Arxiv
3 İyun 2013, 14:39 | MÜSAHİBƏ
Tamam Bayatlı: “Mən Vaqif Bayatlı Odərin katibəsiyəm” - “Məşhurların ömür-gün yoldaşı” - MÜSAHİBƏ

Modern.az saytı yeni layihəni sizlərə təqdim edir. “Məşhurların ömür-gün yoldaşı” adlanan layihəsində tanınmış simaların həyat yoldaşları onların bilmədiyimiz xüsusiyyətləri, görünməyən tərəflərindən danışacaqlar. İlk müsahibimiz isə tanınmış şair Vaqif Bayatlı Odərin xanımı Tamam Bayatlıdır.

– Onun nə zaman yazmaq istədiyini o saat başa düşürəm. Sifətinin mimikasından, qəribə hərəkətlərindən, mənə baxıb məni görməməsindən anlayıram. Evdə heç nəyi hiss etməməsindən başa düşürəm ki, bu saat Vaqif müəllimdə şeir yaranır. Çox gərgin halda o tərəf-bu tərəfə gedir, sonra oturub öz ürəyindəkiləri kağıza köçürür. Hərdən də olur ki, Vaqif müəllim şeiri yarımçıq qoyub eyvana çıxır. O çıxan kimi mən onun şeirlərini oxuyuram. Bir şeir Vaqif müəllimdə başlayan kimi birnəfəsə bitmir. Bəzən elə olur ki, bir şeir aylarla yazılır. Çünki onun şeirləri sənət əsəridir. Adi bir qafiyə düzümü deyil.

Vaqifin hər şeiri möhtəşəm bir sənət əsəridir. O sənət əsərlərinin hər birinin yaranması mənim gözümün qabağında baş verir. O şeirlərdən hər biri mənə doğmadır. Əlyazması hazır olan kimi onu kompüterə yığan da mənəm. Sanki bir növ, Vaqif müəllimin katibəsiyəm. Bəzən görürsən ki, çox gözəl bir misra məni tutur. Hiss edirəm ki, bu çox möhtəşəm bir şeydir. Şeirin yüzlərlə variantı olur ya vergül ya da nə isə dəyişir. Bayaq dediyim kimi, bir şeirin yaranması aylarla davam edir. Üçüncü, ya dördüncü dəfə mənə kompüterdə yığmaq üçün veriləndə görürəm ki, həmin məni tutan misra yoxdur. Onda cürət edib deyirəm ki, bu misranı yenidən şeirə əlavə etsin.

İşinə müdaxilə edəndə hirslənir. Amma bunu da etiraf edim k, bəzi hallarda şeirdən çıxardığı və mənim qaytarılmasını istədiyim misra yenidən şeirə əlavə olunur. Ən son variantda görürəm ki, həmin misra şeirdə var. Çox vaxt isə sözümə qulaq asmır. Çünki onun öz poeziya aləmi var. Vaqif müəllimin öz qılafı var. O qılafa heç kəsi yaxın buraxmır. Hansı sözün dəyişdirmək lazım olduğunu deyəndə, o çox əsəbiləşir.

Sözsüz ki, Vaqifin ruhu, həyat barədə düşüncələri mənə təsir edib. Necə ola bilər ki, belə bir poeziya dahisi ilə bir yerdə yaşayasan və ondan təsirlənməyəsən!? Onun bütün yaradıcılığı, dostları ilə, siz jurnalistlərlə telefon danışıqları və s. hamısı mənim gözümün qabağında baş verir. Lakin mən heç nəyə müdaxilə etmirəm. Mən bu dahi şairin sakit bir seyrçisiyəm. Amma sözsüz ki, onun fikirləri, sözləri mənim həyatımda bir dərin iz qoyub. Mən Allaha minnətdar olmalıyam ki, həyatımı dəyişdirən, mənəvi qata yüksəldən belə möhtəşəm insan var. Vaqif müəllim kimi adamlar nəinki öz ailəsində, hətta düşdüyü hər hansı dairədə,  mühitdə belə, çox böyük təsir gücünə malikdirlər. Bir dostu, daha doğrusu, Əhməd Qəşəmoğlu gəncliyində Vaqif müəllim barədə demişdi ki, “onunla səfərə-yola komsomol işçisi kimi çıxmışdım,  qayıdandan sonra isə son damla qanıma qədər türkçü idim”.

– Sizi tanıyanlar bildirir ki, Vaqif Bayatlının bu səviyyədə yüksək mənəviyyat sahibi kimi məşhurlaşmasında Tamam xanımın da xidmətləri olub. Bu fikir doğrudurmu?

– Kənardan baxan adam elə düşünürsə, çox sağ olsun. Amma mən tamam əksini fikirləşirəm. Mənəviyyatımın zənginləşməsindən son dərəcə böyük zövq alıram. Buna görə mən Vaqif müəllimə borcluyam. Əgər dostlar kənardan bu cür görürsə,  çox sağ olsunlar. Mənim mənəvi aləmimin formalaşmasının səbəbkarı Vaqif müəllimdir.

– Əvvəllər evinizə Əbülfəz Elçibəydən tutmuş xeyli tanınmış adamlar qonaq gələrdi. Bəs indi sizlərə kimlər təşrif buyurur, kimlər baş çəkir?

– Təbii ki, olur. Amma bu, bir az fiziki məfhumdur. Bizim evdə baş çəkmək fiziki kimi yox, mənəvi məfhum kimi anlaşılır. Bilirik ki, bizim evdə kimlər var. Bizim mənəvi dostlarımız kimlərdir. Son dərəcə böyük hörmət etdiyimiz Məzahir bəy Avşar, Nəriman Qasımoğlu, Əhməd Qəşəmoğlu, Afaq Məsud  Kamal Abdulla və başqaları.

 –Vaqif Bayatlı demək olar ki, bütün gənc yazarların dostudur. Siz gənclərdən kimləri tanıyırsınız?

– Çox sevdiyi gənc yazarlar var. Onların hamısına çox böyük hörmətimiz var. Onlarsız bizim ev mövcud deyil. Vaqif müəllimə hörmət edən hər bir adama bizim də hörmətimiz var. Hər gün bizə zəng edən, hal-əhval tutan gənclər var. Azərbaycan ədəbiyyatında elə bir istedadlı yazar yoxdur ki, mən onları tanımayım. Siz də sağ olun ki, bu siyahıda siz də varsız.


Elmin Nuri

BU KATEQORİYADAN OLAN DİGƏR XƏBƏRLƏR
+ Arxiv
Konsul partlayışda yaralandı 5 Avqust 2020, 00:52 Beyrutdakı partlayışda ölü sayı 70-ə çatdı: 3,7 min yaralı var - YENİLƏNİB 5 Avqust 2020, 00:36 Respublikaçı Alternativ partiyası qurultay keçirdi 5 Avqust 2020, 00:26 Paytaxt dəhşətli partlayışdan sonra - FOTOLAR 5 Avqust 2020, 00:07 Qubernator göz yaşlarına boğuldu - VİDEO 4 Avqust 2020, 23:49 Daha səkkiz vətəndaşımız vətənə təxliyə olundu 4 Avqust 2020, 23:32 “Palmali”nin gəmisi də partlayış zamanı limanda  olub 4 Avqust 2020, 23:24 Beyrut xəstəxanaları yaralılarla doldu: ölü sayı 30-a çatdı 4 Avqust 2020, 23:13 Avropa yenidən sərhədlərini bağlaya bilər 4 Avqust 2020, 22:33 Livanda matəm elan olundu: ölənlərin sayı artır 4 Avqust 2020, 22:16 Türkiyədə ardıcıl zəlzələ oldu 4 Avqust 2020, 21:59 ÜST tibbi maskanı həmrəylik rəmzi elan etdi 4 Avqust 2020, 21:52 Türkiyədə daha 1 083 nəfər koronavirusa yoluxdu 4 Avqust 2020, 21:39 Deputat büdcənin müzakirəsi zamanı bəzi təkliflər verib 4 Avqust 2020, 21:20 Ölkə daxilində hərəkət üçün “icaze.e-gov.az” portalında ezamiyyə vərəqi alınmalıdır - QƏRAR 4 Avqust 2020, 21:11 Bu şəxslərin XİDMƏTİ VƏSİQƏ ilə hərəkətinə İCAZƏ VERİLDİ 4 Avqust 2020, 21:11 Əli Əsədov sərt karantinlə bağlı daha bir QƏRAR verdi 4 Avqust 2020, 20:57 Paytaxtda güclü partlayış: 6 ölü, YENİLƏNİB - VİDEO 4 Avqust 2020, 20:52 “WhatsApp”da mesajların həqiqiliyini yoxlamaq mümkün olacaq 4 Avqust 2020, 20:37 Yeni ekspres avtobuslar xəttə  buraxılır - GEDİŞHAQLARI... 4 Avqust 2020, 20:24 Süni tənəffüs cihazına qoşulan COVİD-19 xəstələrinin sayı 51 nəfərədək azaldı 4 Avqust 2020, 20:14 Fransada pandemiyanın ikinci dalğası barədə xəbərdarlıq edilib 4 Avqust 2020, 19:39 Çinin koronavirusa qarşı aparıcı həkimləri Bakıda - FOTO 4 Avqust 2020, 19:24 Samir Şərifov: “İcmal büdcənin kəsiri 8 milyard 436 milyon manat təşkil edəcək” 4 Avqust 2020, 18:57 XİN: BMT-də COVID-19 pandemiyasına həsr olunmuş xüsusi sessiya davam edir 4 Avqust 2020, 18:45 Dövlət büdcəsinə dəyişiklik layihəsi parlamentin plenar iclasına TÖVSİYƏ EDİLDİ 4 Avqust 2020, 18:32 Milli Məclisin deputatları Belarusda prezident seçkilərini izləyəcək 4 Avqust 2020, 18:27 “Space” 1 saatda 20 dəqiqə reklam verdiyi üçün CƏZALANDIRILDI 4 Avqust 2020, 18:16 Dolların sabaha olan məzənnəsi açıqlandı 4 Avqust 2020, 18:14 Bakı Nəqliyyat Agentliyi daha 5 ekspres xətt təşkil edir 4 Avqust 2020, 18:05 “Nar” eşitmə məhdudiyyətli insanları tibbi-gigiyenik vasitələrlə təmin edib 4 Avqust 2020, 17:59 Korrupsiyada ittiham olunan kral ölkəni tərk etdi 4 Avqust 2020, 17:56 “Gürcüstanın timsalında strateji tərəfdaş görmədik” – Elxan Şahinoğlunun ŞƏRHİ 4 Avqust 2020, 17:31 Bu idman komplekslərində viruslu xəstələr müalicə alacaq 4 Avqust 2020, 17:24 Koronavirusa bugünkü yoluxma azalıb, sağalma artıb - RƏQƏMLƏR 4 Avqust 2020, 17:23