Arxiv
9 Dekabr 2020, 17:38 | ANALİTİKA
Məşhur köşə yazarı: “Putin bizi qırmaq istəyir”

Böyük Britaniyanın məşhur köşə yazarı Den Hodces Rusiya pezidenti Vladimir Putinə qarşı ittiham dolu yazı ilə çıxış edib.

Den Hodces “Daily Mail” qəzetinin “The Mail on Sunday” buraxılışındakı yazısı Novator.az-da yayımlanıb.

Modern.az-ın məlumatına görə, britaniyalı köşə yazarı bildirib ki, Vladimir Putin britaniyalıların koronavirusdan peyvənd olunmasını istəmir, buna görə də Rusiya prezidentinin sifarişi ilə britaniyalıları peyvənd olunmaqdan çəkindirmək üçün təşviqat aparılır.


Müəllifin iddiasına görə, bu təbliğat Britaniyada həm birbaşa ayrı-ayrı şəxslərin timsalında, həm də uzaqdan-uzağa internet platformaları vasitəsilə, Rusiyanın Sankt-Peterburq şəhərində fəaliyyət göstərən informasiya texnologiyaları üzrə dəstənin əliylə təşkil olunur.


Rusiya Müdafiə Nazirliyinin Baş Kəşfiyyat İdarəsinin sabiq polkovniki Sergey Skripalın və onun qızının 2018-ci il martın 4-də Böyük Britaniyanın Solsberi şəhərində Rusiyada istehsal olunan, sinir iflici törədən “Noviçok” maddəsi ilə zəhərləndiyini xatırladan Den Hodces öz yazısında iddia edib ki, Putin indi də britaniyalıları COVİD-lə qırmağa çalışır.


Müəllif britaniyalılara müraciətlə yazıb: “Vladimir Putin sizin COVİD-ə qarşı peyvənd olunmanızı istəmir. Putinin vaksin əleyhinə çıxan adamları koronavirusdan istifadə edib bizi öldürməyə çalışır, necə ki, bir vaxt onun agentləri Solsberidə buna cəhd göstərmişdilər. O zaman Putinin adamları Solsberinin küçələrində sərbəstcə “Noviçok”u işə salmışdılar. Bax, eynilə o qaydada Putin indi COVİD-dən istifadə edib bizi Britaniyanın küçələrində qırmaq istəyir”.


Den Hodces iddia edib ki, Rusiya hakimiyyətinin 2016-cı ildə ABŞ-da keçirilən prezident seçkisinə müdaxilə etmək üçün sosial şəbəkələrdə yaratdığı bir sıra hesablar indi də vaksin əleyhinə müzakirələrdə fəallıq göstərir, vaksinasiyaya olan ictimai inamı azaltmağa, britaniyalıların sağlamlığını risk altına salmağa çalışır.


Müəllif bu işdə bəzi britaniyalıların iştirak etdiyini də bildirib və konkret adlar çəkib.


Den Hocesin yazdığına görə, oyun elə qurulub ki, Putinin təbliğatı ilə mübarizə aparmaq istəyəndə belə onun tələsinə düşə, həmin təbliğatı gücləndirə bilərsən: “Əgər siz çölə çıxıb vaksin əleyhinə yönəlmiş bu təbliğatla mübarizə aparmağa çalışsanız ehtiyatlı olmalısınız, yoxsa bir də ayılıb görəcəksiniz ki, təbliğatın özünə qoşulmusunuz”.


Yazısında Den Hodces vurğulayıb ki, bu, hansısa “mədəni müharibə” məsələsi deyil: “Bu, əsl müharibədir, sözün birbaşa mənasında ölüm-dirim məsələsidir”.


Den Hodces Rusiya hakimiyyətinin bu işi dayandırmayacağı təqdirdə Britaniya hökumətinin hərəkətə keçəcəyini də qeyd edib.


2019-cu ilin dekabr ayında Çində üzə çıxıb dünyanı bürüyən koronavirus infeksiyası 196 ölkə, ərazi və məkanda 1 milyon 563 mindən çox adamın ölümünə səbəb olub.


Böyük Britaniya kütləvi peyvəndləməyə qərar vermis ilk ölkədir. Qərar 2020-ci il dekabrın 2-də qəbul olunub. Bunun ardınca dərhal Rusiya kütləvi peyvəndləmənin başlanması haqda qərarını elan edib. Hazırda hər iki ölkədə əhali koronavirusa qarşı peyvənd olunur. Britaniyada ABŞ-ın “Pfizer” və Almaniyanın “BioNTech” şirkətlərinin birgə hazırladığı vaksindən, Rusiyada isə yerli istehsal olan “Sputnik V” vaksinindən istifadə edilir. Başqa ölkələrdə hələ ki, könüllülər öz dövlətlərinin sınaq mərhələsi kimi qəbul etdiyi müxtəlif vaksinlərlə peyvənd olunurlar. Tezliklə xeyli ölkədə və yəqin ki, sonda bütün dünyada vaksinlərin dövlət səviyyəsində qəbul ediləcəyi və kütləvi peyvəndləməyə gediləcəyi gözlənir.

BU KATEQORİYADAN OLAN DİGƏR XƏBƏRLƏR
+ Arxiv
Əli Əsədov Türkiyəyə dəvət olundu 21 Yanvar 2021, 19:24 Azərbaycanla Türkmənistan daha da yaxınlaşdılar - Təhlil 21 Yanvar 2021, 19:19 Bakı metrosunun nə zaman fəaliyyətə başlayacağı məlum oldu 21 Yanvar 2021, 19:10 Bahar Muradova İordaniya səfiri ilə görüşdü 21 Yanvar 2021, 19:02 Reza Deqati Azərbaycanla bağlı keçirilən vebinarda çıxış edib 21 Yanvar 2021, 18:54 Kəlbəcərin Kəndyeri kəndi - VİDEO 21 Yanvar 2021, 18:45 Bakı Şəhər Prokurorluğunun 8 əməkdaşı cəzalandırıldı 21 Yanvar 2021, 18:36 Polis əməliyyat keçirdi - 14 kq narkotik dövriyyədən çıxarıldı 21 Yanvar 2021, 18:27 Naxçıvanda da Medianın İnkişafı Agentliyi yaradıldı 21 Yanvar 2021, 18:19 Bu ölkələrdən Azərbaycana quş ətinin idxalına qadağa qoyuldu 21 Yanvar 2021, 18:10 İndoneziyada 7,1 bal gücündə zəlzələ olu 21 Yanvar 2021, 18:02 Ötən il Azərbaycanda oğurlanan maşınların SAYI 21 Yanvar 2021, 17:56 Pakistan ballistik raketini sınaqdan keçirdi 21 Yanvar 2021, 17:50 Şoyqu Ermənistanın müdafiə naziri ilə DANIŞDI 21 Yanvar 2021, 17:45 Rusiyalı media maqnatı: “Paşinyan adi icevanlı çobandır” 21 Yanvar 2021, 17:39 Daxili Qoşunların yaralanan hərbçisi bu gün şəhid oldu 21 Yanvar 2021, 17:35 Baydenin komandasında kimlər var? - SİYAHI 21 Yanvar 2021, 17:29 Cavad Zərifin Azərbaycana səfər tarixi və proqramı AÇIQLANDI 21 Yanvar 2021, 17:23 Bu ölkə turistlərdən koronavirus pasportu tələb etməyəcək 21 Yanvar 2021, 17:17 ADU-nun Şəhid tələbəsi haqqında kitab çap olundu 21 Yanvar 2021, 17:14 Bu günün yoluxma sayı - ölüm azaldı 21 Yanvar 2021, 17:08 Vətən müharibəsində 8 mədəniyyət işçisi şəhid olub - 10 nəfər yaralanıb 21 Yanvar 2021, 17:02 20 Yanvar faciəsi ilə bağlı məlumatlar yapon dilində  21 Yanvar 2021, 17:00 O dünyadan xəbər var... 21 Yanvar 2021, 16:56 Lavrov ATƏT-in sədri ilə görüşəcək 21 Yanvar 2021, 16:54 Nazirlik hansı şagirdlərin sinifdə qalacağına aydınlıq gətirdi 21 Yanvar 2021, 16:48 Xəzər mehriban qonşuluq, əməkdaşlıq dənizidir - İlham Əliyev 21 Yanvar 2021, 16:42 Küçədən tapılan 12 yaşlı qız ailəsinə verildi 21 Yanvar 2021, 16:36 Səhiyyə komitəsi “Reproduktiv sağlamlıq haqqında” qanun layihəsi hazırlayacaq 21 Yanvar 2021, 16:30 Məktəblilər bu tarixdə qış tətilinə çıxacaq 21 Yanvar 2021, 16:24 İki türk dövlətinin “Dostluq” anlaşması - TƏHLİL 21 Yanvar 2021, 16:18 İlham Əliyev: Bu gün biz Türkmənistanla çox mühüm addım atırıq - YENİLƏNİB 21 Yanvar 2021, 16:15 “Universitetlərdə bu qədər müəllimə ehtiyac yoxdur” - Rektordan etiraz 21 Yanvar 2021, 16:12 Füzulinin Dördçinar kəndindən VİDEO 21 Yanvar 2021, 16:06 “Nar” Qarabağ müharibəsi veteranları üçün xüsusi güzəştlər təqdim edir    21 Yanvar 2021, 16:00