Arxiv
20 Dekabr 2019, 12:44 | MÜSAHİBƏ
Zahid Oruc rəqiblərindən qorxmur: “Tam səmimiyyətimlə söyləyirəm ki...”

Beşinci çağırış Milli Məclisin deputatı olan, Sosial Tədqiqatlar Mərkəzinin sədri Zahid Oruc 2020-ci il fevralın 9-da ölkədə keçiriləcək növbədənkənar parlament seçkiləri ilə bağlı Modern.az-ın suallarını cavablandırıb.

 

- Zahid müəllim, bildiyiniz kimi, gələn il fevralın 9-da ölkədə növbədənkənar parlament seçkiləri  keçiriləcək. Bir məqam da var ki, vəzifə tutan şəxslər qanunla Milli Məclisdə təmsil olunmamalıdır. Vəzifə tutan deputatlardan biri də sizsiz. Bu barədə vəzifə tutan deputat olaraq  sizin də fikirlərinizi eşitmək istərdik.

 

- Publik hüquqi şəxs qətiyyən özünün təşkilatı və idarəetmə modelinə görə dövlət strukturu sayılmır. Azərbaycanda təxminən 10 ildən artıqdır ki, bu tətbiq olunur. Hətta onun konstitusion hüquqları da yaradılıb. Bu üzdən burada məqsəd qarşıdakı dövr üçün istənilən belə statuslu qurumların sırf həyata keçirtdikləri  xidmətdən öz büdcələrini formalaşdırmalı və onun nəticəsində də tariflərini həyata keçirtməlidir. Azərbaycan Konstitusiyasında parlament üzvlərinin, icra hakimiyyəti orqanlarına, yaxud da, hökumətdə ola bilməz müddəası ilə bunu eyni götürmək olmaz. Heç bir halda söhbət Zahid Orucdan getmir.

 

- Belə başa düşdüm ki, namizədliyinizi irəli sürməyi düşünürsüz. Maraqlıdır, bu dəfəki seçkilərə konkret olaraq hansı məqsədlə qatılmağı düşünürsüz?

 

- Namizədliyimlə bağlı məsələni ən yaxın günlərdə açıqlayacam. Heç şübhəsiz ki, bu illər ərzində mən prezident İlham Əliyevin siyasi kursunun fəal üzvlərindən biri olmuşam. Bu mənada yaşadığımız ideoloji tərzdə vahid lider, vahid komanda, vahid mübarizə prinsipləri əsas götürülüb. Burada özfəaliyyətə yer olmayıb. Bu mənada komanda işi tələb edir ki, sən fəaliyyətini uzlaşdırasan. Əgər namizədliyin verilirsə, bunu haradan həyata keçirəcəksən?! Vurğulamaq istəyirəm ki, 2019-cu ildə həyata keçirilən böyük islahatlar hakimiyyətin bütün qollarını əhatə etmiş oldu. İlin əvvəlindən başlayan siyasi xarakterli böyük miqyaslı tədbirlər, sonrakı dövr siyasi məna kəsb etdi. İdarəetmə stilini yenilədi. Prezident Administrasiyasını, hökuməti, ardınca da parlamenti əhatə etməyə başladı. Belə olan təqdirdə istər keçmişdə üzv kimi təmsil olunmuş adamlar, istərsə də yeni başçılar 2019-cu ildə ölkədə formalaşan bu münasibətlərin, prezident İlham Əliyevin yenilədiyi Azərbaycanın içərisində öz gələcək iddialarını, xüsusilə, qalibiyyət iddialarını ortaya qoyacaq  və nəticələrini bölüşəcəklər. Bu mənada seçkilərin ədalətli keçirilməsi üçün yetərincə əlverişli mühit var. Fundamental bazis formalaşıb. Belə olan təqdirdə bir neçə dəfə Milli Məclisə seçilmiş şəxslər, eləcə də, yeni simalar elə kriteriyalar ortaya qoymalıdırlar ki, yalnız hakim partiya resursu, yalnız inzibati rıçaqlar deyil, daha müxtəlif insanların etibarı, inamı, rəğbəti əsasında mandatı qazana bilsinlər. 2020-ci ildə formalaşacaq parlamentdən ən başlıcası beynəlxalq siyasi komandanın güclənməsini gözləyirik. Bir daha söyləyirəm ki, bu, azad rəqabətin nəticəsində meydana çıxmış olacaq. Siz media mənsubları ötən illər ərzində müxtəlif parametrlər üzrə məni Milli Məclisin işində aktivlər sırasına aid etmisiz. Bundan ötrü nominasiyalar tərtib etmisiz. Yekunda da mükafatlandırmısız. Belə olan təqdirdə əgər informasiya məkanında dəyərləndirmə seçicilərin qiyməti ilə üst-üstə düşəcəksə, biz də seçkilərə qatılmağa çalışacağıq.

 

- Siz müstəqil namizədsiz. Hakim partiyada təmsil olunmursuz. Bəziləri elə düşünür ki, müstəqil namizəd kimi seçkilərə qatılmaq qalib olmaqdan çox, məğlub olmağa işarədir. Bu fikirlərlə nə dərəcədə razısız?

 

-Cavabım qısa və sadədir. Prezident İlham Əliyev Yeni Azərbaycan Partiyasının rəhbəri olmağına rəğmən 2018-ci ilin prezident seçkilərinin nəticələrinə istinad etsək, ölkə başçısına öz rəğbətini ifadə edənlərin sayı 2 milyon yarıma yaxındır. Yeni Azərbaycan Partiyası üzvlərinin sayı səhv etmirəmsə, 700 mindən çoxdur. Heç bir partiya mənsubiyyəti daşımayan şəxslərin də lideri İlham Əliyevdir. Sosial Tədqiqat Mərkəzi olaraq gerçək tədqiqatlarla məşğul olduğumuza görə məsuliyyətlə söyləyə bilərik ki, 2019-cu ildə həyata keçirilən tədbirlər, yeni kurs siyasəti, dərin struktur və kadr islahatları prezidentin nüfuzunu gücləndirib. Bu da deməyə imkan verir ki, bir il əvvəlki nəticələr İlham Əliyevin xeyrinə daha da onun tərəfdarlarının sayını artırıb. Bu əsnada hakim partiya təmsilçiləri öz qərarlarını birinci şəxs amili üzərində qurmalıdırlar. Yerdə qalanlar bununla hesablaşmadan özləri sərbəst mövqe göstərməlidirlər. Bu bir qədər doğru yanaşmadır.

 

- Namizədliyinizi verəcəyiniz bölgədən və dairədən sizə xeyli şəxslər rəqib olacaq. Budəfəki  seçkilərdə gənclər də aktivlik  nümayiş göstərir. Bu sizi qorxutmur ki?

 

- Qətiyyən. Yalnız arzulayıram ki, ölkə miqyasında parlament seçkilərində minlərlə namizəd iştirak etsin. Bu da ona imkan verəcək ki, daha fəal, daha dinamik bir seçki prosesi izləyək. İnsanlar fərqli ideyalar görsünlər. Burada real araşdırma getsin. Hər kəs şahid olsun və inansın ki, əsl həqiqətdə bu işlər o qədər də asan deyil. Açıq demək lazımdır. Buna qədərki dövrdə parlament hakimiyyətində yer alan, dövlətin kursunu müdafiə etdiyini söyləyən adamların gerçək gücünü aşkarlamağa imkan verəcək və s. Tam səmimiyyətimlə söyləyirəm ki, namizəd olacağım təqdirdə, orada onlarla şəxsin yaşından, peşəsindən, siyasi mənsubiyyətindən asılı olmayaraq rəqabət prosesinə, bu marafona qoşulmasını istəyirəm.

BU KATEQORİYADAN OLAN DİGƏR XƏBƏRLƏR
+ Arxiv
Fişəng fabrikindəki partlayışda ölü sayı artdı - VİDEO 4 İyul 2020, 00:53 Böyük Britaniyada koronavurudan 137 nəfər öldü 4 İyul 2020, 00:41 “İki gün ev şəraitində müalicə alıb, qızdırması düşmüşdü” - Etibar Babayevin xanımı 4 İyul 2020, 00:29 16 şəhər və rayonda iki günlük ictimai nəqliyyatın fəaliyyəti dayandırılır 4 İyul 2020, 00:16 Bakı metrosu bu gündən iyulun 20-dək İŞLƏMƏYƏCƏK 4 İyul 2020, 00:04 DOST mərkəzləri xüsusi karantin günlərində də fəaliyyət göstərəcək 3 İyul 2020, 23:56 Bərdədə 7 yaşlı uşaq bacısını öldürdü 3 İyul 2020, 23:43 Prezident yazıçı-dramaturq, şair Əmir Pəhləvana ev bağışladı 3 İyul 2020, 23:31 Bərdədə yol kənarında meyvə-tərəvəz satan şəxsi avtomobil vurdu 3 İyul 2020, 23:21 Daha həkim koronavirusdan öldü 3 İyul 2020, 23:06 Xəlifəlik qurmaq istəyənlər yaxalandı 3 İyul 2020, 22:53 “Fəxri ad davası aparan elə adamlar var ki, jurnalistikanın baş hərfindən xəbəri yoxdur” - Baş redaktor 3 İyul 2020, 22:46 Rusiya ölkəyə miqrantların axınında maraqlıdır 3 İyul 2020, 22:33 Azərbaycan vətəndaşı Gürcüstanda qətl törədib 3 İyul 2020, 22:19 Minsk qrupu xalqları müharibəyə hazırlayır 3 İyul 2020, 22:07 Türkiyədə 178 278  nəfər koronavirusdan sağalıb 3 İyul 2020, 21:54 Saatlı sakini intihar edib 3 İyul 2020, 21:37 Milyonlarla vəsait əldə edən şirkətlərin BENEFİSİAR SAHİBİ 3 İyul 2020, 21:23 Birinci xanım koronavirusdan sağaldı 3 İyul 2020, 21:09 Hindistanda yerli koronavirus vaksininin sınaqları başlayır 3 İyul 2020, 20:49 Yaponiyada koronavirusa yoluxanların sayı 20 mini ötdü 3 İyul 2020, 20:33 Xarici işlər naziri koronavirusa YOLUXDU 3 İyul 2020, 20:16 Mehriban Əliyeva şəhid ailəsinin mənzil problemini həll etdi - FOTOLAR 3 İyul 2020, 20:00 “Şərəfi olan adam vəzifədən asılı olmayaraq şərəfsizlik eləmir” - MÜSAHİBƏ 3 İyul 2020, 19:40 Vətəndaşların nəzərinə - “ASAN xidmət” və  “ASAN Kommunal” 4 gün işləməyəcək 3 İyul 2020, 19:32 Yeni tədris ili avqustun 31-dən başlayacaq - Türkiyədə 3 İyul 2020, 19:24 Saatlının su problemi nəzarətə götürüldü 3 İyul 2020, 19:17 “Qanun dəyişməyincə, kamera vasitəsilə cərimə yazılmayacaq” - Rəsmi 3 İyul 2020, 19:10 Apteklərdə dərman çatışmazlığı var? - Prezidentin köməkçisindən cavab 3 İyul 2020, 19:01 Baş redaktor koronavirusdan sağaldı 3 İyul 2020, 18:58 Krediti olanlara güzəşt ediləcək? - AÇIQLAMA 3 İyul 2020, 18:55 Əmək və Əhalinin Sosial Müdafiəsi Nazirliyinin vəzifəsi artırıldı 3 İyul 2020, 18:50 TƏBİB sədri özəl xəstəxanalardan narazıdır - məlumatlar bizə gec daxil olur 3 İyul 2020, 18:45 Şeyx din xadimlərini topladı - FOTO 3 İyul 2020, 18:42 Şahmar Mövsümov:Testin özünün etibarlılığı 70 faizdir 3 İyul 2020, 18:36