Arxiv
23 Aprel 2018, 13:00 | MÜSAHİBƏ
Keçmiş nazir: “CHP oyunu pozdu” – MÜSAHİBƏ

Türkiyənin keçmiş mədəniyyət və  turizm naziri, hakim Ədalət və İnkişaf Partiyasının (AKP) sabiq üzvü Ərtoğrul Günay ölkədə iyunun 24-də keçiriləcək növbədənkənar prezident və parlament seçkiləri ilə bağlı Modern.az saytının suallarını cavablandırıb.

Onunla müsahibəni təqdim edirik.

 

- Türkiyədə iyunun 24-də növbədənkənar seçkilər keçiriləcək. Bu, Türkiyənin gələcəyi üçün nələr vəd edir?

 

- Bu prezident seçkisinin əvvəlkilərdən çox böyük fərqi var. Bu dəfə sadəcə partiyalar yarışa girməyəcək. Belə ki, Konstitusiyaya edilən sonuncu dəyişikliklərə görə, ölkənin taleyində fövqəladə, önəmli təsiri olacaq bir prezident seçiləcək. Əgər prezident cənab Rəcəb Tayyib Ərdoğan seçiləcəksə, Konstitusiyada edilən sonuncu dəyişikliklər olduğu kimi qüvvəyə minəcək. Beləcə parlamentin, hökumətin və digər bir çox qurumun səlahiyyətlərini təkbaşına Ərdoğan əlində cəmləşdirəcək.

 

- Bəs müxalifət qalib gəlsə nə olacaq?

 

- Bununla bağlı hələ ki, bir versiyanı səsləndirmək olar. Müxalifət seçkilərdə qalib gəlsə, Konstitusiyaya dəyişiklik referenduma çıxarılacaq. Və parlamentin səlahiyyətləri artacaq, hökumət əvvəlki statusunda olan işinə davam edəcək. Bir sözlə, əvvəlki siyasi sistem bərpa olunacaq.

 

- Bir çox ekspert belə iddiadır ki, Türkiyə hakimiyyəti ölkənin milli təhlükəsizliyinə təhdidlər olduğu üçün növbədənkənar seçkilərə getmək haqqında qərar verdi. Həqiqətənmi hazırda Trükiyənin milli təhlükəsizliyinə böyük təhlükə var?

 

- Türkiyə 2014-cü ilin avqustunda növbəti dəfə prezident seçdi. 2015-ci ilin iyununda və həmin ilin noyabrında parlament seçkiləri, 2017-cı ilin aprelində isə referendum keçirildi. Türkiyə seçki savaşı vəziyyətinə gəldi. Seçkilər qaynaqların və enerjinin sərf olunmasına yol açır. Bunun iqtisadiyyata da çox böyük zərərləri var və bunu hamı da gördü. Bundan başqa Türkiyədə son zamanlarda hüquq sahəsində olan bəzi proseslər ölkədən sərmayələrin çıxarılmasına da səbəb oldu.

Hökumət hazırda ölkədə iqtisadi böhranın başlayacağından narahatlıq keçirir. Siz dediyinizə gəlincə, bildirim ki, Türkiyənin milli təhlükəsizliyinə heç bir təhlükə yoxdur. Türkiyə regionda güclü bir dövlətdir. Qonşularının Türkiyəyə hər hansı bir müdaxilə etməsi mümkün deyil.

Milli təhlükəsizliyə təhdid olacağını demək sadəcə versiyadır və seçkilərin əvvələ keçirilməsinə hesablanmış fikirlərdir. Eyni zamanda xalqda təhlükələrlə bağlı təəssürat yaratmaq üçün uydurulmuş fikirlərdir.

Türkiyə bu yaxınlarda Suriyada əməliyyat keçirdi. Ciddi bir itki olmadı. Şəhid olan hərbçilərimizə Allah rəhmət eləsin! Türkiyə əməliyyatı uğurla həyata keçirdi və dünya birliyindən buna qarşı hər hansı addım görmədi. Türkiyənin bu mənada təhlükəsizlik baxımından heç bir problemi ola bilməz.

 

- Bu sual bəlkə də bütün dünyanı düşündürür – Cənab Ərdoğanın yenidən seçkilərdə qalinb gəlmək şansı varmı?

 

- Müxalifət 2014-cü ildə olduğu kimi Türkiyəni tanımayan, siyasətdən başı çıxmayan, kənardan birini gətirib namizəd edərsə (Ekmələddin İhsanoğlunu nəzərdə tutur – A.K) Ərdoğanın qalib olmaq şansı yenidən yüksələcək.

Təbii ki, cənab Ərdoğan böyük bir partiyanın başındadır. Eyni zamanda dağılmaqda olan MHP kütləsini ələ alıb. Yəni Ərdoğanın elektoratı var. Ancaq müxalifətin də böyük seçicisi var. Bununla belə müxalifət dağınıqdır. Müxalifət demokratiya, insan haqları, hüquq dövləti tezislərini önə çəkərsə, seçkilərdə AKP ilə başa-baş gedə bilər. Əgər sandıqda hər hansı bir manipulyasiya olmazsa.

 

- Son zamanlar Türkiyədə seçkilərin saxtalaşdırılması fikirləri də yayılır. Həqiqətənmi belədir?

 

- Biz 100 ildir ki, seçkilər keçiririk. 1912, 1946-cı ildə seçkilərdə saxtakarlıq oldu. 2014-cü ildən bu tərəfə olan seçkilərdə də belə şeylərin olduğu bildirilir.

 

- 2014-cü ildən bu yana keçirilən seçkilərdə konkret saxtakarlıqdan çox, bu haqda deyilənlərə istinad edirsiniz. Gəlin konkretləşdirək, bununla bağlı təkzibolunmaz bir dəlil varmı?

 

- Türkiyənin Ali Seçki Şurası etbarsız səsləri keçərli qəbul etdikdən sonra başqa hansı dəlil tapa bilərsiniz? Etibarsız səsin özü elə bir dəlildir. Ali Seçki Şurası isə seçki prosesində qərar dəyişdirdi. Biz buna Türkiyə hüququnda “tam qanunsuzluq halı” deyirik. Bu vaxta qədər heç bir seçkidə qəbul edilməyən etibarsız səsləri hesablamaq sandıqda oynamanın ən böyük dəlilidir.

 

- Müxalifət vahid namizədlə seçkiyə gedəcəksə, bu, sizcə, kim olmalıdır?

 

- Mən ad çəkmək əvəzinə təklif səsləndirməyə üstünlük verirəm. Hüquq dövlətinə, demokratiyaya, insan haqlarına bağlı adam namizəd olmalıdır. Və bu bağlılığını keçmişdəki bütün ictimai-siyasi vəzifələrində təsdiqləmiş Türkiyə vətəndaşı olmalıdır. Bu elə biri olmalıdır ki, hər hansı bir inanc, siyasi qrupa qarşı ayrı-seçkilik etməsin.

Ərdoğanın qarşısına nitqi çox gözəl olan birini çıxarmaq əvəzinə, Türkiyə xalqının güvənəcəyi, Türkiyəni barışdıracaq bir namizəd irəli sürmək lazımdır.

 

- CHP “İyi” Partiyaya jest etdi.  15 CHP-li millət vəkili “İyi” Partiyaya keçdi. Bununla AKP-nin planları pozuldumu?

 

- Müxalifətdə dünəndən bu yana bir canlanmaoldu. İqtidarcəbhəsindən çox ağır ittihamlar səsləndirildiyinə görə, düşünmək olar ki, hakimiyyət çox narahatdır. CHP siz dediyiniz kimi jest etdi. “İyi” Partiya Türkiyədə inkişaf edən, yüksələn bir partiyadır. Növbədənkənar seçkilərin keçirilməsi haqdakı qərar da “İyi” Partiyanın seçkilərə qatılmamasına hesablanmış addım idi. CHP isə bu oyunu pozdu. Lakin bu, kifayət deyil. Bu həmrəyliyi göstərən ağıl və iş birliyi də lazımdır. Bu olarsa, nəticə də əldə edilər.

 

- MHP rəhbəri Dövlət Baxçalı dərin dövlətin adamı imicini formalaşdırmaq üzrədir – bunu düşünənlər az deyil. Baxçalıya seçkilərdən sonra hər hansı bir yüksək vəzifə verilə bilərmi?

 

- Düzü, bunu təxmin edə bilmirəm ki, Baxçalıya vəzifə verilsin. Cənab Baxçalının onsuz da başqa vəzifələri var və onları da icra edir.

 

- Baxçalı dərin dövlətin adamıdırmı?

 

- Mən dərin dövlətin adını çəkmədim. Sadəcə Baxçalı üzərinə düşən vəzifələri yeri və zamanı gəldikdə icra edir.

 

- Hansı vəzifələri?

 

-Bunu hamı bilir və başqa şey danışmaq istəmirəm.

BU KATEQORİYADAN OLAN DİGƏR XƏBƏRLƏR
+ Arxiv
Azərbaycanda daha 534 nəfər koronavirusa yoluxdu, 6 nəfər öldü 4 İyul 2020, 19:51 AZAL İstanbula əlavə xüsusi reys yerinə yetirəcək 4 İyul 2020, 19:44 İranda elektrik stansiyada partlayış baş verib 4 İyul 2020, 19:38 Qusarda karantin qaydalarını pozan 10 sürücü cərimə olundu 4 İyul 2020, 19:22 KİVDF qəzetlərə maliyyə yardımı ayırdı - SİYAHI 4 İyul 2020, 18:47 Paytaxtın 544 küçəsi dezinfeksiya olundu 4 İyul 2020, 18:16 Türk əsgərinin qatilləri 30 il sonra YAXALANDILAR 4 İyul 2020, 18:10 Zelenskidən Putinə MESAJ: “Bizdən heç nə tələb edə bilməzsiniz” 4 İyul 2020, 18:02 Azərbaycanın 4 rayonunda yaranmış su qıtlığı ilə bağlı RƏSMİ AÇIQLAMA 4 İyul 2020, 17:48 Dünyanın ən yaşlı pişiyi öldü 4 İyul 2020, 17:24 Hövsanda dəfn mərasimində iştirak edənlər SAXLANILDI 4 İyul 2020, 17:13 Şəmkirçay su anbarında batan şəxs axtarılır 4 İyul 2020, 16:50 Gəncədə deputat və bələdiyyə sədrinin iştirakı ilə reyd keçirib 4 İyul 2020, 16:36 İcazəsiz istirahətə gəldilər, cərimə olundular - FOTO 4 İyul 2020, 16:24 İranda virusa yoluxanların sayı 250 minə yaxınlaşır 4 İyul 2020, 16:16 İsmayıllıda yığıncaq təşkil edən ata və 10 qonağı cərimələndi 4 İyul 2020, 15:59 Paytaxtda yük maşını piyadanı vurub öldürdü 4 İyul 2020, 15:49 AQTA maarifləndirir: Qablaşdırılma materialları qidaya necə təsir göstərir? 4 İyul 2020, 15:38 Taksidə sürücü və sərnişini maskasızdırsa, cərimələnəcək - XƏBƏRDARLIQ 4 İyul 2020, 15:15 Ermənilər Azərbaycanın daha min kvadrat kilometr ərazisinə iddia İRƏLİ SÜRÜB 4 İyul 2020, 15:02 AMEA-nın şöbə müdiri dünyasını dəyişdi 4 İyul 2020, 14:55 Rəsmi Bakı ABŞ-ı Müstəqillik günü münasibətilə təbrik edib 4 İyul 2020, 14:40 Karantin vaxtı işləyən sexin 56 işçisi cəzalandırıldı 4 İyul 2020, 14:23 Samuxda yas mərasimi keçirmək istəyən şəxslər cərimələnib 4 İyul 2020, 14:16 Almaniyada koronavirusdan ölüm faizi niyə aşağıdır? – Ekspertdən İZAH 4 İyul 2020, 14:00 Polis supermarketlərdə reydlər keçirir 4 İyul 2020, 13:42 Peşə təhsili üzrə teledərslərin 6 iyul cədvəli 4 İyul 2020, 13:25 Gizli işləyən kafe aşkarlandı: sahibi 1500, müştərilər 100 manat CƏRİMƏLƏNDİ 4 İyul 2020, 13:17 Paytaxtda qanunsuz  fəaliyyət göstərən obyekt bağlandı 4 İyul 2020, 13:03 Bakıda sabah hava necə olacaq? 4 İyul 2020, 12:54 Beynəlxalq ekspert: “Dünya bol su dövründən su azlığı dövrünə keçir” 4 İyul 2020, 12:45 Gəncədə “COVİD-19”la mübarizə çərçivəsində dezinfeksiya işləri aparılıb 4 İyul 2020, 12:33 Rusiyada koronavirusdan ölənlərin sayı 10 mini keçdi 4 İyul 2020, 12:24 Karantin günlərində Bakıdan Qəbələyə istirahətə gedənlər CƏZALANDIRILDI 4 İyul 2020, 12:13 Azərbaycan diasporu: Haradan haraya... 4 İyul 2020, 12:04