Gürcüstanın eks-prezidenti Mixail Saakaşvili Gürcüstandakı siyasi vəziyyətə qiymət verib.
Modern.az xəbər verir ki, siyasətçi Zuqdidi şəhərindəki bankın qarət olunmasına cəhdi pisləyib:
“Bu nə idi? Təsəvvür edin ki, belə hal nəinki Şevardnadze Gürcüstanında, ümumiyyətlə, heç bir ölkədə baş verə bilməzdi. Dünən bir daha əmin olduq ki, Gürcüstan dövləti faktiki məhv edilib”, - deyə Saakaşvili söyləyib.
Eks-prezidentin fikrincə, həmin gün Vahid Milli Hərəkat Partiyasının Zuqdididə aksiyası olacağı üçün bütün polis qüvvələri əraziyə cəlb olunmuşdu.
