"Görəsən atam sağ olsaydı mənə nə deyərdi"


Modern.az saytının növbəti müsahibi tanınmış jurnalist Elçin Şıxlıdır. Bu dəfə ənənəvi müsahibələrdən fərqli olaraq, həmsöhbətimizə sualları elə müsahibin həmkarları, dostları ünvanlayır. Biz isə sayt olaraq dostların suallarını çatdırmaqda vasitəçi oluruq. Görək, Elçin Şıxlıya hansı sualları ünvanlayıblar və o, necə cavab verib. 

Beləliklə, 22 iyul Milli Mətbuat Günündə fəaliyyəti dayanmış "Ayna-Zerkalo" qəzetlərinin baş redaktoru Elçin Şıxlı ilə videomüsahibəni təqdim edirik: 

Ləman Ələşrəfqızı - telejurnalist: 

1)  İsmayıl Şıxlı ata kimi maraqlı adam idi, yoxsa yazıçı kimi?
2) General Əliağa Şıxlinski ilə hansısa qohumluq əlaqələri varmı? Onun "Xatirələrim " əsərini latıncaya çap etdirib orta məktəblərdə əlavə vəsait kimi paylanmasına çalışa bilərmi?

Çingiz Abdullayev – yazıçı:

Elçin Şıxlının Azərbaycan və dünya ədəbiyyatında sevdiyi yazıçılar kimlərdir? 

Əfqan Qafarlı- Modern.az saytının redaktoru:

1) Əgər atanız İsmayıl Şıxlı sağ olsaydı, bugünkü vəziyyətinizlə əlaqədar ondan hansı məsləhəti istəyərdiniz?
2) Azərbaycan cəmiyyətində mənəvi dəyərlər aşınıb, deqredasiya vəziyyəti yaşanır, əxlaq normaları dəyişir kimi fikir səsləndirənlər çoxdur. Bu fikirlə razısınızsa, bir ziyalı olaraq səbəbləri necə izah edərdiniz?

Aqil Abbas - yazıçı, deputat:

Bu yaxınlarda Kür çayının yanından keçirdim. Soruşmaq istəyirəm ki, Elçin, Kür çayı İsmayıl Şıxlısız yetim qalmayıb ki?

Rəşad Məcid  - “525-ci qəzet” in baş redaktoru, yazıçı:

Çoxdandır onu görmürəm. Ovqatı, səhhəti necədir? Nə ilə məşğuldur?

 

Flora Kərimova – müğənni:

Elçin intellektual, vətənpərvər, elə bütöv bir varlıqdır ki... Elə bir ailədən gəlib ki, ona sual ola bilməz. Ona ancaq pərəstiş ola bilər. Ona oxşamaq, bənzəmək  arzusu ola bilər...

Amma belə bir sual verərdim ki, Elçin, ziyalı olmaq üçün ziyalı doğulmaq lazımdır, yoxsa ziyalı kimi tərbiyə almaq lazımdır?