Arxiv
17 Yanvar 2020, 12:00 | MÜSAHİBƏ
Kəramət Böyükçölün xanımı: “Həyatımızı birləşdirəndən bəri hər ikimizdə xeyli dəyişikliklər olub”

Fevralın 9-da keçiriləcək parlament seçkilərində iştirak edən namizədlər arasında cəmiyyətin yaxından tanıdığı, məşhur insanlar da var.

Jurnalistlər, yazıçılar, vəkillər, ictimaiyyət nümayəndələr və digər tanınmış namizədlərin özləri qədər həyat yoldaşları da cəmiyyət üçün maraqlı simalardır.

 

Modern.az “Namizədlərin həyat yoldaşları” rubrikasında həmin maraqlı simaların fikirlərini oxuyacaqsınız.

 

Rubrikamıza gənc yazar, jurnalist Kəramət Böyükçölün xanımı Səidə İsmayılova ilə başlayırıq. 

 

Səidə xanım BDU-nun Filologiya fakültəsinin III kurs tələbəsidir, Prezident təqaüdçüsüdür.

 

O, həyat yoldaşına dəstəyini Modern.az-la da bölüşüb.

 

 

Səidə xanım, Kəramət Böyükçöl öz yaradıcılığı, hətta zaman-zaman sosial şəbəkədə paylaşdığı statusları ilə məşhurlaşıb. Bu məşhurluğu bölüşmək sizi məmnun edirmi?

 

Həyatımı bölüşdüyüm insanın məşhurluğu məni qətiyyən narahat etmir. Əksinə, insanların ona olan diqqətini, marağını, sevgisini görmək xoş təsir bağışlayır. Bununla yanaşı təəccüblənirəm də ki, özünü insanlara sevdirməyi necə bacarır? Məncə, bu, sözün insana təsirindən, gücündən və onun bir yazıçı olaraq bu gücdən istifadə etmək bacarığından irəli gəlir.

 

Hər kəsin tanıdığı Kəramət sizinlə həyatını birləşdirdikdən sonra tamam fərqli insana çevrildi. Parlament seçkilərində iştirak etməyi qərara alması isə onu tanıyanlar üçün daha bir sürpriz idi. Onun dəyişməsində sizin rolunuz nə dərəcədədir?

 

Həyatımızı birləşdirəndən bəri onda da, məndə də xeyli dəyişikliklər baş verib. Elif Şafakın "Aşk" romanında belə bir fikir var: Birini sevirsənsə, onun üçün edə biləcəyin ən böyük şey dəyişməkdir. Bu fikrə mənim öz əlavəm də var. Düşünürəm ki, bu dəyişikliyi o zaman sevgindən edirsən ki, sən həmin dəyişikliyi bilərəkdən etmirsən, sadəcə, içindən gəlir və bir də baxırsan ki, başqa bir insana çevrilmisən (təbii ki, müsbət mənada). Bəlkə də, bu heç dəyişiklik deyil, içindəki "əsl mən"in ortaya çıxmasıdır.

Parlament seçkilərində iştirakında mənim nə dərəcədə rolum olması məsələsinə gəldikdə isə özünün dediyinə görə, məndən enerji alır.

 

Seçkilərdə iştirak etmək haqqında qərar verərkən sizdən məsləhət aldımı? Onun bu qərarına münasibətiniz maraqlıdır?

 

Seçkilərdə iştirak etmək istəyi ilə bağlı fikrini biləndə buna münasibətim, təbii ki, müsbət oldu. Çünki yazıçı olaraq qəbul etdiyim, bir çox fikirləri, məsələlərə yanaşması ilə razılaşdığım birini Milli Məclisdə görmək, ilk növbədə, bir vətəndaş kimi də məni sevindirir.

 

Adətən namizədlər seçicilərin görüşünə öz xanımı ilə gedəndə insanlar üçün daha xoş təsir bağışlayır. Təbliğat kampaniyasında onun yanında olacaqsınızmı? Görüşlərə birlikdə getməyi düşünürsünüzmü?

 

Namizədliyin təsdiq olunması ilə bağlı imza toplanmasından tutmuş fotoların çəkilməsi, posterlərin hazırlanmasına qədər bütün proseslərdə yaxından iştirak etmişəm. Təbii, görüşlərə də bərabər getməyi düşünürük. Sadəcə, sessiya imtahanlarımla əlaqədər Bakıya getdiyim günlərdə yanında ola bilməyəcəyəm.

Kəramət Böyükçöl deputat olmaq istəyən digər namizədlərdən nə ilə fərqlənir?

 

Kəramət Böyükçöl deputat olmaq istəyən digər namizədlərdən həm cəmiyyətin, həm də dövlətin bir millət vəkilini necə görmək istədiyini dəqiqliyi ilə, tam anlamı ilə bilməsinə görə fərqlənir. O, kənddə böyüyüb, kənd adamının yaşayış şəraitini, dərd-sərini, arzularını bilir. Bununla yanaşı sosial-ictimai məsələlərdən xəbərdar adamdır, yazıçıdır, buna əsasən dövlətin insanların hüququnu, haqqını qoruyacaq necə millət vəkili istədiyini də bilir.

 

O bəzən fikirlərini qəbul etməyən insanların tənqidlərinə də məruz qalır. Amma bu heç kimə sirr deyil ki, cəmiyyət onu səmimi qəbul edir. Vəzifəyə keçməsi onun bu səmimiyyətinə kölgə sala bilərmi?

 

Məncə, o, vəzifəyə keçəndən sonra mahiyyətini dəyişəcək bir insan deyil. Buna görə də ona olan sevginin itməyəcəyindən əminəm. Çünki Kəramət Böyükçöl Milli Məclisdə də fikirlərini tam səmimiyyəti ilə ifadə edəcək xarakterdədir.

 

Son olaraq, "hər bir uğurlu kişinin yanında ağıllı qadın olar" deyirlər. Kəramət Böyükçölün yanında olmaq, onun uğurunu bölüşmək necə duyğudur?

 

Hər bir insana xoş olar ki, onun üçün dəyərli olan birinin uğurunu bölüşsün. Əgər uğur qazanan Kəramət Böyükçöldürsə, sevdiyi xanım olaraq bunun necə duyğu olduğunu deməyimə gərək varmı?!

BU KATEQORİYADAN OLAN DİGƏR XƏBƏRLƏR
+ Arxiv
Gəncə YUNESKO-nun Öyrənən Şəhərlər üzrə Qlobal Şəbəkəsinə üzv seçilib - FOTO 24 Sentyabr 2020, 09:50 Bu gün “Qarabağ”ın pley-offdakı rəqibi bəlli olacaq 24 Sentyabr 2020, 09:44 Çempionlar Liqasında “pley-off”un ilk oyunları yekunlaşdı - NƏTİCƏLƏR 24 Sentyabr 2020, 09:40 Dollar günə bu qiymətlə başladı 24 Sentyabr 2020, 09:34 Gücümüz birlikdədir! 24 Sentyabr 2020, 09:28 Müdafiə Nazirliyi cəbhədəki vəziyyətlə bağlı MƏLUMAT YAYDI 24 Sentyabr 2020, 09:22 Bu gün Vurğun Əyyubun ANIM GÜNÜDÜR 24 Sentyabr 2020, 09:16 Ali məktəblərədə boş qalan yerlərə ixtisas seçimi bu tarixlərdə aparılacaq 24 Sentyabr 2020, 09:10 DİM-dən tələbə adı qazananlara XƏBƏRDARLIQ: “Vaxtında qeydiyyatdan keçməsəniz...” 24 Sentyabr 2020, 09:04 Ceyhun Bayramov Gürcüstana gedti 24 Sentyabr 2020, 08:58 Ali məktəblərə qəbulun NƏTİCƏLƏRİ açıqlandı - YENİLƏNİB 24 Sentyabr 2020, 02:20 Savaş qoxusu 24 Sentyabr 2020, 00:57 ABŞ Lukaşenkonu prezidenti kimi tanımır 24 Sentyabr 2020, 00:53 Azərbaycana bu ölkədən dərman idxalı azalıb 24 Sentyabr 2020, 00:34 Bakıda kütləvi dava 24 Sentyabr 2020, 00:17 Kəlbəcərdə şəhid olan Həsənin qızı TƏLƏBƏ adını qazandı- FOTO 24 Sentyabr 2020, 00:01 Qəza törədən azərbaycanlı repçi həbs olundu 23 Sentyabr 2020, 23:44 Çernobılda 100 ildən sonra ayılar göründü 23 Sentyabr 2020, 23:19 Bərdədə 28 yaşlı qadın kista əməliyyatında öldü 23 Sentyabr 2020, 23:09 Nazirlik 225 sahibkarlıq subyektində pozuntular aşkarladı 23 Sentyabr 2020, 22:52 Ərdoğan NATO ilə  müzakirələr aparır 23 Sentyabr 2020, 22:35 Obama sosial şəbəkədə telefonunun nömrəsini paylaşdı 23 Sentyabr 2020, 22:21 Rusiyada deputat koronavirusdan öldü 23 Sentyabr 2020, 22:08 Hindistanda koronavirusdan ölənlərin sayı 90 mini ötdü 23 Sentyabr 2020, 21:57 “Dərs vaxtı”nın sabaha olan cədvəli - FOTO 23 Sentyabr 2020, 21:40 İcra başçısının müavini işdən çıxarıldı 23 Sentyabr 2020, 21:26 Şura haqqında böhtan yayan saytlar məhkəməyə veriləcək 23 Sentyabr 2020, 21:15 Türkiyədə daha 72 nəfər koronavirusdan öldü 23 Sentyabr 2020, 20:59 ABŞ-dan neft ehtiyatları barədə açıqlama 23 Sentyabr 2020, 20:45 “Ordu quruculuğunun gücləndirilməsi üçün büdcədə ciddi artım nəzərdə tutulub” - Əli Əsədov 23 Sentyabr 2020, 20:31 Baş prokuror yanında Elmi-Məsləhət Şurasının iclası keçirilib 23 Sentyabr 2020, 20:23 ABŞ-dan Rusiyaya qarşı yeni sanksiya 23 Sentyabr 2020, 20:12 “Büdcə təşkilatlarında izafi xərclərə yol verilir” - Baş Nazir 23 Sentyabr 2020, 20:01 Nazirlər Kabineti büdcə məsələlərini müzakirə etdi – QƏRAR VERDİ 23 Sentyabr 2020, 19:52 Naxçıvanda hərbi kurslar başa çatdı 23 Sentyabr 2020, 19:38