Arxiv
20 May 2019, 11:40 | REPORTAJ
Rafiq Hüseynlinin xanımına axırıncı sözü qızı ilə bağlı olub - Məşhurların son günü

Modern.az saytı “Məşhurların son günü” rubrikasına davam edir. Rubrikamızda hər kəsin tanıdığı simaların ölümündən az öncə ailəsinə, övladlarına dediyi son sözlər və ya vəsiyyəti barədə danışılır.

Rubrikamızın  ikinci təqdimatı Azərbaycan Televiziyasının məşhur diktoru, mərhum Xalq artisti, professor, Dövlət Mükafatı Laureatı  Rafiq Hüseynliyə həsr olunur.

Rafiq Hüseynli 1946-ci ildə Şuşa şəhərində anadan olub. 17 yaşında Azərbaycan Televiziyasında çalışmağa başlayır. Və televiziyaya elə bağlanır ki, buranı tərk etməyi ağlından belə, keçirmir. 1966-cı ildə təcrübəçi diktor kimi fəaliyyətə başlayır. Beləcə AzTV-də diktor olaraq qalan Rafiq Hüseynli bütün varlığını seçdiyi peşəyə həsr edir. İllərdən sonra öz səsiylə tamaşaçıların sevimlisinə çevrilir... Və Xalq artisti fəxri adı da alır. Ona professor elmi adı verilir, Dövlət Mükafatı Laureatı olur.

Fəaliyyəti dövründə Moskvanın ali dərəcəli diktoru səviyyəsinə kimi yüksələn Rafiq Hüseynli bir müddət AzTV-nin sədr müavini vəzifəsində də çalışmağa nail olur...

Rafiq müəllim 26 oktyabr 2017-ci ildə xərçəngdən dünyasını dəyişib. Leyli adlı qızı yadigar qalıb. 

“Rafiq Hüseynlinin son günü” barədə Modern.az-a həyat yoldaşı Səbinə Hüseynli danışır…


Səbinə xanım deyir ki, Rafiq müəllim çox maraqlı insan olub. Ondan dostlarıyla bağlı çox maraqlı xatirələr qalıb:

“Dostlarına çox bağlı insan idi. Demək olar ki, bütün maraqlı xatirələri elə məhz dostlarıyla əlaqədardır. Rafiq Hüseynli həm də çox ailəcanlı insan idi”.


Həyat yoldaşının sözlərinə görə, qızını dəlicəsinə sevən Rafiq müəllim demək olar ki, onunla nəfəs alırdı.


“Ailədəki Rafiq Hüseynli ilə efirdəki Rafiq Hüseynli bir-birindən fərqlənirdi. Təbii ki, evdəki rahatlığı efirdə etmək olmur. Rafiq Hüseynli çox səmimi və mədəni inan idi. İstər efirdə, istər dostlarıyla, istərsə də ailədə mədəniyyəti necə var idisə, eləydi. Rafiq Hüseynli olduğu kimi insan idi. Efirdə olduqca ciddi görünsə də, əslində zarafatcıl idi. Görünüşündə zəhmlilik vardı, lakin ailədə və dostlarıyıla çox şən, deyib-gülən idi”.


Səbinə xanım Rafiq müəllimin tələbəsi olub. O, Bakı Sosial İdarəetmə və Politologiya İnstitutunda (İndiki Prezident yanında Dövlət İdarəçilik Akademiyası) təhsil alarkən Rafiq Hüseynli onlara “Nitq mədəniyyəti” fənnini tədris edirmiş.

“Hər kəs üçün Rafiq Hüseylinin mühazirələri çox maraqlı gəlirdi. Bəzi tələbələrimiz vardı, onlar mühazirələrdən sıxılar, dərsə girməzdilər. Amma “Nitq mədəniyyəti” fənninin mühazirələrini Rafiq Hüseynlinin oxuyacağını biləndə ilk gündən dərsi boş qoymadılar. Rafiq müəllim ilk gündən qrupa girəndə tələbələrə “uşaqlar, mən sizi incidən deyiləm. İstəyirsiniz oturun, dinləyin, dərsi müzakirə edək və söhbətləşək. İstəmirsinizsə çıxa bilərsiniz. İmtahanda gəlib dərsinizi danışsanız, qiymətinizi alacaqsınız” dedi.
O, sərbəstliyi sevən, ruhu azad insan idi. Rafiq müəllimin bu sözlərindən sonra bütün tələbələr onun mühazirələrində iştirak edirdir. Rafiq Hüseynli öz şəxsiyyəti və sevgisi ilə sənətinə maraq oyadırdı. Bunu hər adam bacarmır”.


Səbinə xanım deyir ki, Rafiq müəllimlə tanışlıqdan sonra o da televizyada işləmək istəyirmiş. 3-cü kursda oxuyarkən o vaxt fəaliyyət göstərən “Sara” televiziyasına gedib. 4 nəfər qız müsabiqədən keçiblər. Onlara deyilib ki, sizi ya diktorlar Roza Tağıyeva (Rafiq Hüseynlinin birinci həyat yoldaşı), ya da Rafiq Hüseynli hazırlayacaq.
Səbinə xanım insitutdan tanıdığı və pərəstişkarı olduğu müəllimini - Rafiq Hüseynlini seçir.

“3-4 ay idi ki, təlimlər davam edirdi. Bu vaxtlarda Rafiq Hüseynli artıq uzun müddət idi evliliyini bitirmişdi, azad insan idi. Bir müddət sonra onun mənə sevgi etirafı oldu”.

Rafiq Hüseynli evlilik təklifi ilə Səbinə xanımı şoka salmışdı: “Mən onsuz da onun pərəstişkarı idim. Onun həm özünə, həm sənətinə çox böyük hörmətim var idi”.

Rafiq Hüseynli 2013-cü ildən ağ ciyər xərçəngindən əziyyət çəkirdi. Xəstəlikdən gec xəbərdar olduğuna görə, bədxassəli şiş olduqca böyümüşdü. Həkimlər əməliyyat olunmasını məsləhət görürdülər.

Səbinə Hüseynli: “İlk gündən birinci xanım Mehriban Əliyeva bizdən kömyini əsirgəmədi. Bilən kimi “Rafiq Hüseynli ya ölkəmizdə, ya da xaricdə hansı klinikanı istəyirsə, oraya aparılsın. Təki Rafiq müəllim sağalsın” dedi. Buna görə ömrümün sonuna kimi Mehriban xanım Əliyevaya minnətdar olacam”. 

4 il müddətində (2013-2017) Heydər Əliyev Fondunun dəstəyi ilə Rafiq Hüseynli müayinələrdən keçirildi, müalicələr aldı, 3 dəfə əməliyyat olundu.


“Rafiq müəllimin 4 il müddətində həyatda qalması sanki Allah tərəfindən bir hədiyyə idi aləmiz üçün. Çünki qızımız Leyli hələ çox balacaydı o zamanlar. Onun sadəcə 12 yaşı var idi. Ən azından Leyli atasını 16 yaşına kimi görə bildi”. 


Xanımı deyir ki, Rafiq Hüseynli mübariz insan idi. Son anına qədər xəstəliklə mübarizə apardı. Heç vaxt ümidini üzmədi:

“Rafiq müəllim hələ 23 il əvvəl 17 yaşlı oğlunu itirmişdi. Onda 38-39 yaşı olarmış. O, Roza xanımla erkən yaşlarında ailə həyatı qurmuşdu. Bu xəstəliyini biləndən sonra deyərdi ki, “əgər 23 il əvvəl olsaydı, bəlkə də buna sevinərdim”. Oğlunu itirəndən sonra həyat ona çox mənasız gəlirdi. Lakin qızı Leyli anadan olandan sonra Rafiq müəllim həyata tutunmağa çalışırdı, istəyirdi daha çox yaşasın. Qızının böyüməyini, uğurlarını görmək istəyirdi. Təbii ki, hər bir ata qızının xoşbəxtliyini, uğurlarını, nailiyyətlərini görməyi arzulayar... Rafiq müəllim də həmçinin”.


Rafiq Hüseylinin Səbinə xanımdan yeganə istəyi məhz qızıyla, onun ali təhsil alması, bacarıqlarıyla bağlı idi. Çünki Rafiq Hüseynli balaca qızındakı istedadı görə bilirdi.


Leyli hazırda rəssamlıq üzrə təhsil alır və ingilis dilini öz ana dili kimi bilir.


Rafiq müəllim həyatının son günlərində Almaniyada xəstaxanada yatanda onun baş ucundan ayrılmayan Səbinə xanım həyat yoldaşı keçinəndən sonra bərk sarsıldı. Atasının ölümünü qızına 3 gün söyləməyən Səbinə xanım Bakıya dönməyi gözləyirdi. Çünki bu xəbər çox ağır olacaqdı 16 yaşlı Leyli üçün. Səbinə xanım qara xəbəri qızına səhər deməyi düşünürmüş. Amma gecə boyu atası üçün darıxıb yatmayan Leyli ondan “Ana, atanı niyə tək qoyub gəldin?” deyə soruşanda Səbinə xanım həqiqəti deməyə məcbur olur.

“Çox stressli günlər idi. Leylini atasının yoxluğuna alışdırmaq çətin idi”.

Rafiq müəllimin son günlərindən danışan Səbinə xanım deyir ki, Almaniyada olarkən məşhur diktor artıq danışa bilmirmiş:

“Axırıncı dəfə onun səsini Türkiyədə xəstəxanada olarkən eşitmişdim. Onun son sözləri “Səbinə, özündən də, qızımdan da muğayat ol” oldu”.

Səbinə xanım deyir ki, Rafiq Hüseynli şəxsiyyət olaraq özünü təsdiqləmiş, təkbaşına, sənətinə vurğunluğu və peşəkarlığı ilə “Rafiq Hüseynli məktəbi” yaratmışdı:

“Cavanlıqdan çox çətin günlər yaşamışdı Rafiq müəllim. Bəzən dost dediyi insanlar tərəfindən zərbələr almışdı. Bunlara baxmayaraq, o, bütün çətinliklərə sinə gərmişdi. Güclü şəxsiyyət idi. Rafiq Hüseynli həm də çox gözəl pedaqoq idi. Belə düşünürəm ki, Rafiq Hüseynlidən dərs alan tələbələr çox şanslı tələbələr olub”.



Nuranə Daxilqızı

BU KATEQORİYADAN OLAN DİGƏR XƏBƏRLƏR
+ Arxiv
Ermənistan 4 rayonumuzu artilleriya atəşinə tutur - Müdafiə Nazirliyi 30 Oktyabr 2020, 08:30 Düşmənin bu gecə məhv edilən texnikaların SİYAHISI 30 Oktyabr 2020, 08:20 Müdafiə Nazirliyi cəbhədəki SON vəziyyətlə bağlı məlumat YAYDI 30 Oktyabr 2020, 08:12 İstanbulda teleqüllə iki qardaş ölkənin bayraqlarının rəngində işıqlandırılıb 30 Oktyabr 2020, 07:26 Cəbhə gündəliyi: 29 oktyabrda nələr oldu... 30 Oktyabr 2020, 04:00 Qurban Qurbanovdan Rusiya TV-sinə: “Başlarına dəysin” 30 Oktyabr 2020, 01:01 Yaşayış məntəqələrinə atılan raketlər zərərsizləşdirildi 30 Oktyabr 2020, 00:44 ““Qarabağ”ın oyunu adama xoş gəlir” - Unay Emeri 30 Oktyabr 2020, 00:31 Zaxarova Azərbaycan və Ermənistan XİN rəhbərlərinin Cenevrə görüşünün detallarını açıqladı 30 Oktyabr 2020, 00:22 Bərdədə raket zərbələri yaşayış evlərinə endirilib - Xarici jurnalist - VİDEO 30 Oktyabr 2020, 00:10 Teledərslərin sabaha olan CƏDVƏLİ 29 Oktyabr 2020, 23:55 “Qarabağ” İstanbuldan xalsız qayıdır - YENİLƏNİB 29 Oktyabr 2020, 23:49 “Jonson&Jonson” Qarabağdakı terrorçu rejimi maliyyələşdirir? - FOTO 29 Oktyabr 2020, 23:28 Bakı Olimpiya Stadionu da Türkiyə bayrağına “büründü” - FOTO 29 Oktyabr 2020, 23:11 Cavabdeh şəxslər ədalət məhkəməsi qarşısında cavab verməlidir - Nazirlər 29 Oktyabr 2020, 22:56 “VICE News” da Bərdəyə kasetli raketlər atıldığını təsdiqlədi 29 Oktyabr 2020, 22:52 Türkiyədə koronavirusa yoluxanların sayı artır 29 Oktyabr 2020, 22:41 XİN-dən açıqlama: “...Rusiya Müdafiə Nazirliyi müstəsna rol oynayıb” 29 Oktyabr 2020, 22:28 Düşmən qüvvələri məhv edildi - VİDEO 29 Oktyabr 2020, 22:12 “Azərbaycan Ordusu Şuşanın 5 kilometrliyindədir” - ermənilər təşvişə düşdü 29 Oktyabr 2020, 22:04 Yenidən distant təhsilə qayıdırıq - Baş Nazirdən QƏRAR 29 Oktyabr 2020, 21:53 “Amnesty International”dən Bərdə ETİRAFI 29 Oktyabr 2020, 21:31 “Qarabağ” - “Vilyareal” matçında start heyətləri açıqlandı 29 Oktyabr 2020, 21:23 Azərbaycan və Türkiyə XİN rəhbərləri son prosesləri müzakirə etdilər 29 Oktyabr 2020, 21:17 GUAM Azərbaycan şəhərlərinin raket atəşinə tutulmasını pislədi 29 Oktyabr 2020, 21:02 Dinc əhalimizi atəşə tutan düşmən bölmələri darmadağın edilir - VİDEO 29 Oktyabr 2020, 20:46 Konstitusiya Məhkəməsindən Bərdə bəyanatı 29 Oktyabr 2020, 20:41 Atatürkün balıqçı meyxanəsindəki şəkilləri 29 Oktyabr 2020, 20:34 Heydər Əliyev Mərkəzinin binası üzərinə Türkiyə bayrağı proyeksiya olundu - FOTO 29 Oktyabr 2020, 20:23 Goranboy sakininin həlak olduğu evdən FOTOLAR 29 Oktyabr 2020, 20:17 Ermənistan bir gündə 98 hərbçisinin ölümünü etiraf etdi 29 Oktyabr 2020, 20:09 Yaşayış məntəqələrinə raket və aviasiya zərbələrinin endirilməsi xəbəri yalandır - Müdafiə Nazirliyi 29 Oktyabr 2020, 20:01 Özbəkistanın qadın şairləri İlham Əliyevə məktub yazdılar 29 Oktyabr 2020, 20:00 TƏBİB-dən bədbin proqnoz: “Yoluxma sayı yüksəlməyə doğru gedəcək” 29 Oktyabr 2020, 19:55 Sülhsevər Azərbaycan... 29 Oktyabr 2020, 19:50