Arxiv
26 Oktyabr 2015, 13:51 | MÜSAHİBƏ
Ucqar kəndin müəllimi: “Yağış yağanda müəllimlər məktəbə çətinliklə gəlir” - MÜSAHİBƏ

Azərbaycanın bəzi gəncləri müəllim kimi peşə vəzifələrini ən ucqar kəndlərdə yerinə yetirirlər. Gözdən-könüldən uzaqda olan kənd müəllimləri şəhərdə fəaliyyət göstərən həmkarlarından daha çətin işlə məşğuldurlar. Bizim növbəti müsahibimiz kimi…

Modern.az saytının budəfəki müsahibi pedaqoji fəaliyyətinə Kürdəmir rayon Mollakənd kənd orta məktəbində başlayan Araz Vəliyevdir.

-Əvvəlcə sizi tanıyaq...

-1988-ci ildə Qazax rayonu Birinci Şıxlı kəndində anadan olmuşam. 2005-ci ildə orta məktəbi bitirmişəm. Həmin il Sumqayıt Dövlət Universitetinin Tarix fakültəsinə daxil oldum,  universiteti bitirdikdən sonra hərbi xidmətə yollandım. Hərbi xidmətdə olduğum 21 ay ərzində cəbhə bölgəsində leytenant rütbəsində tağım komandiri vəzifəsində xidmət edib, ehtiyata buraxıldım. Xidmətdən qayıtdıqdan sonra Mingəçevir şəhərində yerləşən “Araz” kurslarında tərbiyəçi müəllim vəzifəsində çalışdım. Kursların bağlanması ilə əlaqədar olaraq rayonumuza qayıtdım. Bu il müəllimlərin işə qəbulu üzrə Təhsil Nazirliyinin təşkil etdiyi imtahanda iştirak etdim və öz istəyimlə Kürdəmir rayon Mollakənd kənd orta məktəbində pedaqoji fəaliyyətimə başladım.

-Gənc müəllimlər ucqar kənd məktəblərində işləməyə həvəsli deyillər, buna səbəb nədir? 

-Səbəb hər kəsdə fərqli ola bilər. Məsələn, qadın müəllimlər üçün evdən uzaqda işləmək daha çətin olur, nəinki kişi müəllimlərdə. Düşünürəm ki, buna səbəb yeni mühit, fərqli şərait və insanlara uyğunlaşa bilməməkdir. Kişi müəllimlər isə maaşın az olmasını əsas səbəb kimi göstərirlər. Nəzərə alsaq ki, ailəni saxlamaq vəzifəsi kişilərin öhdəsinə düşür, o zaman deyə bilərik ki, onlar öz düşüncələrində haqlıdırlar.
Ucqar kənd məktəblərində maaşların müəllimləri qane etməyəcək səviyyədə olduğu məlum məsələdir. Bu baxımdan da müəllimlər dərs saatı və əlavə müavinəti çox olan vakansiyaları seçməyə çalışırlar.



-Kənd məktəblərini şəhər məktəblərindən fərqləndirən başlıca amil nədir? İstər təhsil prosesində, istərsə də şərait baxımından.
 

-Kənd məktəblərində şərait şəhər məktəbləri ilə müqayisədə o qədər də ürəkaçan deyil. Hər bir müəllim istəyər ki, işlədiyi təhsil müəssisəsi bütün standartlara cavab versin. Kənd məktəblərində çalışan müəllimlər şəhər müəllimlərinə nisbətən daha fədakar olur. Şəhər müəllimləri bütün gücünü daha çox repetitorluğa sərf edirlər. Qaldı kənd məktəblərinin şəhər məktəblərindən başlıca fərqinə, deyə bilərəm ki, dərs dediyim Kürdəmir rayon Mollakənd kənd orta məktəbində ilk növbədə istilik sistemi yoxdur, bu da qış aylarında uşaqların sinif otaqlarında dərslə məşğul olmasında çox böyük çətinlik yaradır. Eyni zamanda, sinif otaqlarının yüksək səviyyədə olmamağı, məktəbdə internet resurslarının və internetə çıxışın yoxluğu deyərdim ki, uşaqların bir növ müasir cəmiyyətdən təcrid olunmasına şərait yaradır. Doğrudur, bunları bütün kənd məktəblərinə şamil etmək olmaz, elə yeni kənd məktəbləri var ki, oradakı şərait şəhər məktəblərindən heç də geri qalmır. Amma reallıqdır ki, kənd məktəblərinin böyük əksəriyyətində dərs şəraiti, maddi-texniki baza şəhər məktəblərindən qat-qat aşağı səviyyədədir.

-İlk dərs gününü necə xatırlayırsınız?

-İlk dərs gününün sentyabrın 15-də başlamasına baxmayaraq, bizim əmrimiz sentyabrın 1-dən artıq təyin olunduğumuz məktəbə göndərilmişdi. Buna görə də həmin kəndə daha tez getmişdim. Dərs günü başlayana qədər artıq Mollakəndin mühitinə uyğunlaşmışdım. İlk dərs günü həyəcanlı idim, düşünürəm ki, bu da təbiidir. 5-11-ci sinif şagirdlərinə dərs deyəcəkdim. Hərbidən ehtiyata buraxllan bir hərbçi olduğumu nəzərə alsaq, bəzi dəcəl şagirdləri idarə etmək mənə vahiməli gəlmirdi. Hər bir müəllimin digərlərindən daha çox sevdiyi şagirdləri olur, bu baxımdan, mən də yaxşı oxuyan şagirdləri daha çox sevirəm, bunu da gizlətmirəm.



-Dərsdən əlavə hansı işlə məşğul olursunuz?

-Vaxtımın böyük əksəriyyəti dərsdə keçir, sonra sabahkı günün dərslərinə hazırlaşıram. Qalan vaxtımda da məişət işləri ilə məşğul oluram. Dərsdən əlavə boş vaxtlarımda Kür çayına balıq ovuna gedirəm. Hər axşam isə məktəbin idman meydançasında idmanla məşğul oluram.

-“Gələcək, müəllimin əsəridir” bu fikirlə razısınız?

-Bəli razıyam. Çünki hər bir insan gələcəkdə uğur qazanmaq, cəmiyyətdə öz yerini tutmaq üçün ilk olaraq ailəsinə, daha sonra isə müəlliminə borcludur. Bu baxımdan müəllim gələcəyin yaradıcısıdır desək, heç də yanılmarıq. Uşaq beyni ağ kağız kimidir, nə öyrətsən onu da götürəcək. Ona görə də mən də öz növbəmdə çalışıram ki, şagirdlərə elmin sirlərini dərindən öyrədim.

-İndi isə şagirdlərin tədrisə münasibətindən danışaq. Kənd məktəblərində oxuyan bəzi şagirdlər məhz ali təhsil almaq üçün deyil, kənd mühitindən uzaqlaşmaq, özünə yeni şərait yaratmaq üçün təhsilini davam etdirməyə can atır. Siz necə düşünürsünüz, bu yanaşma doğrudurmu?

- Məktəbdə 100-dən artıq şagird təhsil alır, 25 müəllim isə dərs deyir. Məktəb köhnədir. Ancaq buna baxmayaraq, müəllimlər dərsdən kənar universitetə hazırlaşan şagirdlər üçün pulsuz məşğələlər keçirlər. Onların da əksəriyyəti valideynlərinə təsərrüfat işlərində kömək etdiklərindən elmdən, təhsildən uzaq düşüblər. Şagirdlər arasında 1-ci qrupa hazırlaşanlar daha çox üstünlük təşkil edir. Bəzi şagirdlər ixtisas qazanmaqla yanaşı, həm də şəhər mühitini görmək, həyatının müəyyən bir mərhələsini dəyişmək arzusu ilə ali təhsil almaq arzusunda olur, belə düşünənlər də deyərdim ki, əsasən qızlardır.



-Bəs, yaxşı aylıq gəlirinizlə ehtiyacınızı ödəyə bilirsiniz? Orada yəqin kirayədə qalırsınız...
 

- Dərs saatım çox olduğundan maaşım qənaətbəxşdir, müəllimlərin diaqnostik qiymətləndirilməsindən sonra düşünürəm ki, məktəbdəki digər müəllimlərin də məvacibləri artacaq.

-Dərs dediyiniz məktəbdə valideynlər övladlarının təhsil almalarında nə qədər maraqlıdırlar?

-Dərs ili başlayandan cəmi bir dəfə şahidi olmuşam ki, hansısa bir valideyn öz övladı barədə yaxınlaşıb müəllimdən nəsə soruşsun.  

-Məktəbin və kəndin ehtiyacları əsasən nələrdir? 

-Məktəbin yenidən təmirə ehtiyacı var. Kənddə indiyəcən qaz olmadığından sinif otaqlarını odunla isidirik. Kəndin işıq dirəkləri köhnə olduğundan yağış, külək işıqları tez- tez söndürür. Qazlaşma prosesi isə hal-hazırda getmək üzrədir. Kəndə yağış yağanda müəllimlər məktəbə çətinliklə gəlir, sonra isə ayaqqabılarını dəyişirlər.

-Gənc müəllim kimi kənddə sizə münasibət necədir? 

-Kəndə gəldiyim ilk gün məni məktəb direktoru Təranə xanım qarşıladı. O, məni kəndlə və dərs deyəcəyim məktəblə tanış etdi. Mütəmadi olaraq da mənimlə maraqlanır və nə problemim olsa, imkan daxilində kömək etməyə çalışır. Kənddən özümə qarşı hansısa bir mənfi münasibət görməmişəm. Hətta qonşularım nədəsə çətinliyim olsa əllərindən gələn köməyi əsirgəmirlər.

Vüsalə Qəzənfərqızı

BU KATEQORİYADAN OLAN DİGƏR XƏBƏRLƏR
+ Arxiv
Bakıda karantin qaydalarını pozduğuna görə 127 obyekt cərimələndi 24 Sentyabr 2020, 23:28 Təbriz küçəsində yanğın nəqliyyatın hərəkətində çətinliklər yaratdı 24 Sentyabr 2020, 23:14 Prezident Azərbaycan səfirinin etimadnaməsini qəbul etdi 24 Sentyabr 2020, 22:59 Ceyhun Bayramov Gürcüstan prezidenti ilə bölgədəki durumu müzakirə etdi 24 Sentyabr 2020, 22:46 Baş Prokurorluqdan Yusif İldırımzadənin qaynının qətli ilə bağlı AÇIQLAMA 24 Sentyabr 2020, 22:27 Fransa yeni qadağalar tətbiq edir 24 Sentyabr 2020, 22:08 Türkiyədə daha 74 nəfər koronavirusdan öldü 24 Sentyabr 2020, 21:49 Türkiyədə tunel çökdü: Dağıntılar altından 11 nəfər çıxarıldı 24 Sentyabr 2020, 21:37 Britaniyada son sutkada koronavirusdan daha 40 nəfər öldü 24 Sentyabr 2020, 21:12 Leysan nəticəsində metro stansiyalarını su basıb 24 Sentyabr 2020, 20:55 Bakıda mənzildə iki qadın meyiti aşkarlandı 24 Sentyabr 2020, 20:42 “Bəşəriyyət pandemiya sınağından keçə bilmədi” - Antoniu Quterreş 24 Sentyabr 2020, 20:24 “Ermənistan rəhbərliyinin davranışı danışıqları mənasız edib” - Araz Əzimov 24 Sentyabr 2020, 20:18 THY Ankara istiqamətində xüsusi reyslər icra etməyə başlayır 24 Sentyabr 2020, 20:02 Ukraynada pandemiyanın ikinci dalğası başlayıb 24 Sentyabr 2020, 19:42 Paşinyan: “Rusiya əsas müttəfiqimizdir, ABŞ və Avropa Birliyi isə...” 24 Sentyabr 2020, 19:32 Yusif İldırımzadənin qohumunun qətli ilə bağlı cinayət işi AÇILDI 24 Sentyabr 2020, 19:14 Azərbaycan nefti bahalaşıb 24 Sentyabr 2020, 19:05 Şəmkir Rayon Polis Şöbəsinidə nöqsan aşkarlandı 24 Sentyabr 2020, 18:50 DİM pandemiya dövründə hansı işləri görüb? - HESABAT 24 Sentyabr 2020, 18:42 Sabiq prokurorun qaynı amansızlıqla öldürüldü 24 Sentyabr 2020, 18:28 Hərbi Hava Qüvvələri döyüş uçuşları həyata keçirdi 24 Sentyabr 2020, 18:19 Ceyhun Bayramov gürcüstanlı vitse-spikerlə görüşüb 24 Sentyabr 2020, 18:12 Qəbul planı 100% dolan universitetlər - SİYAHI 24 Sentyabr 2020, 18:10 Vurğun Əyyubun dəfnində saz çalan aşıq: “Dedi ki, “başıma bir iş gəlsə, məni sazla götürərsiniz”” - MÜSAHİBƏ 24 Sentyabr 2020, 17:59 İnam Kərimov Ağdaş və Göyçay rayonlarında - FOTO 24 Sentyabr 2020, 17:53 Bakıda dəhşət: Nənəsini və bibisini qətlə yetirdi 24 Sentyabr 2020, 17:47 Dolların məzənnəsi sabit qaldı 24 Sentyabr 2020, 17:41 Ali məktəblərdə boş qalan yerlərin sayı AÇIQLANDI 24 Sentyabr 2020, 17:35 Prezident iki qurumun səlahəyyətlərini ARTIRDI 24 Sentyabr 2020, 17:29 İmkansız tələbələrin təhsil haqqını dövlət ödəyəcək - RƏSMİ AÇIQLAMA 24 Sentyabr 2020, 17:23 Gürcüstan Prezidenti Ceyhun Bayramovu qəbul edib 24 Sentyabr 2020, 17:17 Prezidentdən Ədalət Muradovla bağlı SƏRƏNCAM 24 Sentyabr 2020, 17:11 İqtisad Universitetinin əməkdaşları təltif edildi - SİYAHI 24 Sentyabr 2020, 17:07 Deputat - Tendersiz satınalmalar ŞÜBHƏ YARADIR 24 Sentyabr 2020, 17:02