Arxiv
15 Dekabr 2020, 14:08 | MÜSAHİBƏ
“Dilqəmlə Şahbazı Bakıda görəndə Həsən üçün kövrəldim” - Cəbrayıllı şəhidin qardaşı - MÜSAHİBƏ

2014-cü ildən erməni girovluğunda olan Dilqəm Əsgərov və Şahbaz Quliyev artıq Azərbaycandadır. Həmin il Kəlbəcərə gedərkən onlar 3 nəfər idi, geridönüşdə isə 2 nəfər... Təəssüf ki, ermənilər Dilqəm və Şahbazın 3-cü yol yoldaşı Həsən Həsənova aman verməmişdilər... 2014-cü ildə erməni cəlladları tərəfindən şəhid edilən Həsən Həsənovun qardaşı Nail Həsənov girovların azad olunması ilə bağlı Modern.az-a danışıb.

 

- Nail bəy, bu il “olmaz” dediyimiz nə vardısa, demək olar hamısı gerçəkləşdi. Girovların azad olunması da bu qəbildəndir.

- Bəli, çox böyük hadisələrə şahidlik edirik. Hələ bir müddət əvvəl erməni mətbuatından əsir və girovların dəyişdirilməsi xəbərini oxuyanda onların qaytarılacağına inamım artmışdı. Dünən rəsmi xəbər çıxmadan bir saat əvvəl Dilqəm Əsgərovun oğlu Kürdoğlu ilə danışdım. Dedi ki, rəsmi nəsə deyilməyib, bu gün qaytarılacaqlarına dair məlumatlar var. Elə danışanda ona gözaydınlığı verdim. Dedi o qədər insan toplaşıb həyətə, sevincinin həddi-hüdudu yoxdur.


- Təbii, siz də, biz də, hamımız sevindik. Amma qardaşınız 6 il əvvəl sonuncu dəfə Dilqəmlə Şahbazın yanında olub. Onlar gedəndə üç nəfər idilər, indi isə iki nəfər olaraq qayıtdılar. Bu mənzərə fonunda nə hisslər keçirdiniz?

- İnanın Allaha, ilk məlumatı Modern.az-ın rəhbəri Elşad Eyvazlının sosial şəbəkədəki statusundan aldım. Sonra gördüm hamı yazır ki, Dilqəmlə Şahbaz artıq Bakıdadır. Sevincdən nə etdiyimi bilmədim. Amma onların ikisinin şəklini görəndə özümdən asılı olmayaraq, həm də Həsən üçün kövrəldim. Siz deyən kimi, çünki onlar gedəndə üç nəfər idilər, amma iki nəfər olaraq qayıtdılar. Qardaş itkisi pis şeydir, yeri həmişə göynəyir.



- Ailədəkilər, Həsənin ömür-gün yoldaşı Vüsalə xanımın reaksiyası necə oldu?


- Elə xəbəri tam dəqiqləşdirəndən sonra Həsənin yoldaşı Vüsalə xanıma zəng elədim. Dedi Nail gördüm, o qədər ağladım. Onun bu sözü məni lap kövrəltdi. Hamı zəng edir, Həsənə görə başsağlığı, Dilqəmlə Şaahbaza görə gözaydınlığı verir. İnanın o qədər kövrəlmişdim, elə bilirdim yarama duz basılır. 6 ildir biz bu xəbəri gecə-gündüz səbirsizliklə gözləyirik. Amma erməni rəhbərləri Sumbatın ailə üzvlərinin girovlarımızın təhvil verilməsinə qarşı olduqlarına dair açıqlamaları ümidlərimizi azaltmışdı. Onların ombudsmanı deyirdi ki, “biz Ramil Səfərovu qaytardıq, onu azad etdilər. Mübariz İbrahimovu verdik, milli qəhrəman elədilər. Dilqəmlə Şahbazı da qaytaracağıq, bunları da qəhrəman eləsinlər? Heç vaxt”.

Düzü bu açıqlamalardan sonra girovların geri qaytarılacağına ümidim qalmamışdı, deyirdim ki, yəqin onları ancaq ölü olaraq bizə qaytararlar. Amma çox şükür bu günə. Hətta Kürdoğluya deyirdim nəyi gözləyirsən, müraciət elə, heç olmasa atanla Şuşada görüşdürsünlər. Qismət, çox şükür.

 

- Həsənlə bağlı onun yol yoldaşları Dilqəmlə Şahbaza suallarınız varmı? Yəqin ki, tez bir zamanda görüşmək istəyərsiniz...

 

- Əlbəttə, suallar çoxdur... Dediyim kimi, qardaş itirmək ağırdır. Bu yaxınlarda böyük qardaşım Namiq ürəktutmasından rəhmətə getdi, heç qırxı çıxmayıb. İndi elə bil ailəmizin üstündə qara kabus dolaşır. Nə qədər etsək də, başsağlığına gələnlər oldu. Ailədə hamı koronavirusa yoluxdu. Anam ağır vəziyyətdə Ağciyər Xəstəlikləri İnstitutunda müalicə alır. Yaşlı adamdır, vəziyyəti pisdir, yanına telefon vermişik, heç ona da cavab verə bilmir. Sağ olsun, həkimi əlindən gələni edir.

 

Düzü, istədik Dilqəmlə Şahbazın azad edilməsi xəbərini anama verək. Sonra fikirləşdik ki, xəstəxanada ağır vəziyyətdə, onsuz da təkdir. Eşidib ya sevincdən ürəyi partlayacaq, ya da fikir edəcək ki, görəsən Həsən haqqında nə danışacaq Dilqəmlə Şahbaz. Ona görə qərara aldıq ki, inşallah xəstəxandan çıxandan sonra anamıza məlumat verək. Atam da yaşlı adamdır, yaddaşsızlıqdan əziyyət çəkir. Düzdür, köhnə kişilərdən olduğu üçün möhkəmdir, biz yoluxsaq da, atamız yoluxmayıb çox şükür.

 

- Son olaraq, illər sonra bir cəbrayıllı kimi işğaldan azad olunan Cəbrayıla qayıtmağı planlaşdırırsınızmı?

 

- Ali Baş Komandanın göstərişilə Azərbaycan Ordusu bizə elə bir tarixi qələbə yaşatdı ki, hətta gerçək olmayacaq deyə düşündüyümüz xəyallarımızı gerçəkləşdirdi. Mən optimist adamam. İnanırdım ki, nə vaxtsa Ağdam, Cəbrayıl, Füzuli, Qubadlı qaytarıla bilər, amma Kəlbəcərlə Laçının qaytarılacağına inanmırdım. Çünki ermənilər orda artıq kök salmağa başlamışdılar, infrastruktur qurmuşdular. Amma Prezidentimiz, Müzəffər Ordumuz bizə belə qələbə yaşatdığına görə mən onların qarşısında baş əyirəm. Cənab Prezidentə dərin təşəkkürümü bildiriəm ki, məcburi köçkün həyatımıza son qoydu və biz tezliklə o torpaqlara geri dönəcəyik. Ən əsası odur ki, Ali Baş Komandanımız gerçəkləməyən xəyallarımızı gerçəkləşdirdi. Əlçatmaz bir zirvəni bizim üçün əlçatan etdi. Bundan böyük xoşbəxtlik ola bilməz. Mən bu amal uğrunda canından keçən Şəhidlərimizin ailələrinə səbr, yaralılarımıza şəfa diləyirəm.

BU KATEQORİYADAN OLAN DİGƏR XƏBƏRLƏR
+ Arxiv
AŞPA-ya yeni prezident seçildi 25 Yanvar 2021, 15:25 SOCAR-ın maliyyə işlərini nəzarətdə saxlamağa ehtiyac var - Deputat 25 Yanvar 2021, 15:21 Baş Prokurorluq xaricdə gizlənmiş 30 nəfərin ekstradisiyasına nail olub 25 Yanvar 2021, 15:11 Masallının baş həkimi belə həbs edilib - VİDEO 25 Yanvar 2021, 15:01 Azərbaycan Livana NOTA VERİB 25 Yanvar 2021, 14:56 Azərbaycan xalqına qarşı müharibə cinayəti törədənlər AXTARIŞA VERİLİB 25 Yanvar 2021, 14:45 Koçaryan siyasətə qayıdır - Baş nazir olmaq İSTƏYİR 25 Yanvar 2021, 14:42 Komitə sədri gördüyü işlərdən danışdı 25 Yanvar 2021, 14:38 Azərbaycan və Türkiyə “feyk-nyus”larla birgə mübarizə aparacaq 25 Yanvar 2021, 14:33 “Ümidvaram ki, tezliklə çay üzərindən yeni körpünün təməli qoyulacaq” 25 Yanvar 2021, 14:28 “Sizin təklifinizə uyğun olaraq, 6 ölkəni ziyarət edəcəyəm” -  Cavad Zərif 25 Yanvar 2021, 14:22 “AzerGold” ölkə iqtisadiyyatına 187 milyon manat vəsait cəlb edib 25 Yanvar 2021, 14:16 Prezident müharibə əlilləri və şəhid ailələri ilə bağlı sərəncam İMZALADI 25 Yanvar 2021, 14:10 Bakıda evdən 2 600 manatlıq oğurluq edildi 25 Yanvar 2021, 14:04 Baş həkim bu əməllərinə görə həbs edilib 25 Yanvar 2021, 13:58 İrfan Sapmaz illər sonra xəbər müxbirliyinə QAYITDI 25 Yanvar 2021, 13:54 Milli Məclisin komitəsi Qarabağda İCLAS KEÇİRƏCƏK 25 Yanvar 2021, 13:50 Ermənistan diaspor dayağını necə itirib? 25 Yanvar 2021, 13:47 Azərbaycanda 281 vəzifəli şəxsin işi məhkəmələrə göndərilib 25 Yanvar 2021, 13:43 Nazirlikdən sahibkarın meşələri məhv etməsi xəbərinə REAKSİYA 25 Yanvar 2021, 13:38 44 günlük Vətən savaşından bəhs edən “Müzəffər Ali Baş Komandan” kitabı çap edilib 25 Yanvar 2021, 13:32 Birdəfəlik əkin subsidiyası torpaq kateqoriyasına görə veriləcək 25 Yanvar 2021, 13:27 Məhkumlar arasında koronavirusdan ölən olub? - Rəsmi cavab 25 Yanvar 2021, 13:22 Ədliyyə Nazirliyində 62 siyasi partiya qeydiyyatdan keçib 25 Yanvar 2021, 13:16 Tarixçi alim: “Hacı Zeynalabdin Tağıyevin doğum tarixi bilinmir” 25 Yanvar 2021, 13:12 Ermənilər Qarabağda 7 min fərdi ev TİKƏCƏK 25 Yanvar 2021, 13:06 Azərbaycanda bir ildə qeydə alınan məhkumların SAYI 25 Yanvar 2021, 13:03 Sabahın hava PROQNOZU 25 Yanvar 2021, 13:00 “Ötən il 254 cinayətkar qrup zərərsizləşdirilib” - Baş prokuror 25 Yanvar 2021, 12:57 Tərkibində qadın olan oğru dəstə saxlanıldı - FOTO 25 Yanvar 2021, 12:54 Vüqar Səfərlinin məhkəməsi təxirə salındı 25 Yanvar 2021, 12:50 Xəstələrə göndəriş vərəqəsinin verilməsi qaydası TƏSDİQLƏNDİ 25 Yanvar 2021, 12:45 Minsk Qrupu regiona yeni səfərə HAZIRLAŞIR 25 Yanvar 2021, 12:41 Azərbaycanda boşanma ərizəsi verən 288 ər-arvad fikrini DƏYİŞDİ 25 Yanvar 2021, 12:40 Nardaranda silahlı şəxs tutuldu - FOTO+VİDEO 25 Yanvar 2021, 12:36