Arxiv
31 Avqust 2009, 17:41 | PARLAMENT
Parlament jurnalistləri kimlərdir?

Və ya Milli Məclisdə keçirdiyimiz bir gün

Tərəfsiz Jurnalistlər Birliyi. Bu təşkilatı daha çox parlament jurnalistlərini birləşdirən qurum kimi tanıyırlar. Çünki bura əsasən Milli Məclisdə akkreditədən keçən KİV işçiləri yığışıblar.
Bəs özünü parlament jurnalistləri adlandıran media nümayəndələri kimdir ki, bir yerə yığışıb ayrıca təşkilat yaradıblar? Bu qurumu tanıtmaq üçün mütləq onu qeyd eləməliyəm ki, təşkilatda həm iqtidar, həm də müxalifət mətbuatından olan jurnalistlər çox rahatlıqla dil tapırlar. Xatırlamıram ki, TJB üzvləri arasında hansısa siyasətçiyə simpatiya üstündə, yaxud ümumiyyətlə siyasi baxışlara görə mübahisə düşsün.
Amma mübahisələr olmamış deyil. Əsasən də təşkilatın fəaliyyətini qurması ilə bağlı narazılıqlar olur. Qələm əhlinə də nə var ki, tənqidi üzə deməkdən çəkinən deyilik. Ona görə də jurnalistlərdən bir neçəsi ara-sıra təşkilatın sədri Elşad Eyvazlını bir kənara çəkib onunla qızğın mübahisələr aparır. O da adəti üzrə hər kəsi hövsələ ilə dinləyir, hamı ilə razılaşır, axırda da hansısa kompromis tapmağa çalışır.  Əslində, TJB üzvlərinin əksəriyyətinin yalnız Milli Məclisin plenar iclasları olan günlərdə bir yerə toplaşmaq imkanları yaranır. Axı uşaqların çoxu gündəlik KİV-də işləyir. Ona görə də digər qurumlar kimi hər həftə iclas və toplantılar keçirib nələrisə müzakirə etməyə vaxtımız olmur.
Çox vaxt heç parlamentdə də düz-əməlli söhbət edə bilmirik. Çünki iclas günləri orada deputatlara nisbətən  jurnalistlər  daha gərgin işləməli olurlar. Məsələn, əgər iclasa bir az gecikdinsə, gərək həmkarlarına üz tutub, nələr olub-olmadığını dəqiqləşdirəsən. Hələ iclası demirəm, deputatların zala toplaşdığı vaxtı gərək qaçırmayasan. Yoxsa, foyeyə gələndə görürsən ki, artıq uşaqlar hansısa millət vəkilini əhatəyə alıblar və ondan nəyəsə münasibət öyrənirlər. Belə brifinqlərə gecikəndə, dərhal deputatı mühasirəyə alanlar arasında  kimlərin olduğuna baxmalısan. Elə ki, dəqiqliyinə əmin olduğun jurnalisti orda gördün, problem yoxdur, informasiya ala biləcəksən. Axı TJB-nin özünəməxsus informasiya şəbəkəsi var. İclas başlayan kimi informasiya agentliklərindən akkreditə olan uşaqlar sör-söhbətləri dərhal kəsirlər - bütün diqqət monitora yönəlir. Onlar parlament sədrinin az qala hər cümləsini xəbərə çevirib agentliyə ötürməyə başlayırlar. Adətən APA-dan həmkarımız Elbrus hər kəsi qabaqlayır, mətbuat otağındakı yeganə telefonu zəbt edir. Digər agentliklərdən olan dostlarımız bəzən telefon, kompüter üstündə mübahisə edirlər. Amma insafən, hamı bir-birini yola verir.

Elə ki, gündəliyə təkliflər (cari məsələlər) üçün vaxt ayrıldı, mətbuat otağına sükut çökür. Yalnız kompüter klaviaturasının şaqqıltısı eşidilir. Deputatların çıxışları diqqətlə izlənilir, sitatlar dəqiqləşdirilir. Cari məsələlər bitən kimi sərbəstlik yaranır. Deputatlarla yanaşı, otaqdakı uşaqların özləri də hansısa qanun layihəsini diskussiyaya çıxarırlar. Demək olar, heç kim bu müzakirələrə biganə qalmır, öz rəyini deyir. Bircə “Azadlıq” radiosundan İlqar Rəsul, özü demişkən, işini yüksək səviyyədə görməyə çalışır. O, radio üçün səs yığdığından, bərkdən danışan həmkarlarımızı sakit olmağa çağırır. Amma nə qədər sakitlik yaradılsa da, radio üçün yığılan materiallar həmkarlarımız Mürtəza Bünyadlı ilə Emil Quliyevin bas səsləri ilə zənginləşir.

Nisbətən diqqət cəlb etməyən qanun layihələrinin, hansısa  beynəlxalq sazişlərin müzakirəsi aparılanda, mətbuat otağını tərk edib iclas zalına da baş çəkməyə vaxt olur.  Əlbəttə, jurnalistləri zala buraxan yoxdur. Amma bizim 3-cü mərtəbədəki lojalardan iclasda baş  verənləri izləmək imkanımız var. Burada işləyən media nümayəndələri  əsasən gündəlik qəzet və televiziya işçiləri olur. Onlar üçün hər şeyi aydın eşitməkdən savayı, zalın hər tərəfini görmələri də vacibdir. Ona görə də əgər monitorda zalda olub-keçənlərdən hansısa məqamı görə bilmədimsə, onda həmişə zalda işləyən “Yeni Müsavat”dan olan həmkarım Elşad Paşasoya müraciət edirəm.

Zalda oturanda  parlament jurnalistləri sırasındakı az sayda olan xanım jurnalistlərlə görüşüb bir qədər söhbətləşirik. Amma bu dəfə söhbətin mövzusu nə siyasət, nə qanun layihəsi olur. İki qadın bir yerdə olanda nədən danışar? Əlbəttə, üçüncüsündən. Bu arada bəzi qadın deputatların geyimi, saç düzümü, stilini də müzakirə etmək yaddan çıxmır.  Çox vaxt Milli Məclisin mətbuat xidmətinin əməkdaşı Qərənfil xanıma da burda rast gəlmək olar. Onunla görüşən kimi yaxın günlərdə hansı komitə iclaslarınin olacağı, hansı layihələrin müzakirəyə çıxarılacağı barədə məlumat alırıq.  

Zalda canlanma olan kimi isə dərhal mətbuat otağına qayıdıb reportaj yazını hazırlamaqda davam edirsən. Beləcə, bir də görürsən ki, saat 2 oldu və iclasın birinci hissəsi başa çatdı. Amma bizim işimiz hələ də qurtarmır. İndi də çalışıb deputatlar zaldan çıxana kimi aşağı düşüb onları parlament binasından çıxmamış “yaxalamaq” lazımdır. Burda da işi başa çatdırandan sonra kimin iclasın ikinci hissəsinə qalıb-qalmayacağını həll edirik. İkinci hissəyə qalanlar ucuzluğu ilə tanınan parlament yeməkxanasında nahara gedirlər. Mən isə yaxınlıqda yerləşən redaksiyaya gedib yazını təhvil verməliyəm. Axı siyasi həyatın nəbzinin məhz Milli Məclisdə vurduğunu bilən redaktorlar səndən parlament reportajını mümkün qədər tez tələb edirlər...

 

BU KATEQORİYADAN OLAN DİGƏR XƏBƏRLƏR
+ Arxiv
Moskvada COVID-19 qurbanlarının sayı 2 477 nəfərə çatıb 31 May 2020, 00:59 Bu qadağalar iyunun 15-dək qüvvədə qalacaq 31 May 2020, 00:51 Bakıda 21 yaşlı gənc bıçaqlandı 31 May 2020, 00:48 Açıq havada idman yarışları keçirməyə icazə verildi 31 May 2020, 00:38 Dövlət qurumları tam heyətlə fəaliyyətə başlayır 31 May 2020, 00:32 İri ticarət mərkəzləri və "Mall"lar açılır 31 May 2020, 00:17 Restoran, kafe və çay evlərinin iş saatı 22:00-dək UZADILDI 31 May 2020, 00:06 Bu gündən bəzi məhdudiyyətlər ləğv edilir - RƏSMİ 31 May 2020, 00:01 İlin kosmik hadisəsi: “SpaceX” ilk dəfə fəzaya insan göndərdi - VİDEO 30 May 2020, 23:47 Nyu-Yorkda 200-dən artıq etirazçı saxlanılıb 30 May 2020, 23:39 Azərbaycan-İran sərhədində yanğın 30 May 2020, 23:26 Daha 710 “Taliban” üzvü azad edildi 30 May 2020, 23:13 Xırdalanda yaşayış binasında yanğın oldu 30 May 2020, 23:00 Rusiyada terrorçular məhv edildi 30 May 2020, 22:42 Bu tələbələr ölkəyə buraxılmayacaq - QADAĞA 30 May 2020, 22:28 Liderlər Honkonq və Liviyadakı vəziyyəti müzakirə etdi 30 May 2020, 22:12 Türkiyədə 126 984 nəfər koronavirusdan sağalıb 30 May 2020, 22:00 Daha bir ölkədə maska taxmaq məcburi oldu 30 May 2020, 21:46 Son sutkada daha 215 nəfər koronavirusdan öldü 30 May 2020, 21:31 Xüsusi karantin rejimi daha bir ay uzadılıb 30 May 2020, 21:17 Azərbaycanda koronavirusla bağlı aparılan testlərin sayı AÇIQLANDI - FOTO 30 May 2020, 21:16 Prezident ötən il üçün gəlirlərini açıqladı 30 May 2020, 21:03 İtaliyada sutkalıq koronavirus qurbanları yenidən artdı 30 May 2020, 20:54 Azyaşlı avtomobil radiatoru üçün olan mayeni içərək zəhərlənib 30 May 2020, 20:43 Ermənistanda koronavirusa yoluxanların sayı 10 minə çatır 30 May 2020, 20:29 Türkiyədə daha bir şəhid verdi 30 May 2020, 20:16 Ağ Evin qarşısında etirazlar başlayıb 30 May 2020, 20:01 Aydınlarımız Türk millətinə edilən haqsızlığa qarşı birlikdə mübarizə aparmalıdır - Qənirə Paşayeva 30 May 2020, 19:58 Koronavirusun peyvəndi nə zaman hazır olacaq? 30 May 2020, 19:30 Bu saytda işləyən jurnalistləri robotlarla əvəzləyəcək 30 May 2020, 19:20 "Facebook"da daha bir yenilik 30 May 2020, 19:13 Avropa İttifaqı ÜST-lə bağlı ABŞ-a çağırış etdi 30 May 2020, 19:00 Filippində 6 baladək zəlzələ oldu 30 May 2020, 18:50 Yaşayış binasında təhlükənin qarşısı alındı 30 May 2020, 18:42 Şirvanda ağır qəza - Ölən var   30 May 2020, 18:30