Azərbaycan cüdoçuları Almaniyanın Düsseldorf şəhərində keçirilən Böyük Dəbilqənin son günündə daha 3 medal qazanıblar.
Modern.az "Report"a istinadən xəbər verir ki, finala yüksələn Elmar Qasımov (100 kq) və İrina Kindzerska (+78 kq) gümüş medala sahib olub. Zelim Kotsoyev (100 kq) isə bürünc medalla kifayətlənib.
Beləliklə, Azərbaycan millisi Böyük Dəbilqəni 2 gümüş, 2 bürünc medalla başa vurub. Ötən gün Rüstəm Orucov (73 kq) da bürünc medal əldə etmişdi.
