Arxiv
20 Sentyabr 2019, 08:11 | REPORTAJ
Ad günündən sonra şəhid olan leytenant - Hüseyn Əkbərlinin “SON ZƏNG”İ

Modern.az saytında şəhidlərimizlə bağlı olan “Sonuncu zəng” rubrikasına davam edirik. Rubrikamızda vətən uğrunda canlarından keçib şəhidlik zirvəsinə ucalan oğul və qızlarımızın ailəsi və yaxınlarıyla sonuncu zəngi, telefon danışığı, son görüşü haqqında danışılır.

 

Rubrikanın növbəti təqdimatı şəhid zabit Hüseyn Əkbərliyə həsr olunur.

 

Arayış: Hüseyn Zakir oğlu Əkbərli 21 iyul 1993-cü ildə Cəlilabad rayonunun Eçara kəndində dünyaya gəlib. 2000-ci ildə birinci sinifə Eçara kənd tam orta məktəbində  başlayıb. 2008-ci ildə 9-cu sinifi bitirərək, Bakıdakı Cəmşid Naxçıvanski adına Hərbi Liseyə daxil olub. 2011-ci ildə Heydər Əliyev adına Hərbi Akademiyaya daxil olub və buranı çox yüksək qiymətlərlə, elmi dərəcəylə bitirib. Daha sonra zabit kimi hərbi hissəyə təyinat alıb. Qazax rayonunda – ön cəbhədə yerləşən hərbi hissədə xidmət edib.
Müdafiə Nazirliyinin məlumatına görə, 2017-ci iyulun 30-a keçən gecə və səhər saatlarında Qazax rayonunun Bala Cəfərli, Quşçu Ayrım, Ağstafa rayonunun Köhnəqışlaq və Tovuz rayonunun Qaralar kəndləri Ermənistan silahlı qüvvələri tərəfindən iriçaplı silahlardan intensiv atəşə məruz qalıb. Düşmən atəşinin qarşısı alınarkən Silahlı Qüvvələrimizin hərbi qulluqçusu 24 yaşlı leytenant Hüseyn Əkbərli şəhid olub. 


Modern.az-ın Hüseyn Əkbərli ilə bağlı suallarını şəhidin qardaşı İzzət Əkbərli və anası Səyyarə xanım cavablandırıb.

 

Şəhidin qardaşı:



“Qardaşım döyüşlərdə düşmənə sarsıdıcı zərbələr endirib. O, elə bir oğul, elə bir zabit idi ki, əsgərlərini qoruyardı, düşmənlə döyüşə birinci özü çıxardı. Hüseyn uşaqlıqdan vətənpərvər oğlan idi.

Hüseyn həm də ailəcanlı idi, ailə qədri bilən idi. Ümumiyyətlə, şəhidlik zirvəsinə ucalmalı oğul olub. Çünki şəhid olan bütün igidlərimiz sanki seçilmişlər olur”.

Hüseyn Əkbərli sonuncu dəfə doğma kəndinə - evlərinə qardaşı Azərin toyunda iştirak etmək üçün gəlibmiş. 2017-ci il iyulun 11-də qardaşı Azərin toyunu yola verdikdən sonra, ayın 19-da ailə üzvlərilə birgə doğum gününü qeyd edib. Əslində Hüseynin doğum günü iyulun 21-i olsa da, o, ayın 20-də hərbi hissəyə qayıtmalıymış. Buna görə də evdəykən qərara gəliblər ki, onun doğum gününü 2 gün əvvəl qeyd etsinlər.

“İyulun 20-də qardaşımı özüm yola saldım. Bizə sonuncu zəngi də iyulun 28-də oldu. Həmişəki kimi evlə maraqlandı, evdəkiləri soruşub, hal-əhval tutub sağollaşdı. O zəng zamanı çox danışmadıq ”.

 

Söhbətimizin ardını şəhidin anası Səyyarə xanımla davam edirik. Şəhid anası üçün danışmaq çox çətin idi. Dəfələrlə kövrəldi, qəhər onu boğduğundan danışa bilmədi, sonra da göz yaşlarına hakim kəsilə bilmədi:

 


“Hüseyn çox mehriban uşaq idi. O, çox ailəcanlı, valideyn istəyən oğul idi. Bacıya, qardaşa, qohuma-əqrəbaya yardım etməyi sevən, hər kəsin yanında olmağa çalışan oğul idi. Bacılarını xüsusən çox istəyərdi, onları qoruyub-qovlayardı. Orta məktəbi yüksək qiymətlərlə oxudu və öz istəyi il Naxçıvanski adına Hərbi Liseyə qəbul olundu. Düzü, seçdiyi peşəyə mənim könlüm yox idi, amma gördüm özü çox həvəslidi, heç bir şey demədim.
Hüseyn Qazaxda xidmət edirdi, qardaşı də həmin dönəmlərdə Ağstafada əsgərlikdəydi. O, bizi bir dəfə də qoymadı qardaşının yanına gedək. Özü qardaşından muğayət olurdu”.

 

Səyyarə xanım oğlunun son günlərindən qəlbindəki ağrını, acını hiss etdirərək danışır:

 

“İyulun 19-da ad gününü qeyd etdik. Amma sonradan ara söhbətlərindən eşitdim ki, əvvəlcədən doğum günü qeyd etmək uğursuzluq gətirirmiş. Həmin gün həyətdə oturub söhbət edirdik. Soruşdum ki, “ay oğul, erməni ilə sizin aranızdakı məsafə nə qədər olur?”. Dedi ki, hardasa 20 metr. Məni narahatçılıq bürüdü. Dedi ki, “ana, narahat olma”. Sonra üzünü mənə tutub soruşdu ki, “ana, mən şəhid olsam nə  edərsən?”. O qədər pis oldum ki, cavab verə bilmədim, dedim ki, elə demə.
İyulun 20-də Hüseyni hərbi hissəyə yola salanda arxasınca su tökdüm, üzündən-gözündən öpüb yolladım. Tez-tez telefonla danışırdıq. İyulun 29-dan 30-na keçən gecə düşmənlə gedən döyüşdə qəhrəmancasına şəhid oldu”.


P.S. Şəhid ailəsi ilə əlaqənin qurulmasındakı iştiraka görə, "Əsgər Ailələrinə Dəstək" İctimai Birliyinə təşəkkür edirik.

BU KATEQORİYADAN OLAN DİGƏR XƏBƏRLƏR
+ Arxiv
Sabaha gözlənilən hava 20 Yanvar 2020, 12:48 20 Yanvar faciəsində harada idiniz: Elçin Şıxlı, Rəşad Məcid, Elşad Eyvazlı… 20 Yanvar 2020, 12:39 Tanınmış jurnalisti vəfat edib 20 Yanvar 2020, 12:09 Azərbaycanda 1 dəqiqəlik sükut 20 Yanvar 2020, 12:01 Jalə Əliyeva seçicilərlə görüşüb - FOTO 20 Yanvar 2020, 11:36 “Ağla, qərənfil, ağla” – şerin müəllifi, mərhum Məmməd Aslanın qızı danışdı 20 Yanvar 2020, 11:27 Əsrin faciəsi: 20 Yanvar FOTOLARDA   20 Yanvar 2020, 11:18 Azərbaycanın əsas xarici ticarət tərəfdaşları 20 Yanvar 2020, 11:09 Tariximizin QANLI və ŞANLI səhifəsi: 20 Yanvar necə anılmalı... 20 Yanvar 2020, 11:00 Lənkəranda 20 Yanvar faciəsi qurbanları yad edilib - FOTO 20 Yanvar 2020, 10:55 Əhəd Abıyev 20 Yanvar faciəsi ilə bağlı görüb bildiklərini danışdı - VİDEO 20 Yanvar 2020, 10:50 “İnsanlar baş verən dəyişikliklərə biganə yanaşmırlar” - Məzahir Pənahov 20 Yanvar 2020, 10:43 Siyavuş Novruzov: “Biz insanlarla birbaşa yaşadığı ünvanlarda görüşməyə üstünlük veririk” 20 Yanvar 2020, 10:35 Bərdə seçiciləri Zahid Orucu belə qucaqladılar - FOTOLAR   20 Yanvar 2020, 10:30 Məcburi köçkünlərin yaşadığı binada YANĞIN 20 Yanvar 2020, 10:23 Bakı metrosunda 1 dəqiqəlik sükut olacaq 20 Yanvar 2020, 10:16 Parlament seçkilərində “exit-poll” keçirmək istəyənlər üçün SON GÜN   20 Yanvar 2020, 10:08 İlham Əliyev Şəhidlər Xiyabanını ziyarət etdi - VİDEO 20 Yanvar 2020, 10:00 Rəşad Camalov seçicilərlə ilk görüşünü keçirib - FOTO 20 Yanvar 2020, 09:54 Şuşa TV-nin keçmiş əməkdaşı: “20 Yanvarda AzTV partladılmışdı, ermənilər də bizim televiziyanın işinə əngəl törədirdilər”   20 Yanvar 2020, 09:47 Ceyhun Məmmədov məcburi köçkünlərlə görüşüb - FOTO 20 Yanvar 2020, 09:38 20 Yanvardan sonra qaboy yas müsiqi alətinə çevrildi – Kamil Cəlilov: “Şəhidlərin ah-naləsinə qaboyum ağlayırdı” 20 Yanvar 2020, 09:29 Cəbhədə gərginlik artıb - Düşmən pulemyotları işə saldı 20 Yanvar 2020, 09:20 Bakıda QƏZA: Xəsarət alan var 20 Yanvar 2020, 09:10 Quba sakininin evindən qanunsuz ov tüfəngi götürülüb 20 Yanvar 2020, 09:02 Ağcabədidə təhlükəli tapıntı - FOTO 20 Yanvar 2020, 08:53 ABŞ Konqresində “Qara Yanvar” faciəsi yad olunub 20 Yanvar 2020, 08:40 “20 Yanvar tariximizin şərəf və qəhrəmanlıq səhifəsidir”  - İlham Əliyev 20 Yanvar 2020, 01:06 Qənirə Paşayeva  Əyyublu kəndində seçicilərlə görüşdü - FOTO 20 Yanvar 2020, 00:46 Cəlilabad sakini bir neçə nəfər tərəfindən döyülüb 20 Yanvar 2020, 00:21 "20 yanvar 1990-cı il Azərbaycanın tarixinə ən faciəli günlərdən biri kimi daxil olub" - Mehriban Əliyeva 20 Yanvar 2020, 00:12 30 il keçsə belə, onlar həbs oluna BİLƏRLƏR 20 Yanvar 2020, 00:07 30 illik qürur tarixi: Azərbaycan xalqı 20 Yanvar şəhidlərini yad edir 20 Yanvar 2020, 00:01 "Tələsmədən işləməliyik" 19 Yanvar 2020, 23:57 Hərbiçilər hökumətin pensiya islahatlarına qarşı   19 Yanvar 2020, 23:41
SORĞU Yeni parlamentdə kimlər olsun?