Arxiv
27 Aprel 2021, 08:55 | ANALİTİKA
Baydenin “soyqırımı” ifadəsi Türkiyəni erməni şərindən qurtaracaq...

Mübariz Azərbaycanlı,
müstəqil jurnalist

 

 

ABŞ Prezidenti Co Baydenin gündəmi bürümüş uydurma “erməni soyqırımı”na “kardaşyancasına” münasibət bildirməsinin ömrü, nəinki 40 gün, heç 10 gün də çəkməyəcək. Onun nə deməsindən asılı olmayaraq bu məqamda məsələyə optimist yanaşıb “Hər nə olursa, yaxşılığa doğru olur” deyimini nəzərə almaq daha doğru olar. Əlbəttə, tarixi olayı araşdırmadan ona qərəzli şəkildə siyasi qiymət vermək heç bir halda qəbul edilən deyil. Ancaq kim bilir, bəlkə elə Baydenin bu “soyqırım” ifadəsini işlətməsi nəhayət Türkiyənin erməni şərindən birdəfəlik qurtulmasına gətirib çıxaracaq...

 

Diqqət edin, məgər ABŞ Prezidentinin bu sözü dilə gətirməzdən bir gün öncə Türkiyə Prezidentinə telefon açması və “soyqırımla” bağlı çıxışında, “... Bunu günahlandırmaq üçün deyil, baş verənlərin bir daha təkrarlanmaması üçün edirik”, deməsi, “qırılmış ermənilərlə” bağlı bu uydurmaya birdəfəlik son qoyulması demək deyilmi?

 

Sözsüz ki, siyasətdə böyük təcrübəsi olan Bayden 106 il öncə baş vermiş tarixi hadisəyə araşdırılmadan siyasi qiymət verilməsinin doğru olmadığını özü çox gözəl bilir. Çünki o, “Ağ evin” Osmanlı imperiyasının 1915-ci il hadisələri ilə bağlı araşdırma apardığını bilməmiş deyil. ABŞ-ın keçmiş Prezidenti Ronald Reyqanın məsləhətçisi olmuş Brüs Feynin ““Erməni soyqırımı” məsələsi heç bir əsasa söykənmir, belə ki, 1915-ci ildə daha çox türk həlak olub, nəinki erməni. Biz Prezident Reyqanın tapşırığı əsasında bu məsələ ilə bağlı o zaman araşdırma apardıq. Bir sıra arxiv sənədləri tapıldı, hansı ki, onlar Avropa və o zamankı Osmanlı İmperiyasının hərbi arxivlərində qorunurdu. Araşdırma nəticəsində məlum oldu ki, o hadisələrdə daha çox türk həlak olub, nəinki erməni. “Erməni soyqırımı” barədə nağıl, erməni tarixçilərinin xülyalarının məhsuludur. Erməni bandit birləşmələri 2 milyondan artıq türk öldürüblər”, deməsindən Bayden mütləq xəbərdardır.

 

Bundan əlavə, olayla bağlı Brüs Feyn dediklərindən o da məlum olur ki, Osmanlı İmperiyası dövründə bütün dini və etnik azlıqlar eynilə türklərin istifadə etdikləri hüquqlara malik olub və ondan istifadə ediblər: “Yunanlar, kürdlər, çerkəslər, ərəblər və ermənilər o dövrlərdə Türkiyədə kifayət qədər yüksək vəzifələr tuturdular. Birinci dünya müharibəsi illərində ermənilər vətəni sataraq, Osmanlı İmperiyasının düşmənlərinin tərəfinə keçdilər. Ermənilər ruslarla çiyin-çiyinə vuruşurdular. Onlar türk və gürcü kəndlərini talayır, dinc əhalini qırırdılar. Araşdırma aparılarkən Türkiyə tərəfi onların arxivlərindən istifadə etməyə icazə verdi, amma ermənilər qəti surətdə öz arxivlərinin açılmasına icazə vermədilər. Mənim nəzərimcə əgər o arxivlərin açılmasına nail olunsa, həqiqət mütləq üzə çıxacaq. O zaman ermənilər tarixi böhtana görə dünya, xüsusən də türklərin qarşısında üzr istəməli olacaqlar.”

Əlbəttə, bütün dünya bilir ki, Türkiyə dövləti ermənilər tərəfindən bu uydurma soyqırım oyunu ortaya atıldığı gündən Ermənistana dəfələrlə ortaq tarixi komissiya yaradılması barədə öz təklifini verib. Ancaq bu iddianı özlərindən siyasi məqsədlər üçün uydurduqlarını yaxşı qanan haylar şübhəsiz ki, Türkiyənin təklifindən bilərəkdən boyun qaçırırlar. Belə olmasaydı, hər bir oyunlarını kilsədə ssenariləşdirən haylara Türkiyə ermənilərinin patriarxı Sahak Maşalyan “Bəzi ölkələrdə xalqımızın acısını və əcdadlarımızın müqəddəs xatirəsinin gündəlik siyasi məqsədlər üçün alətə çevrilməsini görmək bizi üzür”, - deyə, bu iddiadan əl çəkilməsinə çağrış edərdimi?

 

Sözsüz ki, ömürboyu başqalarının əlində oynadılmağa vərdiş etmiş ermənilərin əslində burada öz növbəti məkrli niyyətləri var; Türkiyədən müxtəlif formada təzminat almaq. Ancaq təzminat eşqinə düşən haylar qanmır ki, bu, hüquq məsələsidir və belə məsələlər yalnız məhkəmələrdə həll olunur. Məhkəmədə prosedur qaydalara uyğun olaraq ortaya qoymağa əllərində heç bir dəlil-sübut və ya hansısa hüquqi sənədi olmayan ermənilərin bu istəyə nail olmaları isə “ac toyuğun yuxuda darı görməsi”nə bərabərdir.

 

Məhkəmə demişkən, bir neçə gün öncə BMT Baş katibinin rəsmi nümayəndəsi Stefan Dujarrik ABŞ-ın uydurma erməni “soyqırımı”nı tanıyıb tanımayacağı ilə bağlı sualı cavablandırarkən, “Soyqırım faktı yalnız müvafiq məhkəmələr tərəfindən müəyyən edilə bilər. Yaxşı olar ki, bu barədə məhkəməyə müraciət olunsun. Bu, son illərdə bir neçə dəfə qaldırılan məsələdir. Biz BMT-nin yaranmasından əvvəl baş verən hadisələrə münasibət bildirmirik. Fərqli vəziyyətlərdə və fərqli şərtlərdə soyqırım həqiqətinin müvafiq məhkəmə orqanı tərəfindən müəyyənləşdirilməli olduğunu bildirmişik”, deməsi bir daha onu sübut edir ki, ermənilərin uydurduğu bu məsələ heç bir halda siyasi yox, məhz tarixi və hüquq məsələsidir.

 

Huquqa gəlincə isə əslində indiki halda Türkiyə illərdir onun zəhləsini tökmüş Ermənistana qarşı gərək vaxt itirmədən əks hücuma keçsin. Türkiyə “erməni soyqırımı” məsələsində müdafiə olunmaqdan və humanistlikdən mütləq əl çəkməlidir. O neçə illərdir ermənilər tərəfindən bütün dünyada uydurma “soyqırımı” adı ilə siyasi təzyiqə və ya şantaja məruz qoyulduğunu əsas götürərək, arxivlərdəki sənədlər əsasında Ermənistanı, həmçinin bu uydurmanı siyasi oyunbazlıqla tanımış digər dövlətləri, ayrı-ayrı ermənipərəst və ya ermənilərə pul müqabilində satılaraq beynəlxalq aləmdə nüfuzuna zərbə vurmuş siyasətbazları şər və böhtan atdıqlarına görə beynəlxalq məhkəməyə verməlidir.

 

Belə olan halda heç şübhəsiz ki, bu olaylarla bağlı Türkiyə və digər ölkələrin arxivlərində saxlanılan tarixi sənədlərin tozunun ermənilərin gözünə və burnuna dolacağını bütün dünya görəcək. Buruna dolan tozun təmizlənməsinin ən yaxşı yolu isə yalnız asqırmaqdır. Odur ki, ermənilər qoy indidən gedib asqırsınlar.

BU KATEQORİYADAN OLAN DİGƏR XƏBƏRLƏR
+ Arxiv
Niyazi Bayramov sakinlərin müraciətlərini qeydiyyata götürdü 24 İyun 2021, 15:32 İnsanları işə düzlətmək adı ilə aldanan şirkət direktoru SAXLANILDI 24 İyun 2021, 15:27 Ermənistan PUA istehsal edəcək 24 İyun 2021, 15:23 Yeni dalğanın qarşısını almaq üçün peyvənd olunmalıyıq - Deputat 24 İyun 2021, 15:19 Qırğızıstan Azərbaycana yeni səfir təyin etdi 24 İyun 2021, 15:12 Yas mərasimlərinin təşkilinə də icazə verilsin - TƏKLİF 24 İyun 2021, 15:06 Suqovuşanı azad edən 10 min 647 hərbçiyə medal verildi - SƏRƏNCAM 24 İyun 2021, 15:00 Deputat 3 kənddə seçicilərini qəbul edib - FOTOLAR 24 İyun 2021, 14:54 Çalışdığı şirkətin 15 mindən çox pulunu mənimsədi 24 İyun 2021, 14:48 Serbiya NATO-ya üzv olmayacaq 24 İyun 2021, 14:42 “Daşkəsən Dəmir Filiz” MMC bu universitetlə əməkdaşlıq edəcək 24 İyun 2021, 14:36 Bir qrup hərbçi “Laçının azad olunmasına görə” medalı ilə təltif edildi 24 İyun 2021, 14:30 Bugünədək 578250 hektar sahədə biçin aparılıb - FOTOLAR 24 İyun 2021, 14:25 Kəlbəcərin azadlığına görə təltif edilənlər - SİYAHI 24 İyun 2021, 14:20 Bakıda daha bir marşrut xətti karta keçdi 24 İyun 2021, 14:14 Prezident və xanımı “Gülüstan” SARAYINDA 24 İyun 2021, 14:08 Bir qrup hərbçi “Ağdamın azad olunmasına görə” medalı ilə təltif edildi - SİYAHI 24 İyun 2021, 14:02 “BakuBus”un avtobusu qəzaya düşdü - FOTOYENİLƏNİR 24 İyun 2021, 13:56 Lavrov Azərbaycanla Ermənistan arasında etimaddan DANIŞDI 24 İyun 2021, 13:50 Ermənistanda seçkilər, Bakı ilə Moskvanın məsləhətləşmələri - ŞƏRH                     24 İyun 2021, 13:45 Minalardan və partlamamış hərbi sursatlardan təmizləmə üzrə İşçi Qrupun iclası keçirilib 24 İyun 2021, 13:40 Azad olunan yerlərə ilk növbədə bu məcburi köçkünlər QAYTARILACAQ 24 İyun 2021, 13:34 Təhsil Nazirliyindən məzun günü ilə bağlı QƏRAR 24 İyun 2021, 13:28 Maliyyə Nazirliyində yeni təyinatlar 24 İyun 2021, 13:22 Şuşa fatehləri TƏLTİF OLUNDU 24 İyun 2021, 13:16 SOCAR 25 milyon dollarlıq müqavilə imzaladı 24 İyun 2021, 13:10 Ukraynada yaşayan azərbaycanlı gənclərlə görüş keçirilib 24 İyun 2021, 13:04 “Bu qərarlarla istənilən toy sahibini cərimələmək mümkündür” - Deputatdan ETİRAZ               24 İyun 2021, 12:58 Sabahkı hava əksər insanlar üçün əlverişsiz olacaq - 43 dərəcə isti 24 İyun 2021, 12:52 Koronavirusa yoluxanlara da vaksin vurula bilər 24 İyun 2021, 12:46 COVİD-19 vaksini sonsuzluğa səbəb olur? - Rəsmi cavab 24 İyun 2021, 12:40 “Vaksin olunmuş insanlarda ağrı bütün peyvəndlər üçün keçərlidir” - Ekspert 24 İyun 2021, 12:34 Ermənilər nəyə əsasən “Virk-Vrastan” anlayışının mənasını Gürcüstan kimi qələmə verir?  24 İyun 2021, 12:28 Ölümündən sönra təltif olunan Şəhid polkovnik-leytenantlar - SİYAHI 24 İyun 2021, 12:22 Sabiq prezident vəfat etdi 24 İyun 2021, 12:16
SORĞU AVRO-2020-nin qalibi hansı komanda olacaq?