Arxiv
25 Aprel 2019, 14:27 | REPORTAJ
Zelenskinin azərbaycanlı dostu: “Qarabağ məsələsində bizi dəstəkləməməsi mümkün deyil” - MÜSAHİBƏ - FOTOLAR

Şakir Eminbəyli: “Onun peşəkarlığına əminəm” Ukraynada aprelin 21-i keçirilmiş prezident seçkilərinin nəticələrinə görə, şoumen Vladimir Zelenski qalib gəldi və ölkə başçısı seçildi. Prezident seçkilərinə qədər Vladimir Zelenski ”95-ci kvartal” stand-up şousunun yaradıcısı, ”Qudalar” serialının prodüseri, ”Xalqın xidmətçisi”, ”Böyük şəhərdə sevgi” və ”İlk 8 görüş” seriallarının qəhrəmanı kimi tanınıb.V.Zelenskinin prezident seçilməsindən sonra sosial şəbəkələrdə onun Azərbaycanın Qəbələ şəhərində çəkilən fotoları yayıldı. Məlum oldu ki, Zelenski bir neçə il əvvəl şoumen kimi ölkəmizə dəvət olunub və Qəbələdə təşkil edilən layihədə iştirak edib.

Azərbaycanda onunla birlikdə həmin layihədə iştirak etmiş jurnalist Şakir Eminbəyli yeni prezident haqqında suallarımızı cavablandırdı. O, Modern.az-a müsahibəsində xüsusi qeyd etdi ki, Vladimir Zelenskini və onun ”Kvartal 95” şirkətini Qəbələyə ”Xəzər Travel” turizm agentliyinin rəhbəri Rüfət Hacıyev dəvət edib.

- Bəs sizin Zelenski ilə tanışlığının tarixçəsi necədir?

- Mən də onunla  agentliyin həyata keçirdiyi layihə çərçivəsində tanış olmuşam. Münasibətlərimiz dostluq səviyyəsinə qədər yaxşı olub.

- Onun ölkəmizlə bağlı təəssüratları necə oldu?

- Zelenski dost ölkəyə gəldi. Söhbət açdığım layihə çərçivəsində əməkdaşlıq məqsədilə regionlarımızı gəzdi. Daha çox Qəbələdə həmin layihə keçirilən obyektlərə baxmaq üçün gəlmişdi. Biz onu elə özümüzə xas qonaqpərvərliklə qarşıladıq. Sözsüz ki, Azərbaycanın mühitindən, təbiətindən, insanlarımızın münasibətindən razılığını ifadə etdi. Bu ilkin səfər nəticəsində 2018-ci ilin yanvar ayında Rüfət Hacıyevin Vladimir Zelenski və onun komandasının iştirakı ilə həyata keçirmək istədiyi layihə möhtəşəm şəkildə reallaşdı.

- Zelenskinin Azərbaycana dostluq münasibətinin olduğunu ifadə etdiniz. Prezidentliyi dövründə atacağı addımlarda da dostluq münasibətini saxlayacağını düşünə bilərikmi?

- Azərbaycan və Ukrayna arasında hazırda çox yaxşı, isti münasibətlər, əməkdaşlıq mövcuddur. Hər iki ölkə rəhbərliyi çox istəyər ki, bu dövlətlər arasında iqtisadi, ticarət münasibətləri daha da yaxşılaşsın. Heç kəsə sirr deyil ki, dövlət idarəçiliyində rəhbərlər arasındakı şəxsi münasibətlər də rol oynayır. Ukraynanın hazırkı prezidentinin ölkəmizə qarşı münasibətini, Azərbaycanla birbaşa təmaslarını, burada çoxlu dostlarının olmasını nəzərə alsaq, həmin vəziyyət lehimizədir. Düşünürəm ki, siyasət baxımından bu əlaqələrdən yararlanmaq lazımdır. Hesab edirəm ki, Azərbaycan siyasi rəhbərliyi də bununla bağlı lazımi addımları atacaq və Ukraynanın yeni seçilmiş prezidenti ilə dövlət səviyyəsində əlaqələr qurulacaq.

- Bəzi siyasi şərhçilər Vladimir Zelenskinin şoumen olmasının prezidentlik fəaliyyətində səriştəsizliyinə səbəb olacağını iddia edirlər…

- Mən siyasətçi deyiləm. Amma bizim politoloqlar inciməsinlər, əsassız iddialarla çıxış etdilər. Prezident seçilmiş şəxsin əvvəllər məşğul olduğu əsas peşəsinin siyasətə nə aiddiyyəti var? V.Zelenski media, internet, əyləncə sahəsində öz yerini, mövqeyini tutmuş güclü və uğurlu şirkət yaradıb. Onun menecerlik qabiliyyəti, idarəçilik bacarıqları yüksək səviyyədədir. Ətrafına yığdığı komandanın peşəkarlığından da, ərsəyə gətirdiyi uğurlu işlərdən də idarəçiliyinin effektivliyi görünür. O, dövlətin idarəsində də menecerlik bacarıqlarını nümayiş etdirə biləcək. Aktyoru prezident seçəndə özü ilə səhnəyə çıxmış adamı müdafiə naziri təyin edəsi deyil ki... Bu məsələlər peşəkar səviyyədə təşkil olunacaq. Mən isə Zelenskinin peşəkarlığına əminəm. Öz ətrafına işini bilən, öz sahəsinin peşəkarlarını toplayacaq və siyasətini uğurla həyata keçirəcək.

- Prezident olmaq iddiası sizcə, əvvəldən onun planları arasında olub?

- Vladimir Zelenski və onun komandası dünyada misli bərabəri olmayan layihəni həyata keçirdilər. Əvvəlcə prezidentin prototipini kinoda yaratdılar. Sonra isə həmin prototipə uyğun olaraq, uğurlu prezident kampaniyasını həyata keçirdilər və qalib gəldilər. Ümid edirəm, sonda filmdəki kimi ölkə qazanacaq. Düzdür, Vladimir Zelenski üçün kinoda etdiklərini gerçək həyatda reallaşdırmaq çətin olacaq. Çünki Ukraynanın mövcud qanunvericiliyi, siyasi quruluşu fərqlidir. Amma yeni prezidentin bu işin də öhdəsindən gələcəyinə şübhəm yoxdur.

- Ukrayna 2014-cü ildə Krımın Rusiya tərəfindən ilhaqı ilə üzləşdi. Elə həmin dövrdən bu ölkələr arasında mübahisəli məsələlər qalmaqdadır. Yeni prezidentin buna münasibəti ilə əlaqədar diqqətinizi çəkən məqam olubmu?

- Ukraynada tək Krım deyil, Donetsk və Luqansk vilayətləri ilə bağlı da oxşar vəziyyət hökm sürür. Rusiya orada yaşayan Ukrayna vətəndaşlarının Rusiya pastortu alması üçün sadələşdirilmiş qanun layihəsini təsdiqlədi. Nəticədə Ukrayna vətəndaşlarının Rusiya pasportu alması asanlaşdı. Bu isə artıq birbaşa dövlətin işinə qarışmaq deməkdir. Ukrayna da bununla bağlı bəyanat verdi. Mövcud vəziyyət Zelenskinin də, ondan sonrakı prezidentlərin də idarəçiliyini çətinləşdirir.

- Ukrayna prezidentindən Ermənistan-Azərbaycan, Dağlıq Qarabağ münaqişəsi ilə bağlı adekvat münasibət gözləyə bilərikmi?

- İşğal faktoru hər iki ölkəni birləşdirən məqamdır. Qarabağla bağlı Vladimir Zelenskinin bizi dəstəkləməməsi mümkün deyil. Çünki hər iki dövlət ərazi problemləri yaşayır. Biz Ermənistanın işğalına məruz qalmışıq, Ukrayna isə Krımın ilhaqı ilə üzləşib. Bu problemlər dünya tərəfindən də qəbul edilir. Ona görə, Ukraynanın da Azərbaycanın ərazi bütövülyü mövqeyindən çıxış edəcəyini düşünürəm.

BU KATEQORİYADAN OLAN DİGƏR XƏBƏRLƏR
+ Arxiv
Təhsil idarəsi mərkəzdəki partlayışla bağlı məlumat YAYDI 16 Dekabr 2019, 14:03 Bakıda havanın temperaturu yüksələcək - PROQNOZ 16 Dekabr 2019, 13:31 Rusiya gizli silahını işə saldı – NATO narahat qaldı 16 Dekabr 2019, 13:31 Seçkiləri saxtalaşdıranları bu cəzalar GÖZLƏYİR - həbs, cərimə, küçə süpürmək... 16 Dekabr 2019, 13:28 Ağ Şəhərdə piyada keçidi və yolayırıcı açılır 16 Dekabr 2019, 13:21 Zelenskinin Azərbaycan səfərinin TƏFƏRRÜATLARI – Prezident və baş nazirlə görüşəcək 16 Dekabr 2019, 13:16 “Deputat seçilmək mənim istəyimlə olan məsələ deyil” - Əliağa Hüseynov 16 Dekabr 2019, 13:10 Həştərxan vilayəti ilə mədəni əlaqələr müzakirə edilib - FOTO 16 Dekabr 2019, 13:06 Bu il vəfat edən tanınmışlar - teleaparıcı, akademik, meyxanaçı, bəstəkar, pilot… 16 Dekabr 2019, 13:02 Jurnalistlər 2019-cu ilin idman hadisələrindən DANIŞDILAR: “Millimiz azarkeşləri əsəbləşdirdi” 16 Dekabr 2019, 12:56 İcra başçısı müşavirə keçirdi 16 Dekabr 2019, 12:52 Konfutsi Institutu Azərbaycan televiziyasının efirində - FOTO   16 Dekabr 2019, 12:46 Bakıda Yeni il yolkalarının quraşdırılmasına başlanıldı 16 Dekabr 2019, 12:40 “Kəlbəcər” adlı tanker istifadəyə veriləcək 16 Dekabr 2019, 12:34 Bakıda evdən 20 min manat oğurlanıb 16 Dekabr 2019, 12:29 Ağır xəstə Novruz Salmanov yaşamaq üçün kömək istəyir 16 Dekabr 2019, 12:24 Dövlət orqanlarında vəzifə tutan deputatlar yenə namizəd olacaqlar?.. 16 Dekabr 2019, 12:18 Bakı Beynəlxalq Dəniz Ticarət Limanında “ASAN Viza” tətbiq olunur 16 Dekabr 2019, 12:17 Yaqub Mahmudov saytları məhkəməyə VERƏCƏK 16 Dekabr 2019, 12:15 Göyçayda oğrular “iş başında” yaxalandı - FOTO 16 Dekabr 2019, 12:09 Sarkisyan istintaqda eks-nazirlə üzləşdirildi 16 Dekabr 2019, 12:03 Polis daha 57 şübhəlini SAXLADI 16 Dekabr 2019, 12:00 Azərbaycan-Gürcüstan enerji sistemləri optik kabellə əlaqələndirildi - VİDEO 16 Dekabr 2019, 11:55 Şirməmməd Hüseynovun məzarı ziyarət edildi - FOTO 16 Dekabr 2019, 11:49 Beyləqanda həbs edilən polkovniki BURAXDILAR 16 Dekabr 2019, 11:43 Nazirlikdən pensiyaçılara XƏBƏRDARLIQ   16 Dekabr 2019, 11:38 Fransada azərbaycanlıların elmi diasporu yaradıldı 16 Dekabr 2019, 11:30 Bakıda intihar edən məmurla bağlı cinayət işi AÇILDI 16 Dekabr 2019, 11:24 Beyləqan İcra Hakimiyyətindən həbs olunan polkovniklə bağlı AÇIQLAMA 16 Dekabr 2019, 11:23 Daha 86 şəhidin 132 vərəsəsinə birdəfəlik ödəmə veriləcək 16 Dekabr 2019, 11:22 Dünyanın ən zəngin azərbaycanlısı 5 gündə 600 milyon dollar QAZANDI 16 Dekabr 2019, 11:16 İsa Sadıqov Əli İnsanova qoşuldu - İki nəfər sabiq nazirdən AYRILDI 16 Dekabr 2019, 11:15 Lökbatanda Uşaq Yaradıcılıq Mərkəzində partlayış olub - Müəllim yaralanıb 16 Dekabr 2019, 11:13 Bakıda məşhur məmur vəfat etdi - FOTO 16 Dekabr 2019, 11:07 “İcbari tibbi sığorta tətbiq edilənədək sənədsiz evlər məsələsi həll olunmalıdır” - Deputat 16 Dekabr 2019, 10:58