Arxiv
13 İyun 2020, 11:10 | REPORTAJ
Jurnalist övladları da məzun oldular - FOTOLAR

Azərbaycan Respublikasında 2019-2020-ci tədris ili dünən yekunlaşdı. Bu il respublikanın ümumtəhsil məktəblərini bitirən 80 646 nəfər XI sinif şagirdi üçün “Son zəng” çalındı.

Amma  builki “Son zəng” nə məzunların, nə onların müəllimlərinin, nə də valideynlərin ürəyincə oldu. Mövcud pandemiya şəraiti ilə əlaqədar  ilk dəfə virtual şəkildə təşkil olunan “Son zəng”də - onbirincilərin həyatında əlamətdar bir hadisə kimi yadda qalacaq mərasimdə - heç kim şəxsən iştirak edə bilmədi.

Dünən orta məktəbə həmişəlik əlvida deyib, məzun olan yeniyetmələrə ünvanlanan təbrik və xoş arzu-istəklər də daha çox virtual şəkildə  çatdırılırdı.

XI sinfi bitirən builki məzunlar arasında xeyli jurnalist övladı da var.

Modern.az saytı ənənəsinə sadiq qalaraq, ötən illərdə olduğu kimi, bu dəfə də məzun valideyni olan həmkarlarımızı arayıb-axtarmağa çalışdı.


“Kaspi” qəzetinin baş redaktoru İlham Quliyev qızı Leylanın qarşıdakı imtahanlarda uğur qazanacağına əmindir:

“Allahımın gül payı, ağıllı və gözəl qızım məzun oldu. “Son zəng”i çox ekstremal və çətin günə təsadüf etdi. Amma pozitivik və gələcəyə ümidlə baxarıq! Təbrik edirəm, ağıllı qızım!”.



APA TV-nin direktoru Cavid İsmayıl "Son zəng"in virtual deyil, real çalınmasını istəsə də, koronavirus pandemiyası onun bu arzusuna sədd çəkdi. Jurnalistin oğlu Ərtoğrul bu il XI sinfi bitirib, arzuları böyükdür:

“17 il nə arzuyla uşaq böyüt, iməkləməsindən, addımlamasından, dil açıb danışmasından, əlindən tutub bağçaya, məktəbə aparmağından qanadlan, göylərə uç, axırda da “Son zəng"i virtual olsun”.


Modern.az saytının baş redaktoru Əfqan Qafarlının qızı Nurcan da bu il XI sinfə virtual “Son zəng”lə vida edən məzunlar sırasındadır. “Son zəng”dən öncəki gün buraxılış imtahanı verən jurnalist övladı hazırda nəticələrin açıqlanacağını həyəcanla gözləyir. Həmkarımız  Əfqan Qafarlı bütün məzunlara uğurlar diləyib:

“Əziz məzunlar, qarşıda sizi həyatın enişli-yoxuşlu sınaqları gözləyir. Sizə bütün sınaqlardan uğurla çıxmağı arzulayıram, valideynlərinizə, vətənə, millətə layiqli övlad olasınız!”.



Səfərbərlik və Hərbi Xidmətə Çağırış üzrə Dövlət Xidmətində mətbuat katibi, əməkdar jurnalist Füzuli İsmayılov oğlu Toğrulun timsalında bütün buliki məzunlara uğurlar diləyib:

“2009-cu il... Real məktəb... 2020-ci il... Virtual “Son zəng”.... Yolunuz açıq, həyatınız firəvan, canınız sağlam, uğurlarınız bol olsun!”.
 


APA-nın redaktoru Qalib İbrahimoğlu da qızının məzun olmağına sevinən həmkarlarımızdandır:

“Virtual "Son zəng" çalındı... Builki məzunların qismətində bu da varmış... Türkiyə burslarının ilk mərhələsinin nəticələri açıqlandı. Qızım Qənirə də bu mərhələni uğurla keçdi. Uğurların davamlı olsun qızım! Sən də daxil olmaqla bütün məzunlara bundan sonrakı həyatlarında ancaq və ancaq gözəl günlər arzulayıram. Yolunuz açıq olsun, məzunlar!”.


Kənd Təsərrüfatı Nazirliyinin mətbuat katibi Vüqar Hüseynov və xanımı jurnalist Fatimə Hüseynova məzun valideyni olmağın sevincini yaşayan cütlükdür. Qızları Leyladan çox şey gözləyirlər.

“Leyla 11 illik orta təhsilini başa vurdu. Dünyanı təhdid edən xəstəlik bəlkə də, ən çox builki məzunların planlarını alt-üst elədi, onlara sarsıdıcı təsir etdi. Bəlkə də təsadüfdür, amma Leyla dünyaya göz açanda, yəni 2003-cü ilin martında bəşəriyyət koronavirus ailəsindən olan SARS virusu ilə tanış olmuşdu və nədənsə mən onda indiki kimi intuitiv panikaya düşmüşdüm. Budur, indi 11-cilər dünyanın o vaxt laqeyd qaldığı virus üzündən virtual “Son zəng”lə məktəblə vidalaşırlar. İndiyə qədər Leylanın aldığı təhsilə, ona çəkdikləri əziyyətə görə bütün müəllimlərinə dərin minnətdarlığımı bildirirəm. Doğru yol göstərən müəllimlərə rast gəlmək bir şansdır, bu baxımdan Leylanın bəxti gətirib. İnşallah təhsil həyatının sonuna qədər öz işini sevən, peşəkar müəllimlərlə yolunu cızar, uğur qazanar. Yolun açıq olsun, uğurlarınla fəxr edək, Leyla!”, - deyə Fatimə Hüseynova bildirib.


Dövlət Miqrasiya Xidmətinin İctimaiyyətlə əlaqələr idarəsinin rəisi - mətbuat katibi Elnur Kələntərov qızı Rübabənin məzun olmağına və artıq tələbə adını qazanmağına sevinir. O, qızına arzularını belə çatdırıb:

“Rübabə, axır ki, 2 arzuna birdən çatdın. 1- məktəbi bitirdin, 2 - universitetə də qəbul olundun. “Son zəng” sevinci ilə tələbə adını qazanmağını birgə yaşayırsan Təbrik edirəm. Qəbul olunduğun ali məktəbi (Türkiyənin Özyegin Universiteti) savadlı kompüter proqramları mühəndisi kimi bitirməyini, dövlətimizə, xalqımıza, millətimizə layiqli və xeyirli vətəndaş olaraq uca zirvələrə qalxmağını arzulayıram. Arzu edirəm ki, Azərbaycanımızı dünyada layiqincə təmsil edəcək mütəxəssilərdən olasan! Zirvələr səni gözləyir, qızım!”.



“Azəraqrartikinti” ASC-nin mətbuat katibi Teymur Mahmudov oğlunun ali məktəb tələbəsi olacağı günü gözləyir:

 “Rauf XI siniflər üçün buraxılış imtahanlarını verdi. Bütün valideynlərə - təbii ki, mən də onların sırasında - yaxın günlərdə xoş xəbərlər eşitməyi arzulayıram! Amin!”.


Jurnalist Sədi Məmmədov oğlu ilə yanaşı, qarşıdakı çətin imtahanların həyəcanını yaşayır. Həmkarımız həyəcanını belə ifadə edib:

“Ömərin imtahanları başlayıb... Belə ilıq həyəcan hamıya qismət olsun... bütün balalara uğurlar…”.


“Yeni Müsavat” qəzetinin əməkdaşı Sevinc Telmanqızı və müstəqil jurnalist Zamin Hacı cütlüyünün övladı Selcan ali məktəbə hazırlaşan XI sinif məzunudur:

“Dünən mənim biricik qızımın - Selcanın məzun günüydü. Virtual “Son zəng” yaşadılar, məktəblə belə vidalaşdılar.. Azərbaycan tarixində bir ilk... Mənimçünsə bir göz qırpımında keçən 11 il... Yolun açıq, şansın bol olsun, Selcan... Sənin bütün uğurlarında yanında olmaq, bu qüruru paylaşmaq diləyi ilə...”.



“Olaylar” qəzetinin əməkdaşı Süleyman İsmayılbəyli də oğlunun məzun olmağının sevincini yaşayır:

“Həm gərgin iş rejimi, həm də koronavirus bəlası dünənki gün ərzində başımızı elə qatdı ki, orta məktəb məzunu olan övladımı təbrik etməyə zaman tapmadım. Ürəkaçıcı və təmtəraqlı şəkildə qeyd etməsəniz də, bütün halda səni və sənin timsalında bütün məzunları təbrik edirəm. Müstəqil həyata qədəm qoyduğun günün mübarək, oğlum! Ümid edirəm ali məktəbə daxil olma sevincini bizə yaşadacaqsan. Tanrı yolunu açıq etsin!”.


Jurnalist, BMT-nin İctimai İnformasiya Departamentinin Azərbaycan üzrə əməkdaşı Rəşad Hüseynovla xanımı BDU-nun Jurnalistika fakültəsinin müəllimi, filologoya üzrə fəlsəfə doktoru Xatirə Hüseynova cütlüyü bu il qızları Aişəni məzun olması münasibətilə təbrik ediblər.

“Məzun günün mübarək, qızım! Belə çətin məqamda məktəblə məktəbdən uzaqda vidalaşırsınız. Sonuncu zəngi onlayn çalınan ilk, bəlkə də son (bir daha olmamasını arzulayıram) məktəblilərsiniz. Qoy bütün bunlar gələcəyinizə kölgə sala bilməsin. Yolunuz açıq, zehniniz iti, üfüqləriniz geniş olsun, mənim balam, Aişəm!”,-deyə Xatirə xanım sevincini belə ifadə edib.



AZƏRTAC-ın Ukrayna bürosunun rəhbəri Emil Hüseynlinin oğlu üçün də “Son zəng”  çalınıb:

“Məncə, pandemiya dövrünün məzunları dövlətə daha bağlı və yararlı olacaq! Məzun gününüz mübarək!!!”,-deyə jurnalist bütün onbirinciləri təbrik edib.


Jurnalist-tərcüməçi Fəridə Məhərrəmqızı oğlu Fəridin səsini ali məktəbdən eşitməyi arzulayan builki məzun analarındandır:

“Düz 11 il öncə 1-ci sinfə qədəm qoydun, indi isə artıq məzunsan. “Son zəng”lə bağlı arzularınız çox idi. Pandemiya bu arzuların həyata keçməsinə imkan vermədi. Amma yenə də xeyirlisi. Səni və sənin timsalinda bütün məzunları təbrik edirəm. Allah sizə tələbə adını qazanmağı qismət eləsin. Biz valideynlər də sizə baxıb sevinək…”.


Builki virtual “Son zəng” Lent.az saytının redaktoru Səbinə Əvəzqızının oğlu Cavidan Məmmədli üçün də çalınıb. Həmkarımız sevincini belə bölüşüb:

“Canım oğlum, "Son zəng"in həyacanını yaşaya bilmədik, yerinə ilk dərsində çoooxlu kövrəlmişdim. Həmin gün jurnalist dostlarım da yanımda idilər. Dostlar, sizləri, özümü, balalarımızı bu keçirilməyən "Son zəng" münasibəti ilə təbrik edirəm. Hesab edək ki, gələcək uğurları o qədər böyük olacaq ki, bu məsələ onun yanında kölgədə qalacaq”.


Telejurnalist Yeganə Tağıyevanın oğlu Arif Qəhrəmanlı da bu il orta məktəblə vidalaşıb. Arifin hədəfləri böyükdür. Anasını ali məktəb tələbəsi olmaqla sevindirmək bu hədəflərdən biridir...


A.Qorxmaz

 

BU KATEQORİYADAN OLAN DİGƏR XƏBƏRLƏR
+ Arxiv
Birinci vitse-prezidentdən PAYLAŞIM: “Ermənilərin qəddarlığının həddi yoxdur” 28 Oktyabr 2020, 19:15 Şəhər və rayonlarımıza atəş açan düşmən məhv edildi - VİDEO 28 Oktyabr 2020, 19:07 Qəlbimizin çırpıntısı – Qarabağ 28 Oktyabr 2020, 19:04 Ədliyyə Nazirliyi nüfuzlu beynəlxalq təşkilatlara müraciətlər ünvanlayıb 28 Oktyabr 2020, 19:00 Ceyhun Bayramov və ABŞ Dövlət katibinin müavini ilə danışdı 28 Oktyabr 2020, 18:48 Ermənistan rəhbərliyi vicdanını itirmiş şəkildə hərəkət edir - Türkiyə XİN 28 Oktyabr 2020, 18:41 Bərdə qətliamının qurbanları – ADLAR 28 Oktyabr 2020, 18:36 Uşaq Evinə əvvəlcədən xəbərdarlıq etmədən baş çəkilib 28 Oktyabr 2020, 18:17 Dövlət Komitəsindən Azərbaycan diasporuna və dost xalqlara MÜRACİƏT 28 Oktyabr 2020, 18:10 Ön cəbhə ilə əlaqəsini kəsməyən Qusar - FOTO 28 Oktyabr 2020, 18:03 Türkiyə XİN-dən həmsədrlərə çağırış - Ermənistana reaksiya verin 28 Oktyabr 2020, 18:00 Dolların məzənnəsi sabit qaldı 28 Oktyabr 2020, 17:54 Azərbaycan Ordusu irəliləyir - VİDEO 28 Oktyabr 2020, 17:50 Pakistanın Azərbaycandakı səfiri Bərdə terrorundan YAZDI 28 Oktyabr 2020, 17:44 Türkiyədə Polad Həşimovun adı verilən parkın açılışı oldu - FOTO 28 Oktyabr 2020, 17:38 Ermənistan mülki insanları qətlə yetirməyə davam edir - Türkiyə Müdafiə Nazirliyi 28 Oktyabr 2020, 17:33 XİN Bərdənin vurulması ilə bağlı bəyanat yaydı 28 Oktyabr 2020, 17:30 “Ali Baş Komandanımızdan sülh istəyənlər Bərdədəki səhnəni görməlidirlər” - Zahid Oruc 28 Oktyabr 2020, 17:24 Azərbaycan 80 yaşlı erməniləri qoruyur, Ermənistan onlardan imtina edir 28 Oktyabr 2020, 17:18 Həftə sonları 8 şəhər və 13 rayonda ictimai nəqliyyat işləməyəcək - RƏSMİ 28 Oktyabr 2020, 17:12 Fransada türklər və ermənilər arasında DAVA 28 Oktyabr 2020, 17:06 Daha 1 şəhərə və 2 rayona giriş-çıxış BAĞLANIR 28 Oktyabr 2020, 17:00 Azərbaycanda xüsusi karantin rejimi dekabrın 1-dək UZADILDI 28 Oktyabr 2020, 16:55 Bərdədə 26 nəfər ölüb - Baş Prokurorluq 28 Oktyabr 2020, 16:49 “Qarabağda qırmızı xətt keçilsə, atamın oğlu da olsa, gözünə baxmaram” - Ərdoğan 28 Oktyabr 2020, 16:43 Astarada evi tərk edən koronavirus xəstəsi saxlanıldı 28 Oktyabr 2020, 16:37 Prezident daha 13 kəndin işğaldan azad olunduğunu xəbər verdi - SİYAHİ 28 Oktyabr 2020, 16:32 Ermənistanda vətəndaşların əmlakı ordu üçün müsadirə olunacaq 28 Oktyabr 2020, 16:27 Prezidentdən XƏBƏRDARLIQ - Bərdə sakinlərinin qisası yerdə qalmayacaq 28 Oktyabr 2020, 16:22 Azərbaycanda koronavirus: 988 yeni yoluxma, 11 ölüm 28 Oktyabr 2020, 16:20 Ermənistan Tərtəri Qrad-dan atəşə tutur - YENİLƏNİB  28 Oktyabr 2020, 16:20 Daxili Qoşunların hərbi qulluqçuları təcili Bərdəyə ezam olunublar 28 Oktyabr 2020, 16:17 Bərdədə həlak olanlardan biri FHN-in əməkdaşıdır 28 Oktyabr 2020, 16:14 Baş Prokurorluq: Bərdədə ölənlərin sayı 21-ə yüksəldi - YENİLƏNİB 28 Oktyabr 2020, 16:10 "Prezidentimiz dünya miqyasında Azərbaycanın informasiya savaşının da şəksiz sərkərdəsidir"   28 Oktyabr 2020, 16:08