Arxiv
13 Avqust 2021, 15:01 | REPORTAJ
Yaşlı səfirlər geri çağırılır - Növbəti kimlər ola bilər... 

Azərbaycan Respublikasının xarici ölkələrdəki təqaüd yaşına çatmış səfirləri bir-birinin ardınca geri çağırılır. Bu il yanvarın 8-də Azərbaycanın Polşadakı fövqəladə və səlahiyyətli səfiri Həsən Həsənov vəzifəsindən geri çağırılaraq, təqaüdə göndərilib.

Bir neçə gün öncə - 23 iyul 2021-ci il tarixində isə Azərbaycan Respublikasının Macarıstandakı səfiri Vilayət Quliyev Prezidentin sərəncamı ilə bu ölkədən geri çağırılıb..

Qeyd edək ki, Həsən Həsənov 1992-ci ildən xarici siyasət və diplomatiya sahəsində fəaliyyət göstərirdi. O, 1992-1993-cü illərdə BMT-də (Nyu-York) Azərbaycan Respublikasının Daimi Nümayəndəsi, fövqəladə və səlahiyyətli səfiri vəzifəsində çalışıb. 1993–1998-ci illərdə Azərbaycanın Xarici işlər naziri vəzifəsində işləyib. Həmin illərdə BMT və YUNESKO, İKT-nın illik toplantılarında Azərbaycan Nümayəndə Heyətinə rəhbərlik edib.
2004-cü il sentyabr ayının 1-də Azərbaycan Respublikasının Macarıstandakı səfiri, 2010-cu il mart ayının 30-dan isə ölkəmizin Polşadakı səfiri təyin edilmişdi.
Həsən Həsənovun hazırda 81 yaşı var.

Vilayət Quliyev 1999-2004-cü illərdə Azərbaycanın Xarici İşlər naziri olub. 2004-2010-cu illərdə Azərbaycanın Polşadakı səfiri olan keçmiş nazir 2010-cu ildən ölkəmizin Macarıstandakı diplomatik korpusuna rəhbərlik edib.  Vilayət Quliyevin hazırda 69 yaşı var.

Diplomatik mənbələrdən Modern.az saytına daxil olan məlumata görə, təqaüd yaşına çatmış daha bir neçə səfirin daimi istirahətə göndərilməsi mümkündür.

Bəs həmin səfirlər kimlər ola bilər?

Əməkdaşımız Azərbaycan Respublikasının xaricdəki diplomatik korpuslarına rəhbərlik edən təqaüdçü şəxslərin yaşını araşdırıb.


Hazırda ən yaşlı səfir Hidayət Orucovdur. 1944-cü il təvəllüdlü (77 yaş) Hidayət Orucov 1992-2006-cı illərdə Dövlət müşaviri işləyib. 2006-2012-ci illərdə ildə Azərbaycan Respublikası Dini Qurumlarla İş üzrə Dövlət Komitəsinin sədri vəzifəsini tutub.
Ona 27 dekabr 2012-ci ildə Azərbaycan Respublikasının fövqəladə və səlahiyyətli səfiri diplomatik rütbəsi verilib. Elə həmin gün Azərbaycan Respublikasının Qırğız Respublikasında fövqəladə və səlahiyyətli səfiri təyin edilib. Hazırda da Bişkekdə səfir olaraq çalışır.

Azərbaycanın Litva Respublikasındakı fövqəladə və səlahiyyətli səfiri Tamerlan Qarayev 69 yaşın içindədir. 1952-ci il təvəllüdlü Tamerlan Qarayev 1993-cü ildən diplomatik xidmətdədir. 1993-cü ildə fövqəladə və səlahiyyətli səfir diplomatik rütbəsi alan T.Qarayev elə həmin il Çinə göndərilib. O, 1993-2001-ci illərdə Azərbaycanın Çindəki səfiri olub.
2004-2011-də Hindistanda (eyni zamanda 2006-2011-ci illərdə Azərbaycan Respublikasının Nepalda¸ Şri Lankada, Banqladeşdə, Maldiv  Respublikasında) səfir işləyib.
2011-2018-ci illərdə Azərbaycan Respublikasının İndoneziyadakı diplomatik korpusuna rəhbərlik edib. 2012-2018-də Azərbaycan Respublikasının Sinqapurda, Filippində, Timor-Leste Demokratik Respublikasındakı səfiri işləyib.
13 dekabr 2018-ci il tarixində İndoneziya, Filippin, Sinqapur, Timor-Lestedəki səfir postundan geri çağırılaraq, Azərbaycanın Litvada fövqəladə və səlahiyyətli səfiri təyin edilib.

Azərbaycanın Özbəkistam Respublikasındakı fövqəladə və səlahiyyətli səfiri Hüseyn Quliyevin 75 yaşı var.
1946-cı il təvəllüdlü Hüseyn Quliyev hələ sovet dövründən diplomat kimi çalışır. Belə ki, o, 1978-1982-ci illərdə keçmiş SSRİ-nin Kiprdəki səfirliyində birinci katib-müşavir, 1984-1990-cı illərdə SSRİ-nin Türkiyədəki səfirliyində birinci katib-müşavir vəzifəsində işləyib.
2007-2009-da Azərbaycan Respublikasının Xarici İşlər Nazirliyində şöbə müdiri, 2009-2012-də isə İdarə rəisi olub.
2012-ci ildə Azərbaycan Respublikasının Özbəkistan Respublikasındakı fövqəladə və səlahiyyətli səfiri təyin edilib.


Azərbaycanın Rusiyadakı səfiri Polad Bülbüloğlunun 76 yaşı var.
1945-ci il təvəllüdlü Polad Bülbüloğlu 1988-2006-cı illərdə Azərbaycanın mədəniyyət naziri  vəzifəsində işləyib.
2006-cı ildə Azərbaycan Respublikasının Rusiya Federasiyasındakı fövqəladə və səlahiyyətli səfiri təyin edilib.


Azərbaycan Respublikasının Türkmənistandakı səfiri Həsən Zeynalov da yaşlı diplomatlar sırasına daxildir. 1951-ci il təvəllüdlü Həsən Zeynalovun 70 yaşı var.
O, 1992-2004-cü illərdə  Naxçıvan Muxtar Respublikasının Bakı şəhərindəki Daimi nümayəndəsi, 2004-2010-cu illərdə  Türkiyə Respublikasının Qars şəhərində Azərbaycan Respublikasının Baş konsulu vəzifələrini tutub.
2010-2015-ci illərdə Türkiyə Respublikasının İstanbul şəhərində Azərbaycan Respublikasının Baş konsulu, eyni zamanda Azərbaycan Respublikasının Qara Dəniz İqtisadi Əməkdaşlıq Təşkilatı yanında Daimi nümayəndəsi işləyib.
2015-ci ildən indiyə kimi Azərbaycan Respublikasının Türkmənistanda, fövqəladə və səlahiyyətli səfiri postunu tutur.


Azərbaycanı Ukraynada təmsil edən səfir Elmira Axundovanın isə 68 yaşı var.
Elmira Axundova III, IV və V çağırış (2005-2020-ci illərdə) Azərbaycan Respublikası Milli Məclisinin deputatı olub.
2020-ci ildə Azərbaycan Respublikasının Ukraynada fövqəladə və səlahiyyətli səfiri təyin edilib.


A.Qorxmaz

 

BU KATEQORİYADAN OLAN DİGƏR XƏBƏRLƏR
+ Arxiv
Bakıda koronavirusdan daha bir müəllim vəfat etdi 20 Sentyabr 2021, 10:00 Gimnastlarımız Monteneqroda 6 medal qazandı - FOTO 20 Sentyabr 2021, 09:55 Üzeyir Hacıbəylinin Şuşadakı ev muzeyinin bərpası layihəsi təsdiqləndi 20 Sentyabr 2021, 09:50 Kürəkən qayınata və qayınanasının üzərinə benzin töküb yandırdı 20 Sentyabr 2021, 09:44 Ermənilərin 10 zirehli texnikasını məhv edən Milli Qəhrəman 20 Sentyabr 2021, 09:38 Xəstə yaxını xəstəxanada dava saldı  20 Sentyabr 2021, 09:36 Alimlər koronavirusun daha qədim mənşəyini tapıblar 20 Sentyabr 2021, 09:30 Neftin qiyməti ucuzlaşdı 20 Sentyabr 2021, 09:25 COVID-19 pasportu olmayan valideynlər məktəblərə buraxılmır 20 Sentyabr 2021, 09:19 Azərbaycanda ötən il 16 nəfər cəzaçəkmə müəssisələrindən QAÇIB 20 Sentyabr 2021, 09:14 Yaponiyada yaşlı əhalinin sayı rekord həddə çatıb 20 Sentyabr 2021, 09:10 Xarici valyutaların manata qarşı məzənnələri 20 Sentyabr 2021, 09:05 Bakının əsas yollarında tıxac var - SİYAHI 20 Sentyabr 2021, 09:00 Ərdoğan ABŞ-da türk və Azərbaycan icmalarının üzvləri ilə görüşdü 20 Sentyabr 2021, 08:50 Başını Ermənistana əyən İran “səyasətbazları” indiyədək nə din tanıyıb, nə iman...  20 Sentyabr 2021, 08:43 Bulvarda gənc qız özünü dənizə atdı 20 Sentyabr 2021, 08:00 Dünyada koronavirusa yoluxanların sayı 229 milyonu ötdü 20 Sentyabr 2021, 07:53 Azərbaycan ərazisinə keçmiş ermənilər geri qaytarıldı 20 Sentyabr 2021, 07:42 Ərdoğan ABŞ-da səfərdədir 20 Sentyabr 2021, 07:30 Britaniyada 29.6 min yoluxma qeydə alındı 20 Sentyabr 2021, 00:46 Məşhur boksçu prezident olmaq istəyir 20 Sentyabr 2021, 00:37 Çoxmərtəbəli yaşayış binasında yanğın oldu 20 Sentyabr 2021, 00:22 “Əsrin müqaviləsi”nin 27 ili tamamlandı 20 Sentyabr 2021, 00:07 Şahmatçılarımız Moldova yığmasına qalib gəldi   19 Sentyabr 2021, 23:51 Bodibildinqçimiz tarixi uğura imza atdı 19 Sentyabr 2021, 23:38 Makron İsveçrə səfərini ləğv etdi - SƏBƏB 19 Sentyabr 2021, 23:24 “Çelsi” səfərdə “Tottenhem”i məğub etdi 19 Sentyabr 2021, 23:01 Batma təhlükəsi ilə üzləşən 3 nəfər xilas edildi 19 Sentyabr 2021, 22:54 Vahid Rusiya partiyası seçkilərdə öndə gedir   19 Sentyabr 2021, 22:35 "BMT Qarabağ məsələnin həll edilməsində istəksizlik göstərdi" - Koffi 19 Sentyabr 2021, 22:30 Mahir Emrelidən “Legiya”da növbəti qol 19 Sentyabr 2021, 22:14 ABŞ-da hərbi təyyarə qəzaya uğradı 19 Sentyabr 2021, 21:51 Deputatlar Rusiyada seçkiləri müşahidə etdilər 19 Sentyabr 2021, 21:40 Türkiyə əhalisinin 67.7% tam peyvəndlənib 19 Sentyabr 2021, 21:34 Rusiyada parlament seçkiləri başa çatdı 19 Sentyabr 2021, 21:17
SORĞU Hansı vaksinə etibar edirsiniz?