Birləşmiş Ərəb Əmirliklərində dünyanın ən böyük silah sərgilərindən biri – IDEX-2021 sərgisi açılıb.
Modern.az xəbər verir ki, Dubayda keçirilən sərgidə Azərbaycan və Ermənistan pavilyonları arasında kəskin fərq diqqəti cəlb edib.
Belə ki, Azərbaycan tərəfinin təqdim etdiyi pavilyonda atıcı silahların və s. zəngin çeşidi olsa da, Ermənistanın pavilyonu yalnız bukletlərdən ibarət idi.
İki ölkənin silah sərgisində təqdim etdiyi pavilyonlar arasında kəskin fərq erməni cəmiyyətində ölkənin hərbi sənayesinin acınacaqlı durumu ilə bağlı ciddi narazılıq yaradıb.
