Arxiv
3 İyun 2019, 13:15 | MÜSAHİBƏ
“Azərbaycanla Türkiyənin qəlbi bir döyünür” - Əkrəm İmamoğlunun Modern.az-a MÜSAHİBƏSİ

İyunun 23-də İstanbulda təkrar bələdiyyə seçkiləri keçiriləcək. Hakim Ədalət və İnkişaf Partiyasının namizədi Binali Yıldırımdır.

Ana müxalifətin - Cümhuriyyət Xalq Partiyasının (CHP) isə namizədi Əkrəm İmamoğludur. O İmamoğlu ki, martın 31-də keçirilən ilkin seçkilərdə qələbə qazanmış, Ali Seçki Qurumundan mandatını almış, amma hakim partiyanın müdaxiləsindən sonra nəticələri ləğv edilmişdi.


Qeyd edək ki, Əkrəm İmamoğlu Azərbaycan xalqını 28 May Respublika günü münasibətilə təbrik edən tək-tük siyasətçilərdən idi.  

O, təbrik mesajını "Tvitter" hesabında paylaşmışdı.

 

Modern.az saytı Əkrəm İmamoğludan müsahibə alıb. Onunla söhbəti təqdim edirik.

 

- Əkrəm bəy, Türkiyədə təkrar seçki öncəsi gərginlik müşahidə olunur. Bu gərginlikdə özünüzü necə hiss edirsiniz?

 

- Təşəkkür edirəm. Mən yaxşıyam, özü də çox yaxşı. Mənəvi duyğularımızın çox yüksək olduğu Ramazan ayını geridə qoyuruq. Mən hər iftarımı seçicilərimin evində açdım, onlarla gözəl anlar yaşadım, mənəvi gözəllikləri bir-birimizlə paylaşdıq. Bu ənənəni sahurlarda da davam etdirdim. Biz Ramazan bayramını idrak edirik. Ramazan ayı bizi bir-birimizə daha da yaxınlaşdırmaq, bir-birimizi daha da yaxşı anlamaq üçündür. Biz də keçdiyimiz bir ayı belə yaşadıq.


Bilirsiniz ki, İstanbulda seçkilərin nəticələri haqsız olaraq ləğv edildi. Bununla belə, xalqımızla çoxlu görüşlər keçirdik, bir-birimizə sevgi alıb-verdik, gözəl söhbətlər etdik. Anaların dualarını bir daha yanımda hiss etdim, uşaqların gözəl baxışları heç zaman üzərimdən əskik olmadı. Gənclər də mənə böyük enerji verdilər. Bütün bunlara görə deyə bilərəm ki, mən özümü çox yaxşı hiss edirəm.


- CHP-nin bələdiyyə başqanlığına namizədsiniz. Rəqibiniz isə keçmiş baş nazir Binali Yıldırımdır. Proqnozunuz nədir, sizcə bu dəfə kim qələbə qazanacaq?

 

- 23 iyunda İstanbulda bələdiyyə seçkiləri keçiriləcək. 23 sentyabrda isə böyük ehtimalla İstanbul böyük şəhər bələdiyyə başqanlığımın 3 ayını tamamlayacağam. 23 sentyabr tarixi gələndə çox önəmli xidmətlərə imza atmış olacağam. Analar və onların övladlarına, uşaqlara həyatlarını asanlaşdıran, üzərlərindəki maddi yükü azaldan önəmli qərarları həyata keçirəcəyəm. Eyni zamanda, gələcəkdə daha çox xidmətlər edəcəyimizə işarə verəcəyəm.

Bəli, 23 iyunda seçkilərdir. Amma ilk olaraq “biz niyə bu seçkiyə gedirik” sualına cavab verməyim lazımdır. Bilirsiniz ki, 31 martda keçirilən bələdiyyə seçkilərini biz qazandıq. İqtidar partiyası AKP həmin gecə 3 min 870 artıq səslə seçkini qazandığını elan etdi. Ancaq biz bütün seçki qutularının nəticələrini ortaya qoyaraq, bunun doğru olmadığını, manipulyasiyaya yol verildiyini söylədik. Nəticədə də YSK (Yüksek Seçim Kurulu) bizim dediklərimizi doğruladı.


- Bəs AKP niyə seçkilərin nəticələrinin düzgün olmadığı məsələsində israr etdi?

- AKP və rəqibim məğlubiyyəti həzm edə bilmirdi. Min bir etiraz etdi, etibarsız səslərin hamısını saydırdı. Altı rayonda etibarlı və etibarsız sayılan bütün səsləri hesabladılar. Nəticə isə yenə də bizim qazandığımızı göstərdi.

57 qutudan çıxan səsləri yoxladılar. Yenə də nəticə bizim lehimizə yekunlaşdı. Dedilər ki, bəzi rayonlarda seçicilərin qeydə alınmasında problemlər olub, hiylələr qurulub.

Lakin bu iddiaların çürük olduğunu YSK da qəbul etdi. Bir sözlə, iqtidar partiyasının bütün etirazlarına baxmayaraq, bütün yoxlamalar bizim qazandığımızı göstərdi.


AKP məğlubiyyəti qəbul etməyərək, belə bir səbəb göstərdi ki, dövlət qurumlarının verdiyi siyahılar üzrə YSK tərəfindən seçilən seçki komissiyasının sədrləri ictimai vəzifə daşıyıcısı deyillər. Bunu əsas gətirib seçkinin nəticələrini ləğv etdilər. Maraqlısı budur ki, həmin komissiya sədrlərinə “hə” deyən YSK bu qərarı verdi. Bu addımın heç bir hüquqi əsası yoxdur. Rəsmi açıqlama da sübut etdi ki, YSK-nın qərarı hüquqi olmaqdan çox siyasi qərardır. Yəni YSK üzvlərinin əli ilə verilmiş siyasi qərarı ortaya qoydular.


- Əkrəm bəy, bunun Türkiyə üçün verdiyi zərərlərdən danışırlar. Amma sizin dilinizdən daha arqumentli bir fikir eşitmək yerinə düşərdi. Türkiyə YSK-nın bu qərarından hansı zərərləri gördü?

- Bu, ilk növbədə hüquqa, demokratiyaya zərbədir. Bütün Türkiyə də bunu gördü. Qərar mənim mandatımın əlimdən alınması ilə nəticələndi. Siz zərər barədə sual verirsiniz. Baxın, dediklərimlə paralel olaraq, 16 milyon insanın iradəsi, istanbulluların seçki hüququ heçə sayıldı.

Qəribə deyilmi? Seçicilər sandıq başına getdi, 4 səs verdilər və bunları eyni zərfə qoydular. O zərfləri də eyni komissiyalar açdı, saydı. Ancaq YSK-nın 7 üzvü muxtarlıq, rayon bələdiyyə sədrliyi və bələdiyyə məclis üzvlüyünü tanıdı. Təkcə mənim qazandığım seçkini etibarsız saydı.

Yəni eyni zərfdən çıxan 4 səsi sayan komissiyalar, üçündə xəta etməyib, lakin mənim qazandığımı göstərən səslərin sayılmasında yanlışa yol verib! Gəlin, daha da sadə izah edək. Fərz edin ki, 10 manatınız var. Bunun 7.5 manatı etibarlı, yerdə qalan 2.5 manatı isə etibarsızdır. Siz heç belə pul gördünüzmü?

Anlamaq çətin deyil ki, iqtidar siyasi gücündən istifadə edərək, məğlub olduğu seçkini yenidən keçirmək istəyir. Xalq, istanbullular isə edilən haqsızlığı, demokratiyaya vurulan zərbəni çox yaxşı bilir.

Təxminən bir aydır ki, seçicilərimlə görüşürəm, onlarla söhbətlər edirəm. Əhvalım çox yüksəkdir. Seçicilərimin də əhvalı eynilə mənimki kimidir.

Çünki seçkini qazanacağıq və 16 milyon istnabullu ilə birlikdə 16 milyona xidməti sürətlə həyata keçiricəyik. Buna heç şübhəniz olmasın.

 

- Belə bir açıqlamanız var: “Biz israrla bu millətin dava etməsini istəməyən, bu millətin qucaqlaşmağını istəyən insanlar olaraq israrla qucaqlaşacağıq”. Bu, terminologiyası radikal çıxışlarla zəngin olan Türkiyə siyasətçilərinə mesajdırmı?  

 

- Bəzi siyasətçilərin istifadə etdiyi dava ritorikası xalqı çox yorub, üzüb. Dava ritorikası bizi bir arada tutan dəyərləri erroziyaya uğradıb. Siyasət bu gün “mənə səs verən, mənə səs verməyən” ayrı-seçkiliyi üzərindədir.


Türkiyədə özlərinə səs verməyənlərə qarşı çox ağır ittihamlarla çıxış edən partiya funksionerləri və liderləri olub. Bu tendensiya toplumda ayrı-seçkilik yaradıb. Mən isə dava ritorikası dilindən istifadə etmədim. Hər kəsi qucaqlayan, sevgini öndə tutan, ürəkləri qovuşduran, ümidləri paylaşaraq böyüdən bir dildən istifadə etdim.


Siyasətin etməli olduğu şeyin bu olduğuna inanıram. Biz xidmət üçün varıqsa, xidmət edəcəyimiz şəxslərlə niyə dava etməliyik?! Heç bir siyasi baxış, inanc, məzhəb, etnik ayrı-seçkiliyi etmədən hamıya xidmət göstərəcəyimizi elan etmişəm.

Sadəcə, mənim təmsil olunduğum CHP-yə könül verənlərin, ittifaqda olduğumuz İYİ Partiyanın tərəfdarlarının deyil, AKP-lilərin də, HDP-lilərin də, MHP-lilərin də səsini istədim.

Çünki “hamınıza bərabər səviyyədə xidmət edəcəyəm, kiminsə partiya mənsubiyyətini soruşmayacağam” dedim. Bu sözlərim qarşılığını tapdı. Əmin olun ki, AKP-li, MHP-li qardaş-bacılarım da mənə səs verdi.

Mən içi və çölü bir olan, bu gün nə dedimsə, sabah da onu söyləyən bir siyasətçiyəm. Həmşəhərlilərim məni belə qəbul ediblər və belə də görməyə davam edəcəklər.


Onlarla təkcə seçkidən öncə yox, seçkidən sonra da qucaqlaşmağı davam etdirəcəyik.


Mən kreslomda oturan bələdiyyə sədri olmayacağam, küçələrdə gəzəcəyəm. Həmşəhərlilərimlə birlikdə masa ətrafında görüşüb problemlərini həll edəcəyəm.

 

- Əkrəm bəy, mandatınızı alıb vəzifənizin icrasına başlasanız da, bu, çox qısa çəkdi. Siz YSK seçki nəticələrini ləğv edərkən bunun bir zarafat olduğunu düşündünüzmü?


- Əslində YSK-nın siyasi təzyiqlər nəticəsində belə qərar verdiyini düşünmək belə istəmirdik. Çünki bu, demokratiyanın yaralanması, hüququn böyük zərər görməsi anlamına gələcəkdi.

Lakin təəssüflər olsun ki, bir qrup özünü düşünən insanlar, bu pis qərarın verilməsinin səbəbi oldu. Onlar İstanbul xalqının zamanına, əməyinə sayğısız yanaşdılar. Halbuki, biz xidmət etmək üçün varıq və bunun həyəcanı içərisindəyik.

Qızğın müzakirələr getdiyi bir zamanda biz xidmət etməyə başladıq. 18 gün qısa görünə bilər. Ancaq bu müddət ərzində tələbələrimizin nəqliyyat, yoxsulların su məsrəflərinə çəkdikləri xərci 40 faiz azaltmağı bacardıq.

Sadəcə, dini bayramlarda deyil, milli bayramlarda da İstanbulda nəqliyyatın pulsuz olması haqda qərar qəbul etdik. Bu xidmətlərimizi, yoxsul evlərə pulsuz süd, çörək və su verərək davam etdirəcəkdik.

Analara xidmət, övladlarına sağlam bir gələcək bəxş etmək üçün addımlar atmağa başlayacaqdıq.

Bilirsiniz ki, yüz minlərlə gəncimiz işsiz və təhsilsizdir. Biz yeni iş yerlərinin açılması və təhsil üçün gücümüzü səfərbər edəcəkdik. İstanbulun qaynaqlarını bir ovuc insan üçün deyil, 16 milyon insan üçün istifadə edəcəkdik.

Bütün bunları istəməyənlər isə seçkinin nəticəsini ləğv etdilər. Bununla da bizi dayandıracaqlarını düşündülər.

Bu qərarı verənlər və verdirənlər etdikləri bu böyük yanlışı zarafat kimi görə bilərlər. Lakin əmin olun ki, bu zarafatı edənlər, sadəcə öz keflərini, oturduqları kresloları düşünürlər. İşləri-gücləri oturduqları kreslonu qorumaqdır.  


- Düşünürsünüz ki, siz bələdiyyə sədri seçilsəniz, İstanbulda haqq, ədalət öz yerini tapacaq?

- 23 iyunda yenə biz qazanacağıq və bütün icraatlarımızı ən qısa zamanda reallaşdıracağıq. Kimsə əhvalını pozmasın, haqq, ədalət, hüquq öz yerini tapacaq. Çünki heç kim haqsızlıq üzərindən seçki qazanmaz. Kimsə haqsızlığa dayanaraq iqtidar ola bilməz, olsa belə, hakimiyyətini sürdürə bilməz.

24 iyunda demokratiyanın bayramını yaşayacağıq. Azərbaycan xalqı və sizlər də əminəm ki, eyni hisslər içində olacaqsınız. Heç şübhəniz olmasın: “Her şey çok yahşi olacak”.

 

- Əkrəm bəy, Azərbaycanda da sizinlə bağlı prosesləri diqqətlə izləyən böyük bir kəsim var. Azərbaycana mesajınız nədir?

 

- Azərbaycan Türkiyənin dostu və qardaşıdır. Azərbaycanın dərdi bizim dərdimiz, kədəri bizim kədərimizdir.

Mən 28 May – Respublika günü münasibətilə də Azərbaycan xalqını təbrik etmişdim. Bizim hər zaman qəlbimiz bir döyünüb və bundan sonra da belə olacaq.

 

Namidə BİNGÖL
Aqşin KƏRİMOV

BU KATEQORİYADAN OLAN DİGƏR XƏBƏRLƏR
+ Arxiv
Tbilisidə "Müstəqilliyə aparan yol: Azərbaycan–Gürcüstan" müsabiqəsinə yekun vurulub 26 Yanvar 2021, 17:03 “Azəriqaz”dan sərfiyyatın çox yazılması iddiasına REAKSİYA 26 Yanvar 2021, 16:58 Xəzərdə həvəskar balıq ovuna qadağa yoxdur - Nazirlik  26 Yanvar 2021, 16:55 Ombudsmanın əməkdaşları Xırdalandakı partlayış yerinə getdilər 26 Yanvar 2021, 16:50 Xırdalandakı partlayışın səbəbi - “Azəriqaz”dan AÇIQLAMA 26 Yanvar 2021, 16:47 May-iyun aylarında Şuşada “Xarı bülbül” festivalı keçiriləcək 26 Yanvar 2021, 16:44 Fransa XİN-nin Dövlət katibi Bakıdan Yerevana gedəcək 26 Yanvar 2021, 16:40 Ceyhun Bayramovla Çavuşoğlu Türkiyə gəmisinə hücumu müzakirə etdilər 26 Yanvar 2021, 16:36 Azərbaycanda ceyranların sayı ARTDI 26 Yanvar 2021, 16:30 Yoluxma yenə artdı, ölü sayı AZALDI 26 Yanvar 2021, 16:25 Bakıda intihar edən gəncin kimliyi bilindi - YENİLƏNİB 26 Yanvar 2021, 16:23 Çörək və unun satışı vergidən azad olunur 26 Yanvar 2021, 16:20 Sahibkarlara 39 milyon manat maliyyə dəstəyi göstərildi 26 Yanvar 2021, 16:15 Aqrar sektorun inkişafı daim diqqət mərkəzindədir - Deputat 26 Yanvar 2021, 16:12 Tağı Əhmədov xəstəxanaya yerləşdirildi 26 Yanvar 2021, 16:09 Prezidentin vəzifədən azad etdiyi 80 yaşlı nazir atası kimdir? - DOSYE 26 Yanvar 2021, 16:03 Nazir regional idarələrə yeni rəislər təyin etdi 26 Yanvar 2021, 16:00 Prezident Oqtay Şahbazovu işdən azad etdi 26 Yanvar 2021, 15:55 Ramin Quluzadə yeni vəzifəyə TƏYİN OLUNDU 26 Yanvar 2021, 15:50 İtaliya baş nazirsiz qaldı 26 Yanvar 2021, 15:45 Daşaltı döyüşünün iştirakçısı: “Nə qədər ki, Qafqazda erməni var, sakit dayana bilmərik!” - MÜSAHİBƏ 26 Yanvar 2021, 15:39 Ermənilər Xocavənddə faşist liderə heykəl qoydular - FOTO 26 Yanvar 2021, 15:34 Diaspordan Paşinyana ŞƏRT: “İstefa ver, Ermənistana investisiya yatıraq” 26 Yanvar 2021, 15:30 Dağıntılar altında qalan azyaşlının cəsədi tapıldı - VİDEO 26 Yanvar 2021, 15:18 Xəzərdə zəlzələ olub 26 Yanvar 2021, 15:12 İranda daha 79 nəfər koronavirusdan öldü 26 Yanvar 2021, 15:06 “Düşünürəm ki, qısa zamanda vaksinin müsbət təsirini görəcəyik” 26 Yanvar 2021, 15:00 AQTA-dan ictimai iaşə müəssisələrinin sahiblərinə müraciət - FOTO 26 Yanvar 2021, 14:56 Çingiz Qənizadədən polis əməkdaşları haqqında çəkilən videoya REAKSİYA 26 Yanvar 2021, 14:44 UNEC-in alimi dünyanın 2-ci ən böyük iqtisadi onlayn platformasına ekspert seçilib 26 Yanvar 2021, 14:38 Naftalanın icra başçısı vətəndaşlarla növbəti onlayn qəbul keçirib - FOTO   26 Yanvar 2021, 14:33 İlham Əliyev fransalı dövlət katibini qəbul edib 26 Yanvar 2021, 14:28 "Azərbaycanda internet azaddır" - İlham Əliyev 26 Yanvar 2021, 14:22 İlham Əliyev azad edilmiş ərazilərdə şəhər və kəndlərin necə qurulacağını AÇIQLADI 26 Yanvar 2021, 14:16 Prezident işdən çıxardığı nazirdən DANIŞDI 26 Yanvar 2021, 14:10