Arxiv
29 mart 2020, 12:41 | ANALİTİKA
Qarabağ ermənilərini gözləyən koronavirus TƏHLÜKƏSİ: Paşinyanın “ölün, amma səs verin” PLANI

Azərbaycanın işğal altındakı Qarabağ torpaqlarında yaradılmış qondarma rejim martın 31-də “prezident və parlament” seçkilərini keçirməkdə israrlıdır.

 

Modern.az Ermənistan KİV-nə istinadən xəbər verir ki, hazırda bütün dünya ölkələrinin 1 nömrəli probleminə çevrilən koronavirus təhlükəsi Ermənistanın siyasi hakimiyyətini Qarabağda öz “əlaltısı”nı hakimiyyətə gətirmək fikrindən daşındıra bilmir.

 

Halbuki, Nikol Paşinyan hökuməti aprelin 5-nə təyin olunmuş Konstitusiya referendumunu koronavirusla bağlı təxirə salmış, ölkədə 21 aylıq fövqəladə vəziyyət elan etmişdi. Pandemiya ilə bağlı seçkilərin təxirə salınması praktikası Rusiya daxil olmaqla, dünyanın bir sıra ölkələri tərəfindən həyata keçirilib.

 

 

Bəs seçkilərin bu qədər riski göz altına alıb keçirmək israrı harandadır?

 

Təbii ki, koronavirusun ordu və dövlət strukturlarına da sirayət edərək idarəedilməz hala gəldiyi Ermənistanda koronaviruslu xəstələrin sayı real rəqəmlərdən (400) qat-qat çoxdur. Və təbii ki, ölkə ərazisində yüzlərlə anonim koronaviuruslu xəstənin dolaşdığı Ermənistandakı bu pandemiya təhlükəsi martın 26-da işğal olunmuş Qarabağ regionu ilə bütün giriş-çıxışların bağlanmasına səbəb oldu. Amma martın 29-da qondarma rejimdə “prezident və parlament seçkilərinin” təxirə salınmayacağı təqdirdə, Ermənistandan potensial koronavirus daşıyıcısı olan müşahidəçilərin və media nümayəndələrinin Qarabağa gəlməsi şəraitində pandemiya Azərbaycanın bu regionunda geniş sürətlə yayıla bilər.

 

Bu seçki avantürasına artıq yerli ermənilər də öz etiraz səslərini ucaldıblar.

“Əgər baş nazir Nikol Paşinyan pandemiya fonunda Qarabağda seçkilər keçirəcəksə, Ermənistan Ordusunun Baş Qərargah rəisi şəxsi heyətin bu seçkilərdə iştirakına mane olmalıdır. Əks halda, o da ordunun döyüş qabiliyyətinin aşağı düşməsinə yol açacaq cinayətkar addımın iştirakçılarından birinə çevriləcək”- deyə “Sasna Tserer” partiyasının sədri Jirayt Sefilyan açıqlama yayıb.

 

Mərkəzi Yerevanda yerləşən “Hetq” saytının əməkdaşları da qondarma seçkiləri işıqlandırmaq üçün Qarabağa getməyəcəklərini və bu “seçki şou”sunun regionda koronavirus pandemiyasının yayılması üçün münbit şərait yaradacağını elan ediblər.

 

 

Məsələyə, bir qədər də diqqətlə yanaşdıqda, 2018-ci ilin aprelində Serj Sarkisyanı və onunla birgə “Qarabağ klanı”nı hakimiyyət olimpindən salan Paşinyanın ötən 2 ilə yaxın müddətdə Ermənistanda ciddi “kadr təmizləməsi” apardığını, özünə loyal, qərbyönlü şəxsləri hakimiyyətin əsas strukturlarına yerləşdirdiyini görmək olar. Analoji planı, o, “Qarabağ klanı”nın son beşiyi sayılan işğal olunumuş torpaqlarda da həyata keçirmək istəyir.

 

 

Hazırda qondarma “prezident marafonu”nun 14 namizədi sırasında qələbə şansı real olaraq, 3 nəfərin əlində cəmləşib. Bu qondarma rejimin keçmiş “baş naziri”, yerli miqyasda kifayət qədər zənginlik toplamış oliqarx və Nikol Paşinyanın yəni, Ermənistan hakimiyyətinin favoriti Araik Arutunyan, qondarma rejimin “keçmiş xarici işlər naziri” Masis Mailyan və “Qarabağ klanı”nın sonuncu ümid yeri, Paşinyanın şəxsi düşməni sayılan general-mayor Vitali Balasanyandır.

 

Əslində, Nikol Paşinyanın qondarma seçkilərin tarixini ertələməməsinin əsas səbəbkarı da sürətlə reytinqini yüksəldən, əhali arasında tərəfdarlarının sayını artıran Vitali Balasanyandır. Seçkiləri maksimum qısa zamanda keçirməklə, Paşinyanın Araik Arutunyanın “prezident” seçilməsinə nail olmaq və “Qarabağ klanı”nı sonuncu revaşn şansından da məhrum etmək istəyir. Ağır sosial-iqtisadi şəraitydə yaşayan Qarabağ ermənilərinin öz acgözlüyü və yalan vədləri ilə nifrətini qazanmış Arutunyanın seçilməyəcəyi təqdirdə, Ermənistan baş nazirinin Masis Mailyana ehtiyat namizəd kimi üstünlük verəcəyi gözlənilir.

 

 

İstənilən halda, “seçki”lərdə ikinci turun keçiriləcəyi bütün ekspert dairələri tərəfindən birmənalı vurğulanır. Belə olan halda, Balasanyan, Arutunyan və Mailyan triumviratından növbəti tura hansı namizədlərin çıxacağı Yerevan üçün prinsipial önəm daşıyır. Vitali Balasanyanın ikinci tura çıxacağı halda, Nikol Paşinyan hakimiyyəti bütün inzibati və siyasi resurslarını onun məğlub edilməsinə yönəldəcəyi heç şübhəsizdir. Amma onun öz siyasi ambisiyaları uğrunda Qarabağ erməniləri arasında koronavirus pandemiyasının “seçki” yolu ilə geniş miqyasda yayması da şübhəsiz olacaq. Paşinyanın bütün addımları sanki Qarabağ ermənilərinə “ölüm amma səs verin” çağırışı edir.

 

    

BU KATEQORİYADAN OLAN DİGƏR XƏBƏRLƏR
+ Arxiv
Təyyarə qəzasında 14 nəfər öldü - YENİLƏNİB 7 Avqust 2020, 22:32 Xəzərdə batan yeniyetmənin meyiti tapıldı 7 Avqust 2020, 22:13 Hacıqabulda SOCAR-a məxsus kəmərdə partlayış - YENİLƏNİB 7 Avqust 2020, 21:59 İri ticarət mərkəzləri bağlı qaldı   7 Avqust 2020, 21:47 Açıq havada idman oyunlarına İCAZƏ VERİLDİ 7 Avqust 2020, 21:22 Karantin rayonlarına giriş-çıxışla bağlı YENİ QAYDALAR 7 Avqust 2020, 21:17 Baş Nazirdən 190 manat birdəfəlik ödəmə ilə bağlı QƏRAR 7 Avqust 2020, 21:01 10 avqustdan bu qadağalar götürülür - RƏSMİ 7 Avqust 2020, 20:51 SOCAR-da Prezidentin çıxışından irəli gələn vəzifələr müzakirə edildi 7 Avqust 2020, 20:43 Paytaxtda zəncirvari qəza: 7 avtomobil toqquşdu 7 Avqust 2020, 20:28 “Qobu park-3”-ə köçkünlərin yerləşdirilməsi başa çatır 7 Avqust 2020, 20:16 Azərbaycanla Türkiyənin qırıcları birgə havaya qalxdı – Təlimdən VİDEO 7 Avqust 2020, 19:21 Bakı-Pirşağı-Sumqayıt xəttinə əlavə qatarlar buraxılır 7 Avqust 2020, 19:13 Bu şəhərdə hər kəs pulsuz koronavirus testindən keçəcək 7 Avqust 2020, 19:03 Saxta arayış satan baş həkim tutuldu 7 Avqust 2020, 18:44 Yol Polisi Bakını tərk etmək istəyən sürücülərə MÜRACİƏT ETDİ 7 Avqust 2020, 18:31 Avropada maska taxmayanları nə qədər cərimə edirlər? - MƏBLƏĞLƏR 7 Avqust 2020, 18:27 Müəllimlərin işə qəbulu üzrə müsabiqənin ikinci mərhələsinə başlanılır 7 Avqust 2020, 18:18 Sabah qruplarına müəllim axtarılır 7 Avqust 2020, 18:15 Deputat növbədənkənar sessiyanın xalqa faydasından danışdı 7 Avqust 2020, 18:06 Bakı yollarında 2 kilometrlik tıxaclar yaranıb - FOTOLAR 7 Avqust 2020, 18:00 Putin və Lukaşenko ilə “vaqnerçilət”in taleyini müzakirə edib 7 Avqust 2020, 17:55 Bu il yanğınlarda 23 nəfər həlak olub 7 Avqust 2020, 17:40 Abituriyentlərin nəzərinə: Qabiliyyət imtahanında iştirak üçün qeydiyyat başlayıb 7 Avqust 2020, 17:35 Məhkəmə Əli Kərimlinin sürücüsünə iş kəsdi 7 Avqust 2020, 17:34 Peşə məktəblərinə tələbə qəbulunun vaxtı açıqlandı 7 Avqust 2020, 17:28 Dolların manata qarşı məzənnəsi açıqlandı 7 Avqust 2020, 17:12 Milli Məclisin sədr müavini UFC-nin rəhbərinə müraciət etdi 7 Avqust 2020, 17:01 Azərbaycana 30 kq narkotik vasitə gətirən şəxs yaxalandı - VİDEO 7 Avqust 2020, 16:53 Yoluxma sayı 129-a düşdü: 421 sağalma, 4 ölüm 7 Avqust 2020, 16:44 2020-ci il tarixə bəşəriyyətin sınaq ili kimi yazılmaqdadır 7 Avqust 2020, 16:43 “Bakubus” sürücü axtarır 7 Avqust 2020, 16:39 Azərbaycanda məscid, kilsə və sinaqoqların sayı AÇIQLANDI 7 Avqust 2020, 16:37 Hakimliyə namizədlər yazılı imtahan veriblər 7 Avqust 2020, 16:29 Bakıda ana əkiz uşaqlardan birinin oğurlandığını İDDİA EDİR 7 Avqust 2020, 16:25