Arxiv
22 Noyabr 2020, 19:24 | ANALİTİKA
Arutyunyan niyə “atdan” salınıb “eşşəyə” mindirilmir?!

Mübariz Azərbaycanlı,
müstəqil jurnalist


Başlarının əzilməsinə baxmayaraq, hələ də özünü “dqr” prezidenti sayan Arutyunyanla, Ermənistan “nazirbaşı” Paşinyanın bu gün Qarabağda nəzərdə tutduqları gələcək planlarını müzakirə etmələri onu göstərir ki, bu “yanların” heç biri lazımınca ağıllanmayıb.  

 

5 gün ərzində Dağlıq Qarabağa 25 min adamın qayıtmasından ürəkdolu söz açıb özünü işgüzar rəhbər kimi göstərən “özbaşına prezident”, həm də “respublikada” yolların təhlükəsizliyinin təmin olunmasından dəm vurur.

 

Əlbəttə, Azərbaycan ərazisində - Qarabağda yerləşdirilmiş sülhməramlıların hesabına magistral yolların təhlükəsiz hala gətirilməsi normal haldır. Ancaq bu separatçının özünün hansı “yolda” olması və gələcəkdə hansı “yol” tutacağı hələ ki böyük sual doğurur.

 

Diqqət edin, erməni mediası qeyd edir ki, Arutyunyan dünən Xocavənd rayonuna gələrək, “rayon icma rəhbərləri” ilə geniş iclas keçirib və güya, “Azərbaycan aqressiyası”ndan sonra dağıdılmış yaşayış məntəqələrini qısa müddətdə bərpa edilməsi üçün öz tapşırığını verib. O, hətta bərpa işlərinə çoxlu sayda inşaatçının, həmçinin, tikinti kompaniyalarının da cəlb olunacağını dilə gətirib.

 

Separatçı bildirib ki, “1 yanvar 2021-ci ildən təhsil müəssisələri təmin olunacaq və bütün sakinlər öz uşaqları ilə birgə “Artsax”a yaşamağa qayıda bilərlər”. Araik burada yekə-yekə kənd təsərrüfatı məsələlərinə də toxunuraq, “Dövlət, təsərrüfatla məşğul olanlara dizil yanacağı, həmçinin toxumla yardım edəcək”, - deyə, özünü Qarabağ torpağının əsl sahibi kimi gözə soxub. Bu azmış kimi, o, həyasızlıqla, “Müstəqil Artsaxda yaşayacağıq. Ən yaxşı şəraiti yaratmağa çalışacağıq. Görürsünüz, Rusiyanın şəxsində yalnız ordu baxımından deyil, həm də ölkənin daha da inkişaf etdirilməsində təhlükəsizlik zəmanətimiz var”, - deyib.

Sözsüz ki, Arutyunyanın belə ürəklə danışmasına səbəb, Vətən müharibəsi başlamazdan bir neçə gün öncə, Ermənistana Rusiyadan gətirilmiş Şoyqunun “tikinti materiallarından” fərqli olaraq, “Dağlıq Qarabağ fövqalədə hallar dövlət xidmətinin” məlumatına görə, bu dəfə sözün əsl mənasında gətirilən tikinti materiallarının artıq Qarabağda “şəhərsalma nazirliyinin” saxlanc yerinə yığılmasıdır. Hətta, bu əldədüzəlmə “qurumun” rəisi Sarkisyan öz rusiyalı “həmkarına” göstərilən yardıma görə minnətdarlığını da bildirib.

“Müstəqil Artsaxda yaşayacağıq”, - deyən separatçı Arutyunyanın Azərbaycan torpağında bu kimi qıcıqverici ifadəsinə gəlincə isə buna heç şübhəsiz ki, Rusiya baş diplomatı erməni kökənli Lavrovun Azərbaycan rəhbəri ilə  görüşdə, “Biz ümid edirik ki, Rusiya ilə birlikdə uzun illər boyu siyasi prosesə rəhbərlik edən ATƏT-in Minsk Qrupunun həmsədrləri 9 noyabr tarixli razılaşmalar nəzərə alınmaqla və onların əsasında bu məsələlərin həllinə qoşulacaqlar”, - deməsi, rəvac verir. Əlbəttə ki, Lavrovun ölmüş ATƏT-i yenidən xortlatması Arutyunyana gələcəkdə Dağlıq Qarabağ üçün hansısa statustun əldə oluna biləcəyinə ümid, həm də stimul verir. Çünki, Lavrov elə bu görüşdə “...bu işlər həmişə ATƏT-in Minsk Qrupunun fəaliyyətinin əsasını təşkil edən prinsiplər məcrasında gedir”, - deyərkən, əslində onun Azərbaycanın ərazi bütövlüyü çərçivəsində Dağlıq Qarabağ ermənilərinə hansısa statusun verilməsində maraqlı olduğu aydın görünür.

 

Bu üzdən də, indi Azərbaycan ictimaiyyətini narahat edən məsələlərdən biri budur ki, Ali Baş Komandan İlham Əliyevin işğaldan azad edilmiş rayonlara səfəri zamanı öz çıxışında, “Heç bir status haqqında söhbət gedə bilməz. Vahid Azərbaycan dövləti var. Çoxmillətli, çoxkonfensiyalı, mütərəqqi Azərbaycan dövləti var”, deməsi və ya Rusiya prezidentinin “Rusiya 24” telekanalına müsahibəsində, “Beynəlxalq hüquqa görə, Qarabağ həmişə Azərbaycanın ayrılmaz hissəsi olub. Heç kim, hətta Ermənistan da Qarabağın müstəqilliyini tanımadı. Bu beynəlxalq hüquq baxımından nə deməkdir? O deməkdir ki, Azərbaycan həm özü, həm də bütün dünya ictimaiyyəti tərəfindən Azərbaycan ərazisi hesab edilən torpaqlarını geri qaytardı” – sözünün üstündən, bu Arutyunyan kimdir ki, Qarabağda hələ də “at” oynadır?!

 

Maraqlıdır, məgər Lavrov indiyədək bilmirdi ki, ATƏT-in Minsk qrupuna “ağsaqqallıq” edən və saqqalını sözün hər iki mənasında sonadək düzəldə bilməyən Anjey Kasprşik, həmçinin onun “badədaşları” otuz ilə yaxın müddətdə yalnız Bakıda yeyib, Qarabağda boş-boş gəzirdilər? Odur ki, Lavrovdan fərqli olaraq, Azərbaycan xalqı çox yaxşı anlayır, onların haqq işinə ögey münasibət bəsləyən bu “dəllallardan” haqq, ədalət adlı oğula “ana” olmaz.   

 

Hazırda özlərini oyundan kənar vəziyyətə salmış ATƏT-i yenidən oyuna qaytarmaqdansa,  Qarabağ ermənilərinin isti-isti “əl-ayağını” bir yerə yığıb onları Azərbaycan bayrağı altında yaşamalı olacaqlarını qandıra bilən hansısa bir erməni icma başçısı tapılsa, bu, daha məqsədə uyğun olar. Yoxsa bu gedişlə, Arutyunyan özünü hələ çox “prezident” hesab edəcək. Bir də ki, Gəncəyə balistik raket atılmasına şəxsən özü əmr verdiyini etiraf edən bu terrorçu, indiyədək Qarabağda niyə “atdan” salınıb, “eşşəyə” mindirilmir?!

BU KATEQORİYADAN OLAN DİGƏR XƏBƏRLƏR
+ Arxiv
Belçika Rusiyanı darmadağın etdi 13 İyun 2021, 01:06 Paşinyan gülünc vəziyyətə düşdü 13 İyun 2021, 01:00 ABŞ nüvə silahı saxlanılan aviabazalarının sayını artıracaq 13 İyun 2021, 00:49 Gəncə sakini yumruq zərbəsindən öldü 13 İyun 2021, 00:38 Paşinyan Ermənistana qaytarılan hərbçilərin adını açıqladı 13 İyun 2021, 00:25 ABŞ-da atışma - ölən və yaralananlar var 13 İyun 2021, 00:08 Mehriban Əliyeva Uels-İsveçrə matçından paylaşım etdi 12 İyun 2021, 23:57 “Kristian futbolu möhtəşəm oynayır” - UEFA prezidenti 12 İyun 2021, 23:51 Danimarka Finlandiyaya məğlub oldu - AVRO-2020 12 İyun 2021, 23:38 Peyvəndin ikinci dozasından sonra Putinin temperaturu yüksəldi 12 İyun 2021, 23:32 “Azərbaycan və Ermənistan arasındakı razılaşmaya görə Qaribaşvilini təbrik edirəm” - Prezident 12 İyun 2021, 23:22 Azərbaycanlı kino aktyoru vəfat etdi 12 İyun 2021, 23:10 “Ərdoğanın Şuşaya ziyarəti üçün hazırlıqlarımız davam edir” - Türkiyə səfiri 12 İyun 2021, 23:03 PKK Afrini atəşə tutdu - çox sayda ölən və yaralanan var 12 İyun 2021, 22:51 Bakıda piyadanı maşın vurdu 12 İyun 2021, 22:34 Danimarka – Finlandiya matçı ilə bağlı qərar verildi 12 İyun 2021, 22:20 ABŞ azad edilən ermənilərə görə Gürcüstana minnətdarlıq etdi 12 İyun 2021, 22:15 “Sərbəst buraxılan ermənilər artıq ailələrinin yanındadır” 12 İyun 2021, 22:04 Azərbaycanda ilk dəfə beşəm dünyaya gəldi - EKSKLÜZİV- FOTOLAR 12 İyun 2021, 22:01 Mina xəritələri informasiya müharibəsində Azərbaycanın xeyriişləyəcək - ŞƏRH 12 İyun 2021, 21:56 “Azərbaycan və Ermənistanın jestlərini alqışlayıram” - Şarl Mişel 12 İyun 2021, 21:46 UEFA-dan Kristian Eriksenlə bağlı açıqlama 12 İyun 2021, 21:35 Vilayət Eyvazovdan yeni təyinat 12 İyun 2021, 21:24 Türkiyədə koronavirusla bağlı son vəziyyət 12 İyun 2021, 21:09 Danimarkalı futbolçunun ürəyi dayandı - oyun təxirə salındı 12 İyun 2021, 20:56 BMT Baş katibi Consonla müzakirələr apardı 12 İyun 2021, 20:48 "15 erməni mənim və Filip Rikerin iştirakı ilə buraxılıb" - Gürcüstanın baş naziri 12 İyun 2021, 20:33 Şəhriyar Məmmədyarov liderliyini qorudu 12 İyun 2021, 20:20 “İstədiyimiz qədər azarkeş yox idi” - Uels millisinin baş məşqçisi  12 İyun 2021, 20:09 İcbari Tibbi Sığorta üzrə Dövlət Agentliyinin səlahiyyətləri artırıldı 12 İyun 2021, 19:54 Prezident və Birinci xanım Uels-İsveçrə oyununa baxdılar - FOTO 12 İyun 2021, 19:48 Ermənistana qaytarılan ermənilərin FOTOSU yayıldı 12 İyun 2021, 19:40 Subsidiyalardan təyinatı üzrə istifadə etməyən fermerlər cərimələnəcək 12 İyun 2021, 19:32 Türkiyə millisi Bakıya gəldi 12 İyun 2021, 19:22 İlham Əliyev müqaviləni təsdiqlədi 12 İyun 2021, 19:12
SORĞU AVRO-2020-nin qalibi hansı komanda olacaq?