Ozarbayjon 2026-yilda bir qator davlat fuqarolari uchun vizasiz kirish-chiqish rejimini joriy etdi.
Modern.az xabar berishicha, TIVdan olingan ma'lumotlarga ko'ra, 2026-yilda Ozarbayjon tomonidan 9 ta davlat va hudud bo'yicha umumfuqarolik pasporti egalari uchun bir tomonlama vizasiz rejim qo'llaniladi.
Xususan, Xitoyning Gonkong va Makao Maxsus Ma'muriy Hududlarining umumfuqarolik pasportiga ega fuqarolari 2026-yil 2-fevraldan 2027-yil 2-fevralgacha Ozarbayjonga 3 marta vizasiz kirishlari va har bir kirishda 30 kungacha qolishlari mumkin.
Saudiya Arabistoni, Ummon, Bahrayn va Quvayt fuqarolari uchun vizasiz rejim 2026-yil 15-fevraldan 2027-yil 15-fevralgacha amal qiladi. Bu davlatlarning fuqarolari Ozarbayjonga shu muddat ichida 3 marta vizasiz kirishlari va har bir kirishda 30 kungacha qolishlari mumkin.
Yaponiya va Koreya Respublikasi fuqarolari uchun vizasiz rejim 2026-yil 1-iyuldan 2027-yil 1-iyulgacha qo'llaniladi. Ular ham Ozarbayjonga 3 marta vizasiz kirish va har bir kirishda 30 kungacha qolish huquqiga ega.
Bosniya va Gersegovina hamda Singapur fuqarolari uchun esa vizasiz rejim 2026-yil 1-avgustdan 2027-yil 1-avgustgacha amal qiladi. Bu davlatlarning fuqarolari Ozarbayjonga 3 marta vizasiz kirishlari va har bir safarda 30 kungacha qolishlari mumkin.
Shunday qilib, TIVning hozirgi ma'lumotiga ko'ra, 2026-yilda Ozarbayjon tomonidan yangi vizasiz rejim qo'llaniladigan yo'nalishlar quyidagilar:
Qayd etish joizki, bugun Ozarbayjon Dominikan Respublikasi va Kolumbiya bilan ham umumfuqarolik pasporti egalarining vizadan o'zaro ozod etilishi bo'yicha shartnomalar imzoladi.
Bundan bir kun avval esa (2026-yil 23-sentyabr) Ozarbayjon va Kolumbiya o'rtasida ham oddiy pasport egalarining viza talabidan o'zaro ozod etilishi to'g'risida shartnoma imzolangan.
Qo'shimcha qilinganidek, shartnoma pasport namunalarining va tegishli nota verballarining o'zaro almashinuvi amalga oshirilgandan so'ng kuchga kiradi.
TIVning vizasiz kirish-chiqish rejimi qo'llaniladigan davlatlar bo'yicha rasmiy ro'yxatini BU YERDAN ko'rishingiz mumkin.
Gular Huseynli
