Arxiv
23 May 2020, 13:09 | REPORTAJ
Rüstəm Usubov necə xatırlanacaq?...

Azərbaycan Prezidenti İlham Əliyevin sərəncamı ilə 15 il Baş prokurorun I müavini postunu tutan, II dərəcəli dövlət ədliyyə müşaviri, 66 yaşlı Rüstəm Usubov mayın 21-də vəzifəsindən azad olunub.

Qeyd edək ki, Rüstəm Usubovun adı bir sıra səs-küylü hadisələrdə hallanıb. Onun prokurorluq orqanlarındakı fəaliyyəti ilə bağlı rəylər birmənalı deyil.


Maraqlıdır, Respublika Prokurorluğunda 15 illik fəaliyyət göstərmiş Baş prokurorun I müavini necə xatırlanacaq?


Uzun illərdir Rüstəm Usubovla tanış olduğunu deyən, Demokratiya və İnsan Hüquqları komitəsinin sədri, hüquq üzrə fəlsəfə doktoru Çingiz Qənizadə Modern.az-a onun sadə bir insan olduğunu bildirib:


“Hələ Baş prokurorun I müavini olmamışdan əvvəl də Rüstəm Usubovu tanıyırdım. Rüstəm müəllim vəzifədən əvvəl də, vəzifədə olarkən də sadə idi. Hər zaman insanlar, mətbuat üçün açıq olub. Qeyd edim ki, hüquqşünas olmaq heç də hər zaman professional olmaq demək deyil. Hüquqşünaslarımız çox ola bilər, amma çalışdığı yerdə öz sahəsinə uyğun profesionallıq nümayiş etdirmək  tamamilə başqa şeydir. Mən Rüstəm müəllimi professional hüquqşünas kimi dəyərləndirirəm və hesab edirəm ki, o, professional istintaqçı idi. Ona görə də Baş prokurorun I müavini olaraq həmişə istintaqa nəzarət edirdi. Uzun illər hətta ölkədə səs-küylü cinayət işlərinin istintaqı Baş prokurorun nəzarəti də olmaqla, bilvasitə vəzifə bölgüsü ilə Rüstəm müəllimin rəhbərliyi altında həyata keçirilib, işlər açılıb, məhkəməyə göndərilib. Məndə olan məlumata görə, Rüstəm müəllim kollektiv içərisində də seçilən, sevilənlərdən, öz əməkdaşlarına diqqətlə, qayğı ilə yanaşanlardan olub. Bunların nəticəsidir ki, Rüstəm müəllim vəzifədən çıxarıldıqdan 1 gün sonra möhtərəm Prezidentimiz tərəfindən “Əməkdar hüquqşünas” adına layiq görülüb. Belə hesab edirəm ki, Rüstəm müəllimin yaşı, savadı, fiziki durumu imkan verir ki, onun təcrübəsindən digər sahələrdə də istifadə edilsin. Düşünürəm ki, prokurorluq orqanı işçiləri, hüquqşünaslar, bu və digər formada müəyyən mənada Rüstəm Usubovla yolu kəsişən hər kəs onu xoş xatırlayacaq. Bundan sonrakı fəaliyyətində ona uğurlar, can sağlığı arzulayıram”.


Bu mövzuda ətraflı danışmaq istəməyən keçmiş Baş prokuror Əli Ömərov hər şeyin qiymətini xalqın verəcəyini bildirib:


“Mən ancaq özüm barədə danışa bilərəm. İndi insanlar məni görəndə salamlaşır, halımı soruşurlar, çaya dəvət edirlər. Bilmirəm indi onlar haqqında da bunları deyəcəklər, yoxsa yox, bunu xalq bilər. Mənim bu sahədə çalışmış biri kimi Rüstəm Usubov haqqında fikir bildirməyim yaxşı deyil. Xalqın gözü tərəzidir, hər şeyin qiymətini özü verəcək”.


Hüquqşünas Aslan İsmayılov
isə Baş prokurorun sabiq birinci müavini barədə müsbət fikirdə deyil:


“Mən dəfələrlə fikir bildirmişəm, o səbəbdən də çox danışmaq istəmirəm. Amma Rüstəm Usubov Azərbaycan Respublikasının son 20 ilində bütün qanunsuzluqların birbaşa qərar qəbul edəni və icraçısıdır.

Sabiq Baş prokuror Zakir Qaralovun başı biznesə qarışdığından, Respublika Prokurorluğunun bütün fəaliyyətini Rüstəm Usubov yönləndirirdi. Rüstəm Usubovun Baş prokurorun birinci müavini yox, elə prokurorluq orqanlarında olmasının özü bir təsadüf idi. Hələ Xətai rayonunda işlədiyi vaxt qanunsuz əməllərinə görə, Rüstəm Usubovun haqqında cinayət işi qaldırılmışdı. Onun haqqında ədalətli araşdırma aparılsa, onlarla cinayət işi qaldırılmalıdır. Ona görə də belə bir adama həm də “Əməkdar hüquqşünas” adı verilməsinə qəti razı deyiləm”.


Xatırladaq ki, R.Usubov 1954-cü il oktyabrın 4-də Gəncə şəhərində anadan olub. 1982-ci ildə Tomsk Dövlət Universitetinin hüquq fakültəsini bitirib.

Rusiya Federasiyası prokurorluq orqanlarında müxtəlif vəzifələrdə işləyib, 1985-ci ildə Azərbaycan Respublikasının prokurorluq orqanlarına işə qəbul olunaraq Bakı Şəhər Prokurorluğunun boyük müstəntiqi, Respublika Prokurorluğunun İstintaq idarəsinin prokuroru, Bas prokurorun yanında xüsusilə mühüm işlər uzrə müstəntiqi, boyük müstəntiqi, Respublika Prokurorluğu İstintaq idarəsinin 1-ci istintaq şöbəsinin rəisi, həmin idarənin Xüsusilə təhlükəli cinayətlərin istintaqı şöbəsinin rəisi, Bakı şəhər prokurorluğunun İstintaq şöbəsinin rəisi, Bakı şəhəri Xətai rayon prokuroru, Hərbi prokurorluğun İstintaq idarəsinin prokuror-kriminalisti, Baş Prokurorluğun Prokurorluqda İstintaqa Nəzarət İdarəsinin rəisi vəzifələrində işləyib.

Azərbaycan Respublikası Prezidentinin 12 avqust 2005-ci il tarixli Sərəncamı Azərbaycan Respublikası Baş prokurorunun birinci müavini təyin edilmişdi.
İki il əvvəl «Vətənə xidmətə görə» ordeni ilə təltif edilib.

BU KATEQORİYADAN OLAN DİGƏR XƏBƏRLƏR
+ Arxiv
SOCAR-dan partlayış baş verən qaz kəməri ilə bağlı AÇIQLAMA 7 Avqust 2020, 23:04 Reanimasiyadakı COVİD-19 xəstələrinin sayı AZALDI 7 Avqust 2020, 22:49 Təyyarə qəzasında 14 nəfər öldü - YENİLƏNİB 7 Avqust 2020, 22:32 Xəzərdə batan yeniyetmənin meyiti tapıldı 7 Avqust 2020, 22:13 Hacıqabulda SOCAR-a məxsus kəmərdə partlayış - YENİLƏNİB 7 Avqust 2020, 21:59 İri ticarət mərkəzləri bağlı qaldı   7 Avqust 2020, 21:47 Açıq havada idman oyunlarına İCAZƏ VERİLDİ 7 Avqust 2020, 21:22 Karantin rayonlarına giriş-çıxışla bağlı YENİ QAYDALAR 7 Avqust 2020, 21:17 Baş Nazirdən 190 manat birdəfəlik ödəmə ilə bağlı QƏRAR 7 Avqust 2020, 21:01 10 avqustdan bu qadağalar götürülür - RƏSMİ 7 Avqust 2020, 20:51 SOCAR-da Prezidentin çıxışından irəli gələn vəzifələr müzakirə edildi 7 Avqust 2020, 20:43 Paytaxtda zəncirvari qəza: 7 avtomobil toqquşdu 7 Avqust 2020, 20:28 “Qobu park-3”-ə köçkünlərin yerləşdirilməsi başa çatır 7 Avqust 2020, 20:16 Azərbaycanla Türkiyənin qırıcları birgə havaya qalxdı – Təlimdən VİDEO 7 Avqust 2020, 19:21 Bakı-Pirşağı-Sumqayıt xəttinə əlavə qatarlar buraxılır 7 Avqust 2020, 19:13 Bu şəhərdə hər kəs pulsuz koronavirus testindən keçəcək 7 Avqust 2020, 19:03 Saxta arayış satan baş həkim tutuldu 7 Avqust 2020, 18:44 Yol Polisi Bakını tərk etmək istəyən sürücülərə MÜRACİƏT ETDİ 7 Avqust 2020, 18:31 Avropada maska taxmayanları nə qədər cərimə edirlər? - MƏBLƏĞLƏR 7 Avqust 2020, 18:27 Müəllimlərin işə qəbulu üzrə müsabiqənin ikinci mərhələsinə başlanılır 7 Avqust 2020, 18:18 Sabah qruplarına müəllim axtarılır 7 Avqust 2020, 18:15 Deputat növbədənkənar sessiyanın xalqa faydasından danışdı 7 Avqust 2020, 18:06 Bakı yollarında 2 kilometrlik tıxaclar yaranıb - FOTOLAR 7 Avqust 2020, 18:00 Putin və Lukaşenko ilə “vaqnerçilət”in taleyini müzakirə edib 7 Avqust 2020, 17:55 Bu il yanğınlarda 23 nəfər həlak olub 7 Avqust 2020, 17:40 Abituriyentlərin nəzərinə: Qabiliyyət imtahanında iştirak üçün qeydiyyat başlayıb 7 Avqust 2020, 17:35 Məhkəmə Əli Kərimlinin sürücüsünə iş kəsdi 7 Avqust 2020, 17:34 Peşə məktəblərinə tələbə qəbulunun vaxtı açıqlandı 7 Avqust 2020, 17:28 Dolların manata qarşı məzənnəsi açıqlandı 7 Avqust 2020, 17:12 Milli Məclisin sədr müavini UFC-nin rəhbərinə müraciət etdi 7 Avqust 2020, 17:01 Azərbaycana 30 kq narkotik vasitə gətirən şəxs yaxalandı - VİDEO 7 Avqust 2020, 16:53 Yoluxma sayı 129-a düşdü: 421 sağalma, 4 ölüm 7 Avqust 2020, 16:44 2020-ci il tarixə bəşəriyyətin sınaq ili kimi yazılmaqdadır 7 Avqust 2020, 16:43 “Bakubus” sürücü axtarır 7 Avqust 2020, 16:39 Azərbaycanda məscid, kilsə və sinaqoqların sayı AÇIQLANDI 7 Avqust 2020, 16:37