Arxiv
25 Dekabr 2018, 20:53 | MÜSAHİBƏ
İstanbulda “Sarı gəlin” əfsanəsi reallaşır - FOTOLAR

 TÜRKAP  və Lady Radionun Başkanı İlhamə Novruzova: “Azərbaycandan Türkiyəyə gedərkən ən zor olanı seçdim”

 

TÜRKAP  və Lady Radionun Başkanı İlhamə Novruzova bu günlərdə Ərzurumda səfərdə olub. İ.Novruzova bir sıra maraqlı məqamlarla yadda qalan səfərlə bağlı təəssüratlarını Modern.az-la bölüşüb.

 

- Ötən həftənin sonu Ərzuruma səfəriniz oldu. Nə ilə bağlı idi?

 

- Türk Dünyası Kadın Platformu (TÜRKAP) və Lady Radionun qurucuları – mən  və Zaid Nəhmətov düşündük ki, tədris ilinin yarısı geridə qalıb və deməli uşaqları sevindirməyin əsl vaxtıdır. Bu niyyətlə 21 dekabrda Ərzurumun Çat rayonuna üz tutdum. AK Parti Ərzurum İl Kadın Kollarının təşkilatçılığı ilə Dəyirmənli kəndindəki 40 şagirdə hədiyyələr verilməsində iştirak etmək üçün... Mən özəlliklə hədiyyə adlandırıram, çünki təşkilatların ya fərdi şəxslərin ehtiyacı olanlara 5 manatlıq nəsə vərərək, sonra bunu təmtəraqla reklam etməsini xeyriyyəçilik saymıram. “Yardım”, “nəzir” kimi sözlər məncə insanların qürurunu sındırır, xüsusən də uşaqların...Təsadüfi dəyil ki, AK Parti Ərzurum İl Kadın Kolları Başkanı Ayşe Deniz Çelik məktəblilərə ilk müraciətində bələ dədi: “Əzizlərim, biz öyrəndik ki, bu soyuq qış günlərində siz bir gün belə olsa dərsdən qalmırsınız, müəllimləri sevindirirsiniz, uğurlarınız, nailiyyətləriniz var, bir sözlə, çox ağıllı uşaqlarsınız. Və biz də bu ağıllı uşaqları görmək, yaxından tanış olmaq üçün yanınıza gəldik.”

Bu səmimi sözlər o qədər xoş təsir bağışladı ki...Aydın məsələdir ki, dağlıq kəndlərdə həyat heç də asan dəyil. Uşaqlar həqiqətən çox sevindilər. Ümumiyyətlə, TÜRKAPın devizi budur: “Hər şeyi sevgiylə et!”. Elə birliktə keçirtdiyimiz 2 saat ərzində uşaqların gözlərindən o qədər pozitiv enerji aldıq ki... Özü də minnətdarlıqdan doğan enerji deyildi bu... Ərzurumlu balacalar bizi nəsə gətirdiyimizə görə sevmədilər, onlar bütövlükdə saf və sevgi dolu idilər. Bu gözəl missiyanı həyata keçirməkdə bizə vəsilə olan AK Parti İstanbul millət vəkili, TBMM Diləkçə Komisyonu başkanı Mihrimah Belma Satıra özəlliklə təşəkkür edirəm. Ümumiyyətlə, “Şəhərdən kəndə” tipli belə hədiyyə (yardım deyil!) kampaniyaları vacib ənənəyə çevrilməlidir. Bu mərkəzdən uzaq kəndlərdə uşaqların gələcəyə inamını, təhsilə həvəsini xeyli artıra bilər. 

 

- Kənddən ayrılarkən nə düşündünüz?

 

- Açıqcası təəsüfləndim. Bu uşaqların yanında biraz da qalmaq istərdim. Bir də....Düşündüm ki, kaş büdcəmiz daha çox olardı. Yalnız bot, gödəkcə deyil, al-əlvan oyuncaqlar, qələmlər, dəftərlər alsaydıq...Axı uşaqlar dünyada hər şeyin ən yaxşısına layiqdirlər. Elə o niyyətlə ayrıldım ki, mən Dəyirmənli kəndinə və onların görüşünə mütləq bir də gələcəyəm. Ola bilər ki, TÜRKAP çərçivəsində maraqlı bir layihə ilə...Hətta bəzi detallar barədə Ayşə xanımla müzakirə də apardıq. Başqa bir önəmli məqam var-uşaqların Azərbaycan haqqında yetərincə məlumatlı olması...Hətta Qarabağ savaşı barədə belə bilirdilər. Təsəvvür edin–cəmi 5-10 yaşında uşaqlar...Ümumiyyətlə, Ərzurumla Azərbaycan arasında ortaq bağlar çoxdur. İndi bu bağları daha da möhkəmləndirmək, əlaqələri inkişaf etdirmək lazımdır. Məsələn, əfsanəvi “Sarı gəlin” mahnısı həm Azərbaycan, həm də Türkiyədə çox populyardır. Hətta türkcə versiyada mahnı “Ərzurum çarşı bazarı”, azərbaycancada isə “Saçın ucun hörməzlər” ilə başlayır...Ermənilərin çoxdandır ki, acgözlüklə özəlləşdirməyə çalışdığı bu mahnıya sahib çıxmaq məqsədi ilə eyni adlı maraqlı layihəni reallaşdırmaq, habelə qardaşlıq körpüsü həyata keçirmək effektli addım olardı. Beləcə Sarı gəlinin həm elmi, həm tarixi, həm də mədəni faktor olarak, məhz türk dünyasına mənsub olduğunu ortalığa qoyarıq. Amma icazənizlə nüansları hələ ki, gizli saxlayacağam (gülür)..

 

- Belə anladım ki, bir layihənin konturları artıq hazırdır. Bəs TÜRKAPın yaxın gələcəyə olan başqa planları nədir?

 

- Qarşıdakı əsas hədəf 2019-cu il üçün ölkələr üzrə prioritetlərin müəyyənləşdirilməsi və dövlətlərarası müştərək layihələrin təqdim olunmasıdır. Yeni ildə TÜRKAP adına ən azı 10-12 layihə reallaşdırmağı düşünürük. Onların hər birinin Platformamıza üzv 6 ölkədə: Türkiyə, Azərbaycan, Şimali Kipr Türk Respublikası, Qazaxıstan, Qırğızıstan, Özbəkistanda yaxşı rezonans doğuracağına qətiyyətlə inanıram. Çünki təsis olunduğumuz müddətdən (5 sentyabr 2018 il) keçən dövr ərzində məhz bu istiqamətdə ciddi çalışdıq, səmərəli səfərlərimiz, iş görüşlərimiz oldu. Türkiyə Parlamentinin APA Qrup Başkanı Asuman Erdoğan, AK Parti Qurucularından olan Diləkcə Komisyon Başkanı Mihrimah Belma Satır və 10-ya yaxın fəal millət vəkili, bir çox aktiv qeyri-hökümət təşkilatları ilə TÜRKAPın qadın və uşaq haqları sahəsində qarşısına qoyduğu hədəflər və bu istiqamətdə həyata keçirilə biləcək layihələr barədə faydalı müzakirələr keçirdik. Azərbaycanda Parlamentin Vitse-spikeri Bahar Muradova və qadın millət vəkillərimiz, Ailə, Qadın və Uşaq Problemləri üzrə Dövlət Komitəsinin sədri Hicran Hüseynova, YAP Qadınlar Şurasının sədri Nurlana Əliyeva, TÜRKPA –nın Baş Katibi Altinbek Mamayusupov, Diasporla İş üzrə Dövlət Komitəsinin birinci müavini Valeh Hacıyevlə perspektiv layihələrdən danışdıq. Şimali Kipr Türk Respublikasının Birinci Xanımı Meral Akınçı, maliyyə naziri Serdar Denktaş, Daxili İşlər naziri Ayşegül Barbars, Çalışma və Sosial Güvənlik naziri Zeki Çelerlə və fəal qadınlarla görüşlərimizdə də TÜRKAP olaraq, həyata keçirəcəyimiz birgə projeləri diqqətə çatdırdıq. Qurucularımız, hər birimizi maraqlı təşəbbüsləri ilə motivə edən, ideyalar qaynağı, qadınlara dəstək verməklə cəmiyyətdə gözəl nümunə sərgiləyən Zaid Nəhmətov, işgüzar və hər əziyyətimizə qatlaşan Baş Katib Ülviyyə Abdullayevaya sərf etdikləri böyük əməyə, entuziazma görə o qədər minnətdaram ki...Çox böyük zəhmət çəkirlər. Bu arada doğma modern.az saytına və şəxsən Elşad Eyvazlıya da xüsusi təşəkkür düşür. Bir təşkilatın qurulması kənardan asan görünə bilər, əslində olduqca çətin prosesdir.

 

- Qısa zamanda belə güclü təşkilatlanma ilk növbədə böyük mənəvi resurslar, geclü ideyalar tələb edir. Bunu necə bacardınız? Bölüşmək istədiyiniz uğur düsturu varmı? 

 

(Gülür) Şəxsən mənə gəlincə, Azərbaycandan Türkiyəyə daşınmaq qərarımı asan vermədim. Amma həyatda həmişə ən zor başa gələni seçmişəm! Ümumilikdə isə böyük motivasiya, uğur düsturu məncə insanın gördüyü işin nəticəsinə inanmasıdır. Biz böyük Türk dünyasının qadınlarını mövcud və ortaq problemlərimizə çözüm tapmaq yolunda sevgi, mərhəmət, zəka çətiri altında birləşdirəcəyimizə əminik. Biz həmçinin türk toplumunun zəngin mənəviyyatını, mədəniyyətini, dünyaya nümunə ola biləcək ailə dəyərlərini yaymaqda israrlıyıq. TÜRKAP beləcə müxtəlif xalqların bir-birinə yaxınlaşması və təkcə qadınlara münasibətdə deyil, bütövlükdə mədəniyyətlərarası ünsiyyətin qloballaşmasında, Qərbdə Şərq qadını obrazına dair formalaşan bəzi yanlış stereotiplərin (ailədə hüquqsuz, cahil, təhsilsiz və s) aradan qaldırılması yolunda vacib addımlar atmağı planlayır. Çünki bəzən bu mövzuda bir ölkədən gələn səslər, edilən çağırışlar dünya miqyasında lazımi effekt vermir. Əslində bizim qadınların ailəyə bağlılığı, mənəvi dəyərlərə, adət-ənənələrə sayğısı, yalnız övladlarına deyil, nəvə-nəticələrinə də həsr etdiyi zaman, qayğıkeşlik bu sahədə həyata keçirilən projelərdə təməl daşı olmalıdır. Bu baxımdan uğurlu, dünyada tanınan rol-modellərimiz var: ölkəmizin Birinci Vitse-Prezidenti Mehriban Əliyeva və Türkiyənin Birinci Xanımı Əminə Ərdoğan kimi...Elə ailə institutu, uşaqların təlim-tərbiyəsi və s. bu qəbildən olan məsələlərdə direktivlər, layihələr adət edildiyi kimi əsasən qərbdən deyil, şərqdən-belə zərif, ailə dəyərlərinə sadiq, mərhəmətli, eyni zamanda bacarıqlı və uğur qazanmış qadınların dilindən eşidilməlidir. Zatən internetin, bəzi başdan-ayağa zərərli televiziya və radio verilişlərinin təsiri altında bir sıra dəyərlərimiz alt-üst olmaqdadır. Gecə həyatını, zərərli vərdişləri, cins dəyişkənliyini az qala norma olaraq, qəbul edənlər sabah bu bəlanın hər kəsin qapısını döyəcəyini unudurlar deyəsən...Efirdə üzünü dartdırıb, əzilib-büzülən kişilərin sayı artdıqca, gecələr barların önündə var-gəl edən qızlar çoxaldıqca, nə sağlam gələcəkdən danışmaq olar, nə möhkəm ailədən, nə də demoqrafik inkişafdan...Odur ki, şərqdən qərbə inteqrasiya olunacaq xeyli faydalı ideyalar və nümunələrimiz var. Biz qadınlar gec olmadan, səylərimizi birləşdirərək, onlara sahib çıxmalıyıq.  TÜRKAP bu hədəflə yola çıxıb.   

 

Və sonda...

Son sözünü heç deməyək, çünki yolumuz uzun, planlarımız isə o qədər çoxdur ki (gülür)...24 dekabr - Azərbaycanıın və dünyanın hansı nöqtəsində yaşamağımızdan asılı olmayaraq, hər bir azərbaycanlının Prezidenti İlham Əliyevin doğum günü idi. TÜRKAP və Avrasiyada ilk qadın radiosu olan LADY RADİO adından liderimizə “Çox yaşa!” deyirik.

 

 

Pərvin ARZUQIZI

BU KATEQORİYADAN OLAN DİGƏR XƏBƏRLƏR
+ Arxiv
Paytaxtda COVID-19 qurbanlarının sayı 2624-ə çatdı 1 İyun 2020, 23:24 Xırdalanda kişi yaşadığı binanın qarşısında bıçaqlanıb 1 İyun 2020, 23:11 Avropa Olimpiya Komitəsinin prezidenti öldü 1 İyun 2020, 22:54 “ÜST vasitəsilə  yardıma ən çox ehtiyacı olan 15 ölkəyə dəstək göstərəcəyik” - İlham Əliyev 1 İyun 2020, 22:40 Bakıda motosiklet yük maşınına çırpıldı 1 İyun 2020, 22:27 Azərbaycan prezidenti: “Azərbaycanın vaxtında gördüyü tədbirlər sayəsində biz minimum itki vermişik” 1 İyun 2020, 22:16 “Dörd ay ərzində qeyri-neft sənayesində 16 faizdən çox artım müşahidə olunub” - İlham Əliyev 1 İyun 2020, 22:04 “Hazırda biz yeni layihələr üzərində işləyirik” - Prezident 1 İyun 2020, 21:53 ABŞ-da küçəyə çıxma qadağası 1 İyun 2020, 21:44 Türkiyədə sutkalıq COVİD-19 qurbanlarının sayı  23 nəfərədək azaldı 1 İyun 2020, 21:28 "Qarabağ" məşqləri bərpa etdi 1 İyun 2020, 21:16 Bu ölkədə koronavirus qurbanlarının sayı 33 475-ə çatdı 1 İyun 2020, 21:04 Goranboyda taxıl biçininə start verildi - FOTO 1 İyun 2020, 20:48 Ermənistanda ağır vəziyyətdə olan 500 koronaviruslu xəstə var 1 İyun 2020, 20:38 Sosial şəbəkələrin fəaliyyətinin hüquqi müstəvidə tənzimlənməsi aktualdır 1 İyun 2020, 20:25 Azərbaycanda sabiq bələdiyyə sədrini döyüb xəstəxanalıq etdilər 1 İyun 2020, 20:14 Atışmada iki hərbçi öldü 1 İyun 2020, 20:01 Putinlə Tramp telefonla danışdılar 1 İyun 2020, 19:57 AFFA mövsümü dayandırdı - çempion bəlli oldu 1 İyun 2020, 19:48 Milli Məclis müsabiqə elan etdi 1 İyun 2020, 19:39 Mərkəzi Bankdan TƏKZİB: “Qeyd olunan məlumat həqiqəti əks etdirmir” 1 İyun 2020, 19:30 Heydər Əliyev Fondundan azyaşlılara bayram hədiyyələri - Fotolar 1 İyun 2020, 19:20 UNEC-də bəzi kafedra və fakültələr ləğv edildi 1 İyun 2020, 19:10 Qapıları 70 gün müştərinin üzünə bağlı qalan “Mall”lardan FOTOREPORTAJ 1 İyun 2020, 19:00 Azərbaycanda koronavirus testindən keçənlərin sayı 300 mini keçdi - RƏSMİ 1 İyun 2020, 18:52 Litva Prezidenti İlham Əliyevi təbrik edib 1 İyun 2020, 18:44 Azərbaycanda 5 nəfər koronavirusdan öldü - daha 168 nəfər yoluxdu 1 İyun 2020, 18:36 Şəhərdə dolaşan ayı ilə bağlı daha bir AÇIQLAMA 1 İyun 2020, 18:31 Nazirlik yoxlama apardı - 392 obyektdə nöqsan aşkarlandı: “Soliton”, “Optimal elektronika”, “Bol Market”... 1 İyun 2020, 18:23 Azərbaycanda prokuror koronavirusa YOLUXDU 1 İyun 2020, 18:15 Azərbaycanda 12 nəfərin koronavirusa yoluxduğu kənddən VİDEOREPORTAJ 1 İyun 2020, 18:09 Paşinyan koronavirusa Şuşada yoluxub? – AÇIQLAMA 1 İyun 2020, 17:59 İlham Əliyev İtaliyanın dövlət başçısını təbrik edib 1 İyun 2020, 17:55 Bakı şəhər prokurorluğunun əməkdaşı koronavirusdan ölüb? - Rəsmi CAVAB 1 İyun 2020, 17:52 Pandemiya ilə mübarizədə nümunəvi model: Azərbaycanlı jurnalist İspaniya mediasında yazdı 1 İyun 2020, 17:47