ABŞ-ın sabiq prezidenti, noyabrda keçiriləcək prezident seçkilərində namizəd olan Donald Tramp Pensilvaniya ştatında səhnədə çıxış edərkən hücuma məruz qalıb. Respublikaçı namizəd qulağından yaralanıb. Hücum etməkdə şübhəli bilinən şəxs öldürülüb.
Modern.az xəbər verir ki, Azərbaycandan olan tələbə Elnur Əhmədov da hadisə baş verən zaman orada olub.
Elnur Əhmədov Pensilvaniyada keçirilən layihə üçün bu ştata səfər etdiyini bildirib və Trampın seçki mitinqində iştirak edib.
O, hadisəni lentə alıb. Elnur Əhmədov "Media Türk TV"nin efirində hadisənin detallarını danışıb.
