“Ermənistan Gürcüstanla çoxfunksiyalı əməkdaşlığın dərinləşdirilməsində maraqlıdır”.
Modern.az “Sputnik Ermənistan”a istinadən xəbər verir ki, bunu Ermənistanın Baş naziri Nikol Paşinyan ölkədə səfərdə olan Gürcüstanın müdafiə naziri İrakli Çikovani ilə görüşdə deyib.
Tərəflər, həmçinin görüş zamanı regiondakı vəziyyət, təhlükəsizlik və sabitliyə dair məsələlər ətrafında fikir mübadiləsi aparıblar.
Xatırladaq ki, İ.Çikovani iyulun 12-də İrəvana rəsmi səfər edib. O, səfər çərçivəsində erməni həmkarı Suren Papikyanla 2024-cü il üçün əməkdaşlıq planını imzalayıb.
