Tibbi Ərazi Bölmələrini İdarəetmə Birliyi (TƏBİB) Azərbaycanda koronavirusla bağlı sentyabrın 6-na olan statistik göstəriciləri açıqlayıb.
Modern.az xəbər verir ki, məlumatda bu gün ərzində Azərbaycanda koronavirusla bağlı 6 612 test edildiyi bildirilib.
Qeyd olunub ki, ölkə ərazisində bu günə qədər 963 104 test aparılıb. İndiyədək 548 nəfər COVID-19-dan dünyasını dəyişib, 37 329 nəfər xəstəliyə qalib gəlib. Aktiv xəstə sayı 2 076 nəfərdir. Hazırda 130 nəfər reanimasiyada müalicə alır. 11 nəfər isə süni tənəffüs cihazına qoşulub.
Qeyd edək ki, bu gün Azərbaycanda 137 yoluxma, 140 sağalma faktı qeydə alınıb, 3 nəfər dünyasını dəyişib.
