Arxiv
24 Dekabr 2018, 16:01 | REPORTAJ
Məmurlar jurnalistlərlə sülhə razılaşdılar - FOTOLAR

Bu gün - dekabrın 24-də Diasporla İş üzrə Dövlət Komitəsinin, Milli Məclisin Gənclər və İdman Komitəsinin, Parlament Jurnalistləri Birliyinin birgə təşkilatçılığı ilə dövlət qulluqçuları və Parlament Jurnalistləri Birliyinin (PJB) üzvləri arasında Dünya Azərbaycanlıların Həmrəylik günü və Yeni İlə həsr olunmuş futbol matçı keçirilib. 

 

Modern.az-ın məlumatına görə, Diasporla İş üzrə Dövlət Komitəsinin əməkdaşları ilə ilk dəfə keçirilən yoldaşlıq oyunu “ASK Arena” stadionunda baş tutub.

Gərgin idman mübarizəsi şəraitində keçən oyun 6:6 hesabı ilə başa çatıb.

 

Dövlət Komitəsinin nümayəndələri, Milli Məclisin deputatlarından ibarət olan komandanın heyətindən Diasporla İş üzrə Dövlət Komitəsinin sədri Fuad Muradov və digərləri qol vurublar.

Jurnalistlərdən ibarət komandadan isə Anar Kəlbiyev, Aqil Aslan, Tural Məmmədli və Nurani İsgəndərov rəqib komandanın qapısına yol tapa bilib.

 

Diasporla İş üzrə Dövlət Komitəsinin sədri Fuad Muradov oyundan sonra jurnalistlərə bildirib ki,  bu gün -24 dekabr Prezident İlham Əliyevin ad günüdür.

 

“Stadionda gözəl əhval ruhiyyə var. Milli Məclisin Gənclər və İdman Komitəsinin, Diasporla İş üzrə Dövlət Komitəsinin, Parlament Jurnalistləri Birliyinin, “Neftçi”  veteranlar klubunun nümayəndələri, jurnalistlər bu gün bura yığışmışık ki, bir dostluq görüşü həyata keçirək.

 

Gördüyünüz kimi, çox yaxşı, mehriban, münasibət var. Ümumiyyətlə, Azərbaycanda idmanın inkişafı çox yüksək səviyyədədir. Biz çox şadıq ki, bizim jurnalistlərimiz, veteranlarımız, dövlət qulluqçularımız, Diaspor Komitəsinin də bütün tərkibi burda iştirak edir. Futbol meydançasında bizi izləyirlər. Son 20 ilə yaxın, xüsusilə də son 15 ildə həyata keçirilən islahatlar birbaşa Prezident İlham Əliyevin adı ilə bağlıdır. Qabaqdan bizim böyük uğurlarımız gəlir”.

 

Komitə sədri bildirib ki,  yaxın zamanlarda möhtərəm cənab Prezidentin başçılığı altında belə oyunları Şuşada, Laçında, Kəlbəcərdə, Dağlıq Qarabağda həyata keçirəcəyik.

 

“Hamımız birlikdə bu gözəl bayramları orada qeyd edəcəyik. Bir daha böyük diqqətə görə, ictimaiyyətə, jurnalistlərimizə, veteranlarımıza təşəkkürümü bildirmək istiyirəm.

 

İdman həmişə sağlamlıqdır, idman gələcəkdir, inkişafdır. Birgə gözəl idman tədbirini həyata keçirmək bir daha onu göstərir ki, Azərbaycan xalqı bütöv, monolitdir, ölkə rəhbərliyi tərəfindən həyata keçirilən islahatlarda hər zaman bizim xalqımız tərəfindən çox böyük rəğbətlə qarşılanır. 

Bu işlərdə də bizim hər birimiz nə bacarırıqsa eləməliyik və təbii ki, bunu mütləq şəkildə eləyəcəyik”.

 

Milli Məclisin Gənclər və idman komitəsinin sədri Ülvi Quliyev jurnalistlərə bildirib ki, ənənəvi olaraq biz hər zaman belə futbol yarışları təşkil edilir.

 

“Bu gün də dövlət qulluqçuları və jurnalistlər arasında dostluq görüşü keçirilir. Bu dostluq görüşünün əsas məqsədi gəncləri sağlam həyat tərzinə çağırmaqdır. Bilirsiniz ki, ölkə başçısı İlham Əliyev hər zaman idmana, gənclər siyasətinə xüsusi diqqət ayırır, önəm verir.

 

Ölkəmizin başçısı hər zaman qeyd edir ki, Azərbaycan gənclərinin sağlam, bilikli, savadlı, peşəkar olması bizim əsas məqsədlərimizdəndir. Ölkəmizdə bu istiqamətdə də çox böyük işlər görülür, dövlət səviyyəsində tədbirlər keçirilir. Biz hər zaman ölkəmizin başçısının siyasətini dəstəkləyirik. Bu gündə o dəstəyi nümayiş etdirərək gənclərimizə sağlam həyat tərzinə dəvət edirik”.

 

Parlament Jurnalistlər Birliyinin sədri Elşad Eyvazlı deyib ki, Prezident İlham Əliyev hər zaman ad günlərini sadə insanlar arasında keçirib.

“Biz də sadə bir yolla Prezidentimizi təbrik etmək istədik. Onun Azərbaycanın inkişafı naminə gələcək işlərində uğurlar arzulayırıq. Bununla həm də bildirmək istəyirik ki, jurnalist olaraq hər zaman Prezidentimizin yanındayıq.

 

Oyunun nəticələri haqqında danışan E.Eyvazlı deyib ki, AFFA-nın hakiminin idarə etdiyi qarşılaşma yüksək səviyyədə keçib:

 

“Olduqca maraqlı bir oyun izlədik. Düşünürəm ki, hər iki komanda izləyənlər üçün maraqlı oyun sərgiləyə bildi”.

 

Qeyd edək ki, yoldaşlıq oyununu izləyənlər arasında Milli Məclisin Gənclər və İdman Komitəsinin sədri Ülvi Quliyev, deputat Elşad Həsənov, AFFA-nın bir neçə hakimi, “Neftçi”  veteranlar klubunun nümayəndələri, jurnalistlər, ictimaiyyət nümayəndələri  və başqaları var idi.

 

 

 

 

 

 

 

 

 

BU KATEQORİYADAN OLAN DİGƏR XƏBƏRLƏR
+ Arxiv
Bir şəklin tarixçəsi: İlham Əliyev Şuşada - FOTO  30 Oktyabr 2020, 09:25 Torpağı işğaldan azad edilənlərin köçkün statusu nə zaman ləğv ediləcək? - Qanun belə deyir... 30 Oktyabr 2020, 09:06 Dünyada koronavirusa yoluxanların sayı 45 milyonu ötdü 30 Oktyabr 2020, 09:00 “Ermənilər mülki əhalini vurmaqda iki məqsəd güdürlər” - Psixoloq 30 Oktyabr 2020, 08:55 Hərbçilərimiz MDB Silahlı Qüvvələrinin Qərargah Rəisləri Komitəsinin iclasında iştirak edəcək 30 Oktyabr 2020, 08:46 Rusiyada yaşayan yarasalarda koronavirus aşkarlandı 30 Oktyabr 2020, 08:38 Ermənistan 4 rayonumuzu artilleriya atəşinə tutur - Müdafiə Nazirliyi 30 Oktyabr 2020, 08:30 Düşmənin bu gecə məhv edilən texnikaların SİYAHISI 30 Oktyabr 2020, 08:20 Bu gecə döyüş əməliyyatları cəbhənin üç rayonunda davam edib - SON VƏZİYYƏT 30 Oktyabr 2020, 08:12 İstanbulda teleqüllə iki qardaş ölkənin bayraqlarının rəngində işıqlandırılıb 30 Oktyabr 2020, 07:26 Cəbhə gündəliyi: 29 oktyabrda nələr oldu... 30 Oktyabr 2020, 04:00 Qurban Qurbanovdan Rusiya TV-sinə: “Başlarına dəysin” 30 Oktyabr 2020, 01:01 Yaşayış məntəqələrinə atılan raketlər zərərsizləşdirildi 30 Oktyabr 2020, 00:44 ““Qarabağ”ın oyunu adama xoş gəlir” - Unay Emeri 30 Oktyabr 2020, 00:31 Zaxarova Azərbaycan və Ermənistan XİN rəhbərlərinin Cenevrə görüşünün detallarını açıqladı 30 Oktyabr 2020, 00:22 Bərdədə raket zərbələri yaşayış evlərinə endirilib - Xarici jurnalist - VİDEO 30 Oktyabr 2020, 00:10 Teledərslərin sabaha olan CƏDVƏLİ 29 Oktyabr 2020, 23:55 “Qarabağ” İstanbuldan xalsız qayıdır - YENİLƏNİB 29 Oktyabr 2020, 23:49 “Jonson&Jonson” Qarabağdakı terrorçu rejimi maliyyələşdirir? - FOTO 29 Oktyabr 2020, 23:28 Bakı Olimpiya Stadionu da Türkiyə bayrağına “büründü” - FOTO 29 Oktyabr 2020, 23:11 Cavabdeh şəxslər ədalət məhkəməsi qarşısında cavab verməlidir - Nazirlər 29 Oktyabr 2020, 22:56 “VICE News” da Bərdəyə kasetli raketlər atıldığını təsdiqlədi 29 Oktyabr 2020, 22:52 Türkiyədə koronavirusa yoluxanların sayı artır 29 Oktyabr 2020, 22:41 XİN-dən açıqlama: “...Rusiya Müdafiə Nazirliyi müstəsna rol oynayıb” 29 Oktyabr 2020, 22:28 Düşmən qüvvələri məhv edildi - VİDEO 29 Oktyabr 2020, 22:12 “Azərbaycan Ordusu Şuşanın 5 kilometrliyindədir” - ermənilər təşvişə düşdü 29 Oktyabr 2020, 22:04 Yenidən distant təhsilə qayıdırıq - Baş Nazirdən QƏRAR 29 Oktyabr 2020, 21:53 “Amnesty International”dən Bərdə ETİRAFI 29 Oktyabr 2020, 21:31 “Qarabağ” - “Vilyareal” matçında start heyətləri açıqlandı 29 Oktyabr 2020, 21:23 Azərbaycan və Türkiyə XİN rəhbərləri son prosesləri müzakirə etdilər 29 Oktyabr 2020, 21:17 GUAM Azərbaycan şəhərlərinin raket atəşinə tutulmasını pislədi 29 Oktyabr 2020, 21:02 Dinc əhalimizi atəşə tutan düşmən bölmələri darmadağın edilir - VİDEO 29 Oktyabr 2020, 20:46 Konstitusiya Məhkəməsindən Bərdə bəyanatı 29 Oktyabr 2020, 20:41 Atatürkün balıqçı meyxanəsindəki şəkilləri 29 Oktyabr 2020, 20:34 Heydər Əliyev Mərkəzinin binası üzərinə Türkiyə bayrağı proyeksiya olundu - FOTO 29 Oktyabr 2020, 20:23