən müharibəsində şəhid olan mayor İlkin Əhədzadənin qızı Fidan Əhədzadədir.

 

Arayış: Azərbaycan Ordusunun mayoru İlkin Əhədzadə 1985-ci il iyunun 26-da Bakı şəhərində anadan olub.  2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Murovdağ istiqamətində gedən döyüşlərdə savaşıb. İlkin Əhədzadə sentyabrın 27-də Murovdağ döyüşləri zamanı şəhid olub. II Şəhidlər Xiyabanında dəfn olunub.

 

Qəhrəman hərbçimiz Prezident İlham Əliyevin 15.12.2020-ci il tarixli Sərəncamına əsasən "Vətən uğrunda" medalı ilə təltif edilib.

 

Bundan başqa, Kəlbəcər rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidlik və şücaət nümayiş etdirdiyinə görə, dekabrın 29-da ölümündən sonra "Kəlbəcərin azad olunmasına görə" medalına layiq görülüb. İlkin Əhədzadə həm də "İgidliyə görə" medalına layiq görülüb. 

 

İlkin Əhədzadə ailəli idi. Onun üç övladı yadigar qalıb.

 

Şəhidin qızı Fidan Əhədzadə Modern.az-ın əməkdaşı ilə söhbətində bir həftə davam edən “Zəfər” düşərgəsində çoxlu biliklər qazandığını və yeni dostlar tanıdığını söyləyib:

 

“İyulun 25-i “Zəfər” düşərgəsinə qatıldım. Bir həftəlik təlimlərdə bir çox sahələr üzrə bizə təlimlər keçdilər, özünümüdafiəni, qorxmazlığı, bilik və bacarıqları təlqin etdilər. Təlimin sonuncu günündə isə “3D dizayn” dərsləri keçirildi. Düşərgəmiz çox maraqlı keçdi. Yeni biliklərə və dostlara sahib olduq. Bundan sonra öyrəndiklərimi tətbiq etmək üçün çalışacağam. Mən kompüterdə öyrəndiyimiz çox şeyləri əvvəl bilmirdim. Burada gəldim, öyrəndim və tətbiq etdim. Steam mərkəzində izlədiyimiz kompüterlə professional bacarıqlar mənim kompüter elmlərinə marağımı artırdı. Yəqin ki, gələcəkdə ixtisas seçimində kompüter elmlərini öndə tutacağam”.

 

 

Atasını döyüşə yola salan şəhid qızı...

 

Şəhid mayor İlkin Əhədzadənin ilk övladı olan Fidan ailəsi ilə birlikdə Bakı şəhərində yaşayır. O atası haqqında xatirələrini də bizimlə bölüşüb:

 

“Atam çox yaxşı insan idi, vətəninə, hərbiyə bağlı idi. Hətta mən deyərdim ki, atam vətənini, əsgərlərini ailəsindən də çox sevirdi. Biz hamımız vətənpərvərliyi atamdan öyrənmişik. Cəbhədə, döyüş bölgəsinin bir çox hissələrində qulluq etmişdi. Nə qədər çətin durumda xidmət etsə, nə qədər əziyyət çəksə belə, bunu bizə heç vaxt hiss etdirmirdi. Hətta hər dəfə xidmətə gedəndə həvəslə, ruh yüksəkliyi ilə gedirdi. Evdə çox qalanda əsgərləri üçün darıxırdı. Sanki onları da öz övladı kimi görürdü. Həmişə biz onu xidmətə yola salanda özümüzdən muğayat olmağı tapşırırdı. Biz də atama... özünü qorumağını deyirdik.

 

Məndən kiçik bir bacım və bir qardaşım var. Onların yaşı azdır. Mən böyüyəm deyə, onları da çalışıram ki, atamın yoxluğuna alışdıra bilim. O bir daha geri dönməyəcək. Amma bir təsəllimiz odur ki, biz Vətəni uğrunda canından keçən igid bir hərbçinin övladlarıyıq. Atamla qürur duyuram”.

 

 

Atasından danışanda kövrələn Fidan onu müharibəyə yola saldıqları günü belə xatırlayır:

 

“Müharibəyə gedəndə atamı həmişə yola saldığımız kimi yola saldıq. Çünki o bizə heç nə deməmişdi. Müharibənin başladığı elan edilməmişdi. Atam müharibənin ilk şəhidi olub. Hara getdiyini bilmirdik. Əlaqə saxlayırdıq, bizə heç nə demirdi. Hətta döyüş başlayanda belə yerini deməmişdi, amma bildirirdi ki, mən xidmət etdiyim yerdə müharibə getmir, arxayın olun. Atam mayor idi deyə, elə ön sırada müharibəyə qatılmışdı. Həmişə özü deyirdi ki, əsgərlərim məni gözləyir. Onun şəhid xəbərini eşidəndə bildik ki, müharibənin, odun-alovun içində olubmuş. Atamın da, bütün şəhidlərin də məkanı cənnət olsun”.

BU KATEQORİYADAN OLAN DİGƏR XƏBƏRLƏR
+ Arxiv
Kürəkən qayınata və qayınanasının üzərinə benzin töküb yandırdı 20 Sentyabr 2021, 09:44 Ermənilərin 10 zirehli texnikasını məhv edən Milli Qəhrəman 20 Sentyabr 2021, 09:38 Xəstə yaxını xəstəxanada dava saldı  20 Sentyabr 2021, 09:36 Alimlər koronavirusun daha qədim mənşəyini tapıblar 20 Sentyabr 2021, 09:30 Neftin qiyməti ucuzlaşdı 20 Sentyabr 2021, 09:25 COVID-19 pasportu olmayan valideynlər məktəblərə buraxılmır 20 Sentyabr 2021, 09:19 Azərbaycanda ötən il 16 nəfər cəzaçəkmə müəssisələrindən QAÇIB 20 Sentyabr 2021, 09:14 Yaponiyada yaşlı əhalinin sayı rekord həddə çatıb 20 Sentyabr 2021, 09:10 Xarici valyutaların manata qarşı məzənnələri 20 Sentyabr 2021, 09:05 Bakının əsas yollarında tıxac var - SİYAHI 20 Sentyabr 2021, 09:00 Ərdoğan ABŞ-da türk və Azərbaycan icmalarının üzvləri ilə görüşdü 20 Sentyabr 2021, 08:50 Başını Ermənistana əyən İran “səyasətbazları” indiyədək nə din tanıyıb, nə iman...  20 Sentyabr 2021, 08:43 Bulvarda gənc qız özünü dənizə atdı 20 Sentyabr 2021, 08:00 Dünyada koronavirusa yoluxanların sayı 229 milyonu ötdü 20 Sentyabr 2021, 07:53 Azərbaycan ərazisinə keçmiş ermənilər geri qaytarıldı 20 Sentyabr 2021, 07:42 Ərdoğan ABŞ-da səfərdədir 20 Sentyabr 2021, 07:30 Britaniyada 29.6 min yoluxma qeydə alındı 20 Sentyabr 2021, 00:46 Məşhur boksçu prezident olmaq istəyir 20 Sentyabr 2021, 00:37 Çoxmərtəbəli yaşayış binasında yanğın oldu 20 Sentyabr 2021, 00:22 “Əsrin müqaviləsi”nin 27 ili tamamlandı 20 Sentyabr 2021, 00:07 Şahmatçılarımız Moldova yığmasına qalib gəldi   19 Sentyabr 2021, 23:51 Bodibildinqçimiz tarixi uğura imza atdı 19 Sentyabr 2021, 23:38 Makron İsveçrə səfərini ləğv etdi - SƏBƏB 19 Sentyabr 2021, 23:24 “Çelsi” səfərdə “Tottenhem”i məğub etdi 19 Sentyabr 2021, 23:01 Batma təhlükəsi ilə üzləşən 3 nəfər xilas edildi 19 Sentyabr 2021, 22:54 Vahid Rusiya partiyası seçkilərdə öndə gedir   19 Sentyabr 2021, 22:35 "BMT Qarabağ məsələnin həll edilməsində istəksizlik göstərdi" - Koffi 19 Sentyabr 2021, 22:30 Mahir Emrelidən “Legiya”da növbəti qol 19 Sentyabr 2021, 22:14 ABŞ-da hərbi təyyarə qəzaya uğradı 19 Sentyabr 2021, 21:51 Deputatlar Rusiyada seçkiləri müşahidə etdilər 19 Sentyabr 2021, 21:40 Türkiyə əhalisinin 67.7% tam peyvəndlənib 19 Sentyabr 2021, 21:34 Rusiyada parlament seçkiləri başa çatdı 19 Sentyabr 2021, 21:17 Baş nazir vulkana görə ABŞ səfərini təxirə saldı 19 Sentyabr 2021, 21:06 İsraildə sutkalık 7 mindən artıq yoluxma 19 Sentyabr 2021, 20:54 Bu ölkədə vulkan püskürdü 19 Sentyabr 2021, 20:46
SORĞU Hansı vaksinə etibar edirsiniz?