Arxiv
30 mart 2019, 10:18 | REPORTAJ
Prezidentin mükafatlandırdığı gənc: “Həkimlər xəstəliyimizin səbəbini tapa bilmirlər” - MÜSAHİBƏ  

Həyat bəzən insanlara qarşı çox amansız olur. Bəzi insanlara görünən, bəzilərinə isə görünməyən qüsurlar bəxş edir. Elə düşünürəm ki, bu gün cəmiyyətimizdə mənəvi qüsurlu insanlar fiziki məhdudiyyətli insanlardan daha çoxdur. Fiziki məhdudiyyətli insanları əlil adlandırırlar. Mənəvi qüsurlu insanlara isə bu baxımdan heç bir ad qoymaq mümkün deyil…


Qısa fasilədən sonra Modern.az saytının “Art Time” rublikasına davam edirik. Budəfəki qonağımız I qrup əlil, gənc kinorejissor, 2019-cu ilin Gənclər günündə Prezident mükafatına layiq görülən beş gəncdən biri -  Azərbaycan Dövlət Mədəniyyət və İncəsənət Universitetinin magistrı Masər Həsənovdur.


- Masər, necə oldu ki, Prezident mükafatına layiq görüldünüz?


-
Bu xəbəri gözləmirdim. Mənə bir gün öncə, nazirlikdən zəng vuraraq Prezident mükafatına layiq görüldüyümü bildirdilər. Sözün düzü şokda idim. Bu xəbər mənim üçün çox gözlənilməz oldu. Ailəlikcə çox sevindik. Bu barədə heç vaxt düşünməmişdim. Mən festivallarda iştirak edəndə əsas məqsədim qalib olmaq yox, öz filmlərimə geniş ekranlarda və kütlə arasında baxmaq idi. Məhz bu arzunu mən, illərdir ürəyimdə daşıyırdım. Arzularım, həyatla mübarizə əzmim gücsüz ayaqlarıma güc verirdi ki, çətinliklə olsa belə, hərəkət edim. Mükafat almaq isə ikinci məqsədim olub. Fiziki məhdudiyyətli bir gənc üçün belə bir uğur qazana bilmək böyük xoşbəxtlikdir. Dəstək olan, mükafata layiq bilən hər kəsə öz təşəkkürümü bildirirəm.

- Prezident İlham Əliyev sənə yaxınlaşaraq mükafatı təqdim etdi və yavaşca nə isə pıçıldadı. O anları bizimlə bölüşə bilərsən?


- Cənab prezident məni təbrik etdi və uğurlar arzuladı. Onunla görüşən zaman çox həyəcanlı  idim. Gözləmirdim ki, özü şəxsən mənə yaxınlaşaraq, diplomu təqdim edəcək. Diqqət üçün bir daha cənab prezidentimizə təşəkkür edirəm.

- Neçə yaşınızdan sizdə yerimə qüsuru yarandı?

- Uşaqlıqdan yeriməyə başlayandan sonra ayaqlarım əyilməyə başladı. Həkimlər sağlamlığım üçün heç bir təhlükə olmadığını və bu halın keçəcəyini söylədilər, lakin dedikləri kimi olmadı. İlk dəfə 9 yaşımda ayaqlarıma cərrahi müdaxilə olundu. O zaman ayaqlarım əyri olsa da, gəzə bilirdim. Vaxt keçdikcə isə ayaqlarımdakı gücü itirməyə başladım. Uzaq məsafələrə normal hərəkət edə bilmədim və nəticədə indiki vəziyyət alındı.

- Hal-hazırda yeriməni tamamən itirmisiniz? Müalicələr alırsız? Deyəsən bacınız da eyni qüsurdan əziyyət çəkir. Bəlkə xəstəliyinizə hər hansı bir irsi amillər səbəb olub?


- Tamamən deməzdim, amma xeyli itirmişəm. Uzaq məsafələrə hərəkət edə bilmirəm. Pilləkənləri qalxmaqda xeyli əziyyət çəkirəm. Dəmir tutqacsız gəzə bilmirəm. Bəli, ailədə iki övladıq və bacım da, mənim kimi yerimə qüsurludur. Bacım ali təhsillidir. Azərbaycan Dövlət İqtisad Universitetinin məzunudur. Valideynlərimizin heç birində bu qüsur olmayıb. Həkimlər xəstəliyimizin səbəbini hələ də müəyyən edə bilməyiblər.


- Fiziki qüsurunuz sizə ailədə maddi çətinliklər yaradır?


- Ailədə 4 nəfərik. Anam, bacım, həyat yoldaşım və mən. Atam isə Rusiyada işləyir. Şükürlər olsun ki, ailəmizin maddi vəziyyəti normaldır. Ailəmizin bütün üzvləri işləyir.


Həyat yoldaşınızla tanışlığınız necə oldu? O da fiziki qüsurludur?


- Xeyr. Həyat yoladşımın heç bir fiziki qüsuru yoxdur. Ali təhsillidir. Bakı Dövlət Universitetinin məzunudur. Tanışlığımız işdə oldu. Mən valideynlərimizlə bir yerdə işləyirdim. Bir neçə dəfə anasının yanına gəlmişdi. Anam çox deyirdi ki, bu qıza diqqət et, amma mən heç vaxt o haqda fikirləşməmişdim. Bir gün, heç özüm də necə olduğunu bilmədən anama dedim ki, mən razıyam, gedin danışın. Həyat yoldaşımın təhsil aldığı vaxt valideynləri rayona qayıtmalı oldular. Qalmağa yeri olmadığı üçün təklif etdik ki, bizdə qalsın. Universiteti bitirən ərəfədə isə mən həyatımın qadınının məhz o, olacağına qərar verdim.  Anama bildirdim ki, onunla danışsın və nəhayət o, bu barədə razılığını bildirdi.


- Bəs həyat yoldaşınızın ailəsi sizin evlənməyinizə razı oldu?


- Xeyr .Mən fiziki qüsurlu olduğum üçün bu nikaha etirazlarını bildirdilər. Hətta toyumuza belə gəlmədilər. Hal-hazırda da münasibətlərimiz yoxdur.


- Universitetə 24 yaşınızda daxil olmusunuz. Bəs bu vaxta kimi nə işlə məşqul idiniz?


- Təhsil almazdan öncə, “Saloğlu” mebel dükanında operator kimi çalışırdım. 2014-cü ildən bu şirkətdə çalışıram. Hal-hazırda da bu şirkətdə çalışmaqdayam. 2017-ci ildən isə bu şirkətdə PR və Marketinq üzrə mütəxəsis vəzifəsinə keçmişəm.


- Universitetdə məhşur kinorejissor, Xalq artisti Eldar Quliyevdən dərs almısınız. Bu sizə kino rejissoru kimi nə özəllik qazandırdı?


- İndi də magistraturada Eldar müəllimdən dərs alıram. Mən kino sahəsində qazandığım bütün uğurlarıma görə məhz o insana minnətdaram. Eldar Quliyevin əsər seçimindən, ssenarinin yazılışınadək verdiyi məsləhətlər çox qiymətlidir. Mən çox şanslıyam ki, Eldar Quliyevin tələbəsiyəm.


- Kino sahəsi, film istehsalı çəkilişi çox çətin bir prosesdir. Bəzən olur ki, kifayət qədər sağlam insanlar bu sahədə uğursuz olurlar və tez həvəsdən düşürlər. Fiziki qüsurlu olmanız sizə çəklişlərdə problem yaradır?


- Bu ixtisası seçərkən, bir çox insanlar mənə bu kimi fikirlər söylədilər. Kino rejissoru olmaq mənim uşaqlıq arzum olub. Hələ uşaqkən yeriyə bilən zaman fotolar çəkirdim və bu haqda çoxlu arzularım var idi. Fiziki qüsurum məni bu arzumdan yayındıra bilmədi. Bütün çətinlikləri gözə alaraq, bu sahəyə gəldim. Çəkilişdən öncə biz xeyli məşq edirik və bunun üçün də çəkiliş prosesi mənə o qədər də çətin olmur. Özümü uğura doğru kökləyirəm və məhz bu amil çəkiliş zamanı mənə fiziki qüsurumu unutdurur. Çəkilişdə tək problemim texnikayla bağlıdır. Hər zaman universitetdən texnika götürmək mümkün olmadığı və bəzi avadanlıqların universitetdə olmaması səbəbindən onları icarəyə götürür, əlavə ödənişlər edirik. Bu da mənim üçün bir az çətin olur.


- Filmləriniz hansı festivallarda iştirak edib?

- “Dünya sandığımızdan da gözəldir” filmim “Bakı Oskar” film festivalında ən yaxşı ssenari nominatsiyası üzrə qalib olub. “Everest” filmim “Bakı Oskar 2” film festivalında ən yaxşı sənədli film üzrə qalib olub və Brazilyada keçirilən festivalda finalçılar sırasına düşüb. “Déjà vu” filmim “Start”  film festivalında “Münsiflər heyətinin rəğbəti” mükafatı qazanıb. Həmçinin, bu filmim Rumuniyada, Rusiyada, Mərakeşdə və Türkiyədə keçirilən festivallarda iştirakçılar sırasına düşüb.

- Sizi evdən universitetə, bakalavriatdan magistraturaya və nəhayət prezident mükafatına nə gətirdi?


- Gördüyüm işlər və ətrafımda olan ailəmin, dostlarımın və müəllimlərimin mənə olan inamı,  dəstəyi. Daşı daş üstə qoyaraq ev tikirlər və uğur birdən-birə qazanılmır. Qazandığım uğurlar təkcə mənim deyil, ətrafımda mənə dəstək olan hər bir insanın uğurudur. Yaşam sevgim, istəyim, arzularım, ətrafımda olan insanlar, məni sevən və köməklik göstərən bütün dostlar gücsüz olan ayaqlarıma güc verir, məni hərəkətə gətirirlər. Mən də nə isə yaratmağa çalışıram. Ən çox mənə dəstək olan isə anam, bacım və həyat yoldaşımdır.


- Sizin kimi bir çox fiziki qüsurlu gənclər var ki, həyatdan bütün ümidlərini üzüblər. Belə gənclərə nə demək istərdiniz?

- Təkcə fiziki qüsurlu olan yox, bütün gənclərə demək istərdim ki, heç zaman fikirləşməsinlər ki mən kimdənsə zəifəm, bacarmaram. Çünkü hər şey insanın öz əlindədir. Əgər sən bir işə başlayıb yarı yolda qoymayacaqsansa, davam gətirəcəksənsə, sonda səni nəaliyyət gözləyir. Gənclərimizə tövsiyə edərdim ki, doğru bildikləri işi sona çatdırmağı bacarsınlar. Bildiyimiz kimi, arzular tükənməzdir və hər şey insanın öz əlindədir…


Leyla Əsədullayeva

BU KATEQORİYADAN OLAN DİGƏR XƏBƏRLƏR
+ Arxiv
Hərbçilərimiz MDB Silahlı Qüvvələrinin Qərargah Rəisləri Komitəsinin iclasında iştirak edəcək 30 Oktyabr 2020, 08:46 Rusiyada yaşayan yarasalarda koronavirus aşkarlandı 30 Oktyabr 2020, 08:38 Ermənistan 4 rayonumuzu artilleriya atəşinə tutur - Müdafiə Nazirliyi 30 Oktyabr 2020, 08:30 Düşmənin bu gecə məhv edilən texnikaların SİYAHISI 30 Oktyabr 2020, 08:20 Bu gecə döyüş əməliyyatları cəbhənin üç rayonunda davam edib - SON VƏZİYYƏT 30 Oktyabr 2020, 08:12 İstanbulda teleqüllə iki qardaş ölkənin bayraqlarının rəngində işıqlandırılıb 30 Oktyabr 2020, 07:26 Cəbhə gündəliyi: 29 oktyabrda nələr oldu... 30 Oktyabr 2020, 04:00 Qurban Qurbanovdan Rusiya TV-sinə: “Başlarına dəysin” 30 Oktyabr 2020, 01:01 Yaşayış məntəqələrinə atılan raketlər zərərsizləşdirildi 30 Oktyabr 2020, 00:44 ““Qarabağ”ın oyunu adama xoş gəlir” - Unay Emeri 30 Oktyabr 2020, 00:31 Zaxarova Azərbaycan və Ermənistan XİN rəhbərlərinin Cenevrə görüşünün detallarını açıqladı 30 Oktyabr 2020, 00:22 Bərdədə raket zərbələri yaşayış evlərinə endirilib - Xarici jurnalist - VİDEO 30 Oktyabr 2020, 00:10 Teledərslərin sabaha olan CƏDVƏLİ 29 Oktyabr 2020, 23:55 “Qarabağ” İstanbuldan xalsız qayıdır - YENİLƏNİB 29 Oktyabr 2020, 23:49 “Jonson&Jonson” Qarabağdakı terrorçu rejimi maliyyələşdirir? - FOTO 29 Oktyabr 2020, 23:28 Bakı Olimpiya Stadionu da Türkiyə bayrağına “büründü” - FOTO 29 Oktyabr 2020, 23:11 Cavabdeh şəxslər ədalət məhkəməsi qarşısında cavab verməlidir - Nazirlər 29 Oktyabr 2020, 22:56 “VICE News” da Bərdəyə kasetli raketlər atıldığını təsdiqlədi 29 Oktyabr 2020, 22:52 Türkiyədə koronavirusa yoluxanların sayı artır 29 Oktyabr 2020, 22:41 XİN-dən açıqlama: “...Rusiya Müdafiə Nazirliyi müstəsna rol oynayıb” 29 Oktyabr 2020, 22:28 Düşmən qüvvələri məhv edildi - VİDEO 29 Oktyabr 2020, 22:12 “Azərbaycan Ordusu Şuşanın 5 kilometrliyindədir” - ermənilər təşvişə düşdü 29 Oktyabr 2020, 22:04 Yenidən distant təhsilə qayıdırıq - Baş Nazirdən QƏRAR 29 Oktyabr 2020, 21:53 “Amnesty International”dən Bərdə ETİRAFI 29 Oktyabr 2020, 21:31 “Qarabağ” - “Vilyareal” matçında start heyətləri açıqlandı 29 Oktyabr 2020, 21:23 Azərbaycan və Türkiyə XİN rəhbərləri son prosesləri müzakirə etdilər 29 Oktyabr 2020, 21:17 GUAM Azərbaycan şəhərlərinin raket atəşinə tutulmasını pislədi 29 Oktyabr 2020, 21:02 Dinc əhalimizi atəşə tutan düşmən bölmələri darmadağın edilir - VİDEO 29 Oktyabr 2020, 20:46 Konstitusiya Məhkəməsindən Bərdə bəyanatı 29 Oktyabr 2020, 20:41 Atatürkün balıqçı meyxanəsindəki şəkilləri 29 Oktyabr 2020, 20:34 Heydər Əliyev Mərkəzinin binası üzərinə Türkiyə bayrağı proyeksiya olundu - FOTO 29 Oktyabr 2020, 20:23 Goranboy sakininin həlak olduğu evdən FOTOLAR 29 Oktyabr 2020, 20:17 Ermənistan bir gündə 98 hərbçisinin ölümünü etiraf etdi 29 Oktyabr 2020, 20:09 Yaşayış məntəqələrinə raket və aviasiya zərbələrinin endirilməsi xəbəri yalandır - Müdafiə Nazirliyi 29 Oktyabr 2020, 20:01 Özbəkistanın qadın şairləri İlham Əliyevə məktub yazdılar 29 Oktyabr 2020, 20:00